କୋଣାର୍କ, ୧୧।୧ : କୋଣାର୍କ ଯାତ୍ରୀନିବାସ ସମ୍ମିଳନୀ କକ୍ଷରେ ଶନିବାର କେନ୍ଦ୍ର ସାହିତ୍ୟ ଏକାଡ଼େମୀ, ସେଞ୍ଚୁରିଆନ ବିଶ୍ବବିଦ୍ୟାଳୟ, ଇନିଷ୍ଟିଚ୍ୟୁଟ ଅଫ ନଲେଜ ସୋସାଇଟ, ଇଣ୍ଡିଆନ ନଭେଲ କଲେକ୍ଟିଭ ପକ୍ଷରୁ ଏକାଦଶ ଚନ୍ଦ୍ରଭାଗା କବିତା ଉତ୍ସବ ଉଦଘାଟିତ ହୋଇଛି। ଏହି ଉତ୍ସବରେ ଅତିଥି ଭାବେ ବିଶିଷ୍ଟ ଚିତ୍ରକର ଯତୀନ ଦାଶ, କେନ୍ଦ୍ର ସାହିତ୍ୟ ଏକାଡ଼େମୀ ପୁରସ୍କାରପ୍ରାପ୍ତ ଅରୁଣ କମଲ, ପ୍ରଖ୍ୟାତ ତେଲୁଗୁ କବି ୟାକୁବ, ଉର୍ଦ୍ଦୁ କବି ଓ ଚିତ୍ରକର ଜୟନ୍ତ ପରାମାର, ନେପାଳର ବିଶିଷ୍ଟ କବି ୟୁୟୁଥ ଶର୍ମା, ତେଲୁଗୁ ଆଦିବାସୀ ଯୁବ କବି ରମେଶ କାର୍ତ୍ତିକ ନାୟକ, ପଦ୍ମଶ୍ରୀ ଦେବୀ ପ୍ରସନ୍ନ ପଟ୍ଟନାୟକ, ସେଞ୍ଚୁରିଆନ ବିଶ୍ବବିଦ୍ୟାଳୟ ଭିସି  ସୁପ୍ରିୟା ପଟ୍ଟନାୟକ, ପଶ୍ଚିମବଙ୍ଗର ବିଶିଷ୍ଟ କବି ପ୍ରବାଲ ବାସୁ,ତାମିଲ କବି ସଲମା, ବିଶିଷ୍ଟ ଇଂରାଜୀ କବି ଅଶ୍ବୀନି କୁମାର ପ୍ରମୁଖ ଯୋଗ ଦେଇଥିଲେ। 

ଆମେରିକା, ଜର୍ମାନୀ, କାମେରୁନ ଦେଶ ସମେତ ଭାରତର ବିଶିଷ୍ଟ କବି ଓ କବୟତ୍ରୀମାନେ ଅଂଶଗ୍ରହଣ କରିଥିଲେ। ଇଂରାଜୀ, ଓଡ଼ିଆ କବିତା, ଭାରତୀୟ କବିତା, ଦଳିତ ଆଦିବାସୀ କବିତା, ପ୍ରେମ କବିତା, ସମସାମୟିକ, ମହିଳା କବିତା ଓ ଓଡ଼ିଆ କବିତା ଆଦି ସ୍ଥାନ ପାଇଥିଲା। ପ୍ରଥମ ପର୍ଯ୍ୟାୟରେ କବିତା ପାଠ ଓ ଭାରତୀୟ କବିତାର ଧାରା, ମହିଳା କବିତା ଶୀର୍ଷକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା। ଓଡ଼ିଆ ଓ ଇଂରାଜୀ କବିତା ପଠନ ହୋଇଥିଲା। ୧୨ଟି କବିତା ଉନ୍ମୋଚନ ହେଲା। ଏହି କାର୍ଯ୍ୟକ୍ରମକୁ ପ୍ରଫେସର ଚନ୍ଦ୍ରଭାନୁ ପଟ୍ଟନାୟକ, ଅଶ୍ବିନୀ କୁମାର, ସରୋଜ ମହାନ୍ତି, ସଞ୍ଜୋଗିତା ମିଶ୍ର ପ୍ରମୁଖ ପରିଚାଳନା କରିଥିଲେ। ରବିବାର ଏହି ଉତ୍ସବ ଉଦଯାପିତ ହେବ।