ବେଙ୍ଗାଲୁରୁ, ୨୧/୧ : ସାଇବର ଠକମାନେ ଏବେ ନୂଆ ନୂଆ ଉପାୟ ବ୍ୟବହାର କରୁଛନ୍ତି ଯେଭଳି ସେମାନେ ଅତି ସହଜରେ ଲୋକଙ୍କୁ ଠକିପାରିବେ। ଅନଲାଇନ୍ ଠକେଇ, ଫିସିଂ ଏବଂ ଅନ୍ୟାନ୍ୟ ପଦ୍ଧତି ମାଧ୍ୟମରେ ଲୋକମାନେ ହେଉଛନ୍ତି । ବେଙ୍ଗାଲୁରୁରୁ ମଧ୍ୟ ସାଇବର ଠକେଇର ଏକ ଭିନ୍ନ ମାମଲା ସାମ୍ନାକୁ ଆସିଛି । ସାଇବର ଅପରାଧୀମାନେ ଏକ ନୂତନ ପଦ୍ଧତି ଆପଣାଇ ଜଣେ ବ୍ୟକ୍ତିଙ୍କୁ ଠକିଛନ୍ତି । ମାଗଣା ମୋବାଇଲ୍ ଫୋନ୍ ଦେଇ ଲୁଟିନେଲେ ଟଙ୍କା । ସେହି ଫୋନରେ ସିମ୍ କାର୍ଡ ଲଗାଇ ଏହାକୁ ସକ୍ରିୟ କରିବା ମାତ୍ରେ ତାଙ୍କ ବ୍ୟାଙ୍କ ଆକାଉଣ୍ଟରୁ ପ୍ରାୟ ୩କୋଟି ଟଙ୍କା ହଠାତ୍ କେଉଁଆଡ଼େ ଗାଏବ ହୋଇଗଲା।
ସାଇବର ଅପରାଧୀମାନେ ଜଣେ ବ୍ୟକ୍ତିଙ୍କୁ ଏକ ମୋବାଇଲ୍ ଫୋନ୍ ଉପହାର ଦେଇଥିଲେ ଯେଉଁଥିରେ ପୂର୍ବରୁ ସଫ୍ଟୱେର୍ ଲାଗିଥିଲା। ବ୍ୟକ୍ତି ଜଣକ ଫୋନରେ ସିମ୍ କାର୍ଡ ଭର୍ତ୍ତି କରି ଏହାକୁ ସକ୍ରିୟ କରିବା ମାତ୍ରେ, ଫୋନର ସମସ୍ତ କାର୍ଯ୍ୟକଳାପ ସାଇବର ଅପରାଧୀଙ୍କ ପାଖକୁ ଯାଇଥିଲା। ଏହି ଠକେଇ ଏକ କଲ୍ ସହିତ ଆରମ୍ଭ ହୋଇଥିଲା ଯେଉଁଥିରେ ଅପରାଧୀ ଦାବି କରିଥିଲା ଯେ ସେ ଏକ ଅନ୍ତର୍ଜାତୀୟ ବ୍ୟାଙ୍କର କ୍ରେଡିଟ୍ କାର୍ଡ ଯୋଗାଇପାରିବେ । ଯାହା ମାଧ୍ୟମରେ ସହଜ ସୁଧ ହାରରେ କୋଟି କୋଟି ଟଙ୍କାର ଋଣ ମିଳିପାରିବ। ବ୍ୟକ୍ତି ଜଣକ ରାଜି ହୋଇଗଲେ ଏବଂ ତାଙ୍କୁ ଏକ ନୂତନ ସିମ୍ କାର୍ଡ କିଣିବାକୁ କୁହାଗଲା। ଏହାପରେ ତାଙ୍କୁ କୁହାଗଲା ଯେ ସେ ସିମ୍ ଏବଂ କ୍ରେଡିଟ୍ କାର୍ଡର ଲକି ଡ୍ରରେ ଏକ ମୋବାଇଲ୍ ଫୋନ୍ ଜିତିଛନ୍ତି, ଯାହା କିଛି ଦିନ ମଧ୍ୟରେ ତାଙ୍କୁ ପଠାଯିବ।
କଲ୍ ପାଇବା ପରେ, ନିର୍ଦ୍ଦେଶ ଅନୁସାରେ ବ୍ୟକ୍ତି ଜଣକ ତାଙ୍କ ବ୍ୟାଙ୍କ ଆକାଉଣ୍ଟ ଗୁଡ଼ିକୁ ନୂତନ ସିମ୍ ସହିତ ଲିଙ୍କ୍ କରିଥିଲେ। ଏହାପରେ, ସେ ମେସେଜ୍ ପାଇବା ବନ୍ଦ କରିଦେଲେ । ଯେତେବେଳେ ସେ ବ୍ୟାଙ୍କକୁ ଗଲେ, ସେ ଜାଣିବାକୁ ପାଇଲେ ଯେ ତାଙ୍କ ଆକାଉଣ୍ଟରୁ ପ୍ରାୟ ୨ କୋଟି ୮୦ ଲକ୍ଷ ଟଙ୍କା ଠକେଇ ହୋଇଛି।
ପ୍ରଥମେ ତାଙ୍କ ଘରକୁ ଏକ ମାଗଣା ଫୋନ୍ ପଠାଇଥିଲେ, ତା'ପରେ ତାଙ୍କ ବ୍ୟାଙ୍କ ଆକାଉଣ୍ଟରୁ ୩ କୋଟି ଟଙ୍କା ଚୋରି କଲେ । ସାଇବର ଠକେଇର ଏହି ପଦ୍ଧତି ପ୍ରତି ସତର୍କ ରୁହନ୍ତୁ । କଲ୍ ପାଇବା ପରେ, ନିର୍ଦ୍ଦେଶ ଅନୁଯାୟୀ, ବ୍ୟକ୍ତି ଜଣକ ତାଙ୍କ ବ୍ୟାଙ୍କ ଆକାଉଣ୍ଟ ଗୁଡ଼ିକୁ ନୂତନ ସିମ୍ ସହିତ ଲିଙ୍କ୍ କରିଥିଲେ। ଏହାପରେ, ସେ ମେସେଜ୍ ପାଇବା ବନ୍ଦ କରି ଦେଲେ। ଯେତେବେଳେ ସେ ବ୍ୟାଙ୍କକୁ ଗଲେ, ସେ ଜାଣିବାକୁ ପାଇଲେ ଯେ ତାଙ୍କ ଆକାଉଣ୍ଟରୁ ପ୍ରାୟ ୨ କୋଟି ୮୦ ଲକ୍ଷ ଟଙ୍କା ଠକେଇ ହୋଇଛି।
