ଭୁବନେଶ୍ୱର ୦୨/୧୧: ଭୁବନେଶ୍ବର ସହିଦନଗର ଅଞ୍ଚଳରେ ହୋଇଥିବା ବୋମା ମାଡ଼ ଘଟଣା । ବୋମା ନୁହଁ ଦୁର୍ବୃତ୍ତ କାର ଉପକୁ ଫିଙ୍ଗିଥଲେ ସୁନ ଫୋଟକା। ତଦନ୍ତ ପରେ ସ୍ପଷ୍ଟ କଲେ ଭୁବନେଶ୍ବର ଡିସିପି ପିନାକ ମିଶ୍ର।
ସୂଚନା ମୁତାବିକ, ପୂର୍ବ ଶତ୍ରୁତାକୁ କେନ୍ଦ୍ର କରି ଶୁକ୍ରବାର ରାତିରେ ସହିଦନଗର ଓ୍ବିନର୍ସ ଆସୋସିଏସନ୍ ନିକଟରେ ବୋମା ମାଡ଼ ହୋଇଥିଲା । ଏକ କାର୍ ଉପରକୁ ବୋମା ଫିଙ୍ଗିଥିଲେ ଦୁର୍ବୃତ୍ତ । ଯେଉଁଥିରେ କାର୍ କାଚ ଭାଙ୍ଗି ଚୁରମାର ହୋଇଯାଇଥିଲା । ବୋମା ମାଡ ଘଟଣା ୩୦ ଅଧିକ ଦୁର୍ବୃତ୍ତ ସାମିଲ ଥିବା ନେଇ ଥାନାରେ ଅଭିଯୋଗ ହୋଇଥିଲା । ଘଟଣାସ୍ଥଳରେ ପୋଲିସ ପହଞ୍ଚିବା ବେଳକୁ ପିସିଆର୍କୁ ଦେଖି ଦୁର୍ବୃତ୍ତ ମାନେ ଛତ୍ରଭଙ୍ଗ ଦେଇଥିଲେ । ପରେ ସିସିଟିଭ ଯାଞ୍ଚ ବେଳେ ବୋମା ମାଡ଼ ଦୃଶ୍ୟ ସାମ୍ନାକୁ ଆସିଥିଲା । ତେବେ ଶନିବାର ଫୋରେନସିକ୍ ଟିମ୍ ଘଟଣାସ୍ଥଳରେ ପହଁଚି ତଦନ୍ତ କରିଥିଲେ । ଯାଞ୍ଚ ପରେ ତାହା ବୋମା ନୁହେଁ ସୁନଫୋଟକା ବୋଲି ଜଣାପଡିଥିଲା ।
ତେବେ ଏହି ମାମଲାରେ ଦୁଇ ଜଣଙ୍କୁ ଗିରଫ କରାଯାଇଥିବା ବେଳେ ସମ୍ପୃକ୍ତ ଅନ୍ୟ ଅଭିଯୁକ୍ତଙ୍କୁ ଖୋଜା ଚାଲିଛି । ଏନେଇ ଭୁବନେଶ୍ବର ମହାନଗର ଡିସିପି ପିନାକ ମିଶ୍ର ଗଣମାଧ୍ୟମକୁ ସୂଚନା ଦେଇଛନ୍ତି ।
