ମୁମ୍ବାଇ, ୨୬/୪ : ଚିୟରଲିଡର୍ସ। ଏହି ଶଦ୍ଦ ପ୍ରତିଟି ଖେଳପ୍ରେମୀଙ୍କୁ ବେଶ୍ ଭଲ ଭାବେ ଜଣା । ଆଇପିଏଲ୍ ଖେଳରେ କୌଣସି ଟିମ୍ର ଚୌକା, ଛକ୍କା କିମ୍ବା ଓ୍ବିକେଟ ଗଲେ ଏମାନେ ଦୃଶ୍ୟମାନ ହୋଇଥାନ୍ତି। ଯାହାଙ୍କୁ କ୍ୟାମେରା ଟିମ୍ ତାଙ୍କ ଲେନ୍ସରେ ଆଣିବାକୁ ଭୁଲନ୍ତି ନାହିଁ । ଯେଉଁ ଟିମ୍ ଖେଳିଥାନ୍ତି ଉକ୍ତ ଟିମର ପୋଷାକ ପିନ୍ଧି ସେମାନେ ନୃତ୍ୟ ପ୍ରଦର୍ଶନ କରିଥାନ୍ତି । ଯାହା ସେଠାରେ ଉପସ୍ଥିତ ଥିବା ଦର୍ଶକଙ୍କୁ ବେଶ୍ ଉତ୍ସାହିତ କରିଥାଏ । ମାତ୍ର ସମସ୍ତଙ୍କ ମନରେ ଗୋଟିଏ ପ୍ରଶ୍ନ ଉଙ୍କିମାରେ ସେମାନେ କେତେ ଟଙ୍କା ପାଇଥାନ୍ତି । ସ୍ବଭାବିକ ଭାବେ ଏହି ପ୍ରଶ୍ନ ଉଠିବା ବି ଉଚିତ । ତେବେ ଆସନ୍ତୁ ଜାଣିବା ଚିୟରଲିଡର୍ସଙ୍କ ବିଷୟରେ।
ଆଇପିଏଲରେ ଚୌକା- ଛକ୍କା ହେବା ପରେ କିମ୍ବା କୌଣସି ଓ୍ବିକେଟ ଯିବା ପରେ କୌଣସି ନା କୌଣସି ଟିମ୍ ଲାଗି ସେଲିବ୍ରେଶନର ମୌକା ହୋଇଥାଏ । ଏହି ମୌକାରେ ଫ୍ୟାନ୍ସ ତ ସେଲିବ୍ରେଟ୍ କରିଥାନ୍ତି ଏହାସହ ଷ୍ଟାଡିୟମରେ ଫାୟର କ୍ରାକର୍ସ ମାଧ୍ୟମରେ ବି ଟିମକୁ ଉତ୍ସାହିତ କରିଥାନ୍ତି । ଏହାସହ ଚିୟରଲିଡର୍ସ ବି ନିଜ ଟିମ୍ ଲାଗି ଖୁସିରେ ନାଚୁଥିବା ନଜର ଆସିଥାନ୍ତି । ସବୁ ଟିମ୍ ନିଜ ଫ୍ରାଞ୍ଚାଇଜ ଲାଗି ଚୌକା- ଛକ୍କା ସେଲିବ୍ରେଟ୍ କରିବା ଲାଗି ଚିୟରଲିଡର୍ସ ହାୟର କରିଥାନ୍ତି । ମ୍ୟାଚ୍ ସମୟରେ ଉଭୟ ଟିମର ଚିୟରଲିଡର୍ସ ଷ୍ଟାଡିୟମରେ ଉପସ୍ଥିତ ଥାନ୍ତି । ବ୍ୟାଟିଂ କରୁଥିବା ଟିମର ଚୌକା- ଛକ୍କା ହେବା ପରେ ସେହି ଟିମର ଚିୟରଲିଡର୍ସ ଖୁସିରେ ନାଚିବାକୁ ଲାଗିଥାନ୍ତି । ସେହିଭଳି ଯଦି ବୋଲିଂ କରୁଥିବା ଟିମ୍ ଓ୍ବିକେଟ ନେଉଛି ତ ଏହି କଥାର ସେଲିବ୍ରେଶନ ଚିୟରଲିଡର୍ସ ଡ୍ୟାନ୍ସ ମୁଡ଼ରେ ନଜର ଆସିଥାନ୍ତି ।
ରିପୋର୍ଟ ଅନୁସାରେ ଚିୟରଲିଡର୍ସଙ୍କୁ ଗୋଟିଏ ମ୍ୟାଚ୍ ପାଇଁ ୧୨ହଜାର ଟଙ୍କାରୁ ନେଇ ୨୪ହଜାର ଟଙ୍କା ପର୍ଯ୍ୟନ୍ତ ମିଳିଥାଏ । ଚିୟରଲିଡର୍ସଙ୍କ ଦରମା ଟିମ୍ ଅନୁସାରେ ପରିବର୍ତ୍ତନ ଦେଖିବାକୁ ମିଳିଥାଏ । କୋଲକାତା ନାଇଟ ରାଇଡର୍ସ ନିଜ ଚିୟରଲିଡର୍ସଙ୍କୁ ସବୁଠାରୁ ଅଧିକ ଦରମା ଦେଇଥାଏ । କେକେଆର ଚିୟରଲିଡର୍ସଙ୍କୁ ଗୋଟିଏ ମ୍ୟାଚ୍ ଲାଗି ପ୍ରାୟ ୨୪ହଜାର ଟଙ୍କା ଦେଇଥାଏ ।
ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁର ଏବଂ ମୁମ୍ବାଇ ଇଣ୍ଡିଆନ୍ସ ଏହି ଲିଷ୍ଟରେ ଦ୍ବିତୀୟ ନମ୍ବରରେ ଅଛି । ଆରସିବି ଏବଂ ଏମଆଇ ନିଜ ଟିମର ଚିୟରଲିଡର୍ସଙ୍କୁ ଗୋଟିଏ ମ୍ୟାଚ୍ ଲାଗି ପ୍ରାୟ ୨୦ହଜାର ଟଙ୍କା ଦେଇଥାଏ । ସେହିଭଳି ଆଇପିଏଲର ବାକି ଟିମ୍ ଚେନ୍ନାଇ ସୁପର କିଙ୍ଗ୍ସ, ପଞ୍ଜାବ କିଙ୍ଗ୍ସ ଏବଂ ସନରାଇଜର୍ସ ହାଇଦ୍ରାବାଦ ସମେତ ସବୁ ଫ୍ରାଞ୍ଚାଇଜ ନିଜ ଟିମର ଚିୟରଲିଡର୍ସଙ୍କୁ ଗୋଟିଏ ମ୍ୟାଚ ଲାଗି ୧୨ହଜାର ଟଙ୍କାରୁ ୧୭ହଜାର ଟଙ୍କା ମଧ୍ୟରେ ଦେଇଥାଏ । ଏହି ଦରମା ଗତ ଆଇପିଏଲ୍ ସିଜନ ଅନୁସାରେ । ୨୦୨୫ଲାଗି ଚିୟରଲିଡର୍ସଙ୍କ ଦରମାରେ କିଛି ଅନ୍ତର ହୋଇପାରେ ।
