ଭୁବନେଶ୍ୱର ୧୬/୦୩: କୋରାପୁଟ ଜିଲ୍ଲା କୋଟପାଡ଼ ଥାନା ଅନ୍ତର୍ଗତ ଗୁଲୁମୀ ଜଳପ୍ରପାତରେ ବୁଡ଼ି ୨ ଯୁବକ ନିଖୋଜ। ନିଖୋଜ ଦୁଇ ଜଣ ପଡୋଶୀ ଛତିଶଗଡ଼ ରାଜ୍ୟର ଜଗଦଲପୁର ଅଞ୍ଚଳର ରୋହନ କଶ୍ୟପ(ବୟସ ୨୧ ବର୍ଷ ) ଓ ଗୌରବ ବାଘେଲ (ବୟସ ୨୦ ବର୍ଷ ) ବୋଲି ଜଣାପଡିଛି। ଘଟଣା ସ୍ଥଳରେ କୋଟପାଡ଼ ଅଗ୍ନିଶମ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି।
ସୂଚନା ମୁତାବକ, ଛତିଶଗଡ଼ର ଜଗଦଲପୁର ଅଞ୍ଚଳରୁ ୧୩ ଜଣ ଯୁବକ କୋଟପାଡ଼ ବ୍ଲକର ଗୁଲମୀ ଜଳପ୍ରପାତକୁ ପିକନିକ କରିବାକୁ ଆସିଥିଲେ। ରୋଷେଇ ସରିବା ପରେ ଗାଧୋଉ ଯାଇଥିଲେ। ଗାଧୋଇବା ସମୟରେ ଗଭୀର ପାଣି ଭିତକୁ ଦୁଇ ଜଣ ଚାଲିଯାଇଥିଲେ। ହଠାତ୍ ଦୁଇ ଜଣ ପାଣିରେ ବୁଡି ନିଖୋଜ ହୋଇ ଯାଇଥିଲେ। ତାଙ୍କୁ ଖୋଜାଖୋଜି କରିବା ପରେ ବି ମିଳିନଥିଲେ। ଏନେଇ ସ୍ଥାନୀୟ ପୋଲିସ ଏବଂ ଅଗ୍ନିଶମ ବାହିନୀଙ୍କୁ ସୂଚନା ଦିଆଯାଇଥିଲା। ଘଟଣାସ୍ଥଳରେ ଅଗ୍ନିଶମ ଟିମ୍ ପହଞ୍ଚି ଦୁଇ ଯୁବକଙ୍କୁ ଉଦ୍ଧାର ପାଇଁ ଅପରେସନ ଆରମ୍ଭ କରିବା ଜଣାପଡିଛି।
