ଚେନ୍ନାଇ: ଆଇପିଏଲ୍ ୨୦୨୪ର ୪୯ ତମ ମ୍ୟାଚ୍ରେ ଚେନ୍ନାଇ ସୁପର କିଙ୍ଗ୍ସ ୧୬୨ ରନ୍ କରିଛି । ପଞ୍ଜାବ କିଙ୍ଗ୍ସ ବିପକ୍ଷରେ ୭ ଓ୍ବିକେଟ ହରାଇ ଏହି ସ୍କୋର କରିଛି ସିଏସକେ । ଆଜିର ମ୍ୟାଚ୍ରେ ଅଧିନାୟକ ପାଳି ଖେଳିଛନ୍ତି ଋତୁରାଜ ଗାଏକ୍ବାଡ । ଅଧିନାୟକ ଗାଏକ୍ବାଡ ୬୨ ରନ୍ କରିଛନ୍ତି ।
ଅଜିଙ୍କ୍ୟ ରାହାଣେ (୨୯), ରବୀନ୍ଦ୍ର ଜାଡେଜା (୨), ସମୀର ରିଜଭି (୨୧), ମୋଇନ ଅଲି (୧୫), ଏମଏସ୍ ଧୋନି (୧୪) ଏବଂ ଡାରିଲ ମିଚେଲଙ୍କ ଅପରାଜିତ ୧ ରନ୍ ବଳରେ ସିଏସକେ ୧୬୨ ରନ୍ କରିବାରେ ସଫଳ ହୋଇଛି । ସେପଟେ ପଞ୍ଜାବ କିଙ୍ଗ୍ସ ସାମ୍ନାରେ ୧୬୩ ରନ୍ର ବିଜୟ ଲକ୍ଷ୍ୟ ରଖିଛି ସିଏସକେ । ଆଜି ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲା ପଞ୍ଜାବ ।ହରପ୍ରୀତ ବ୍ରାର ଏବଂ ରାହୁଳ ଚହର ୨ଟି ଲେଖାଏଁ ଓ୍ବିକେଟ ନେଇଛନ୍ତି । କାଗିସୋ ରାବାଡା ଏବଂ ଅର୍ଶଦୀପ ସିଂହ ଗୋଟିଏ ଗୋଟିଏ ଓ୍ବିକେଟ ଅକ୍ତିଆର କରିଛନ୍ତି ।
ପ୍ରଥମେ ବ୍ୟାଟିଂ କରିବାକୁ ଆସିଥିବା ସିଏସକେ ଦଳୀୟ ସ୍କୋର ୬୪ ରନ୍ରେ ପ୍ରଥମ ଓ୍ବିକେଟ ହରାଇଥିଲା । ଅଜିଙ୍କ୍ୟ ରାହାଣେ ୨୯ ରନ୍ କରି କ୍ୟାଚ ଆଉଟ ହୋଇଥିଲେ ।ଏହା ପରେ ଶିବମ ଦୁବେ ଶୂନ୍ ରନରେ ଆଉଟ ହୋଇ ପ୍ୟାଭିଲିୟନ୍ ଫେରିଥିଲେ ।ପରେ ପରେ ରବୀନ୍ଦ୍ର ଜାଡେଜା, ସମୀର ରିଜଭି, ଋତୁରାଜ ଗାଏକ୍ବାଡ ଏବଂ ମୋଇନ ଅଲି ଆଉଟ ହୋଇଥିଲେ । ଆଜି ଧୋନିଙ୍କ ବ୍ୟାଟିଂ କରିବାର ଦେଖିବାକୁ ମିଳିଥିଲା। ଧୋନି ଆଜି ସେତେଟା ଭଲ ପ୍ରଦର୍ଶନ କରିପାରିନଥିଲେ । ୧୧ଟି ବଲ୍ ଖେଳି ଗୋଟିଏ ଛକା ଏବଂ ଚୌକା ଲଗାଇ ୧୪ ରନ୍ କରିବା ସହ ଶେଷ ବଲ୍ରେ ଦୁଇ ରନ୍ ଲାଗି ଦୌଡ଼ୁଥିବା ବେଳେ ରନ୍ ଆଉଟ ହୋଇଥିଲେ ।