କୋଣାର୍କ,୨୬।୭(ଆପ୍ର) ; ପୁରୀ-କୋଣାର୍କ ବେଳାମାର୍ଗ ଚନ୍ଦ୍ରଭାଗା ମେରାଇନ ଥାନା ଅନ୍ତର୍ଗତ ଲୋଟସ ରିସର୍ଟ ନିକଟ ରାମଚଣ୍ଡୀ ମୁହାଣ କୁଶଭଦ୍ରା ନଦୀକୁ ଏକ କାର ଖସିପଡିଛି। ଏହା ପରେ କାରଟି ନଦୀର ଜୁଆରରେ ଭାସିଥିଲା। ଖବରପାଇ ଅଗ୍ନିଶମ ବାହିନୀ ପହଞ୍ଚି କାରକୁ ନଦୀରୁ ଉଦ୍ଧାର କରିଥିଲେ।
କଟକ ସଦର ବିଡ଼ିଓ ପ୍ରତିକ ସାହୁ ଶନିବାର କୋଣାର୍କ ବୁଲିବାକୁ ଆସିଥିଲେ। ରାମଚଣ୍ଡୀ ନିକଟ ଲୋଟସ ରିସର୍ଟରେ କାର ପାର୍କିଂ ସମୟରେ ନଦୀକୁ ଭାରସାମ୍ୟ ହରାଇ ଖସି ପଡିଥିଲା। ନଦୀରେ ଜୁଆର ଥିବାରୁ ଗାଡ଼ିଟି ସମ୍ପୂର୍ଣ୍ଣ ଭାସୁଥିବା ଦେଖିବାକୁ ମିଳିଥିଲା। ଖବରପାଇ ଅଗ୍ନିଶମ ବାହିନୀ କାରକୁ ଉଦ୍ଧାର କରିଥିଲେ। ଏଥିରେ ବିଡ଼ିଓ ସାମାନ୍ୟ ଆହତ ହୋଇଥିବା ଜଣାପଡିଛି।
