କୃଷ୍ଣପ୍ରସାଦ,୧୮/୦୧: ଶନିବାର ଭୋର ୬ ଟାରୁ ଚିଲିକାରେ ପକ୍ଷୀ ଗଣନା ଆରମ୍ଭ ହୋଇଛି । ଚିଲିକା ବନାଞ୍ଚଳ ବନ୍ୟପ୍ରାଣୀ ବନଖଣ୍ଡ ଅଧିକ୍ଷକ ଅମ୍ଲାନ ନାୟକଙ୍କ ନେତୃତ୍ୱରେ ବାଲୁଗାଁ, ସାତପଡ଼ା, ନୂଆପଡା, ରମ୍ଭା, ଟାଙ୍ଗୀ ରେଞ୍ଜ ନିକଟସ୍ଥ ଚିଲିକା ଓ ରାସ୍ତା ପାର୍ଶ୍ୱ ବାହ୍ୟ ଚିଲିକାରେ ୨୧ ଟିମ ନିୟୋଜିତ ହୋଇ ପକ୍ଷୀ ଗଣନା କାର୍ଯ୍ୟ ଆରମ୍ଭ କରାଯାଇଛି । ଗଣନାକାରୀ ଟିମ୍, ପକ୍ଷୀ ବିଶାରଦ ବାଇନାକୁଲାର ମାଧ୍ୟମରେ ପକ୍ଷୀ ଗଣନା କରିଥିଲେ । ଦିନ ୧୨ ଟା ପର୍ଯ୍ୟନ୍ତ ଗଣନା ଚାଲୁ ରହିବ ବୋଲି ସହକାରୀ ବନସଂରକ୍ଷକ ପ୍ରମୋଦ ସେଠୀ, ଶତାବ୍ଦୀ ମିଶ୍ର, କାଶୀନାଥ ହେମ୍ବ୍ରମ ସୂଚନା ଦେଇଛନ୍ତି ।
ବାଲୁଗାଁ ରେଞ୍ଜ ଅଧିନ ନଳବଣ ୪ ଟି ଓ ପାରିକୁଦ ଗଡ଼ରେ ଗୋଟିଏ, ନୂଆପଡାରେ ଗୋଟିଏ, ସାତପଡ଼ାରେ ୩ ଟି, ଟାଙ୍ଗୀରେ ୫ଟି ଓ ଅନ୍ୟାନ୍ୟ ଟିମକୁ ବିଭିନ୍ନ ସ୍ଥାନରେ ନିୟୋଜିତ କରାଯାଇଥିବା ବେଳେ ବନବିଭାଗ କର୍ମଚାରୀ, ବନ ସୁରକ୍ଷା ସମିତି, ଚିଲିକା ଉନ୍ନୟନର କର୍ମଚାରୀ ସାମିଲ ରହିଛନ୍ତି । ଗଣନା ସମୟରେ ବାଲୁଗାଁ ବନାଞ୍ଚଳ ଅଧିକାରିଣୀ ରଶ୍ମିତା ଜେନା, ସାତପଡ଼ା ବନାଞ୍ଚଳ ଅଧିକାରୀ ଶରତ ଜାନି, ଟାଙ୍ଗୀ ବନାଞ୍ଚଳ ଅଧିକାରୀ ବିରଜା ଦାସ, ବନପାଳ ରଶ୍ମିରଞ୍ଜନ ନାୟକ, ବିଶ୍ୱନାଥ ଟୁଡୁ, ଜିତେନ୍ଦ୍ର ଜେନା, ବନରକ୍ଷୀ ଲକ୍ଷ୍ମଣ ବେହେରା, ତ୍ରିଲୋଚନ ମହାରଣା ପ୍ରମୁଖ ଉପସ୍ଥିତ ରହି ଗଣନାକାରୀ ଟିମ୍କୁ ଗଣନାରେ ସହଯୋଗ କରିଥିଲେ ।
