ନୂଆଦିଲ୍ଲୀ: ବର୍ତ୍ତମାନ ଭାରତରେ ବିବାହର ଋତୁ ଚାଲିଛି। ବିବାହ ପରେ ଭାରତୀୟ ପରମ୍ପରା ଓ ସାମାଜିକ ଚକ୍ଷୁରେ ସ୍ୱୀମୀ,ସ୍ତ୍ରୀଙ୍କ ମଧ୍ୟରେ ଶାରୀରିକ ସମ୍ପର୍କ ବୈଧ ବୋଲି ବିଚାର କରାଯାଇଥାଏ। ତେବେ ଆପଣ ମାନେ ଭାବୁଥିବେ ବିବାହ ପୂର୍ବରୁ କଣ ଅନ୍ୟ କେହି ଶାରୀରିକ ସମ୍ପର୍କ ରଖୁ ନାହାନ୍ତି? ଯଦି ରଖୁଛନ୍ତି ତେବେ ଏହା ପଛର କାରଣ କ’ଣ? ଏହିଭଳି ଅନେକ ପ୍ରଶ୍ନ ଆପଣଙ୍କ ମନରେ ଉଙ୍କି ମାରୁଥିବ ନିଶ୍ଚୟ। ତେବେ ନିକଟରେ ‘ମାଇଁ ମ୍ୟୁସ’ ନାମକ ଏକ ସଂସ୍ଥା ୨୦୨୫ ମସିହାରେ କରିଥିବା ଏକ ସର୍ଭେରେ ଯେଉଁ ରିପୋର୍ଟ ଆସିଛି ତାହା ଆପଣଙ୍କୁ ଚକିତ କରିବ ନିଶ୍ଚିନ୍ତ। ଏହି ସର୍ଭେରେ ଭାଗନେଇଥିବା ଲୋକମାନେ ଭାରତରେ ପ୍ରେମ, ଦୈହିକ ସମ୍ପର୍କ ଓ ଆନ୍ତରିକ ଇଚ୍ଛାକୁ ନେଇ ଚମକାଇଦେଲା ଭଳି ଉତ୍ତର ଦେଇଛନ୍ତି।
ଏହି ସର୍ଭେରେ ଦେଶର ଅଲଗା ଅଲଗା ସ୍ଥାନରୁ ପ୍ରାୟ ୧୦,୦୦୦ରୁ ଅଧିକ ଲୋକ ଭାଗନେଇଥିଲେ। ଯେଉଁଥିରୁ ୮୭ ପ୍ରତିଶତ ଲୋକ ବିବାହ ପୂର୍ବରୁ ଦୈହିକ ସମ୍ପନ୍ଧର ମଜା ନେବାକୁ ଶାରୀରିକ ସମ୍ପର୍କ ସ୍ଥାପନା କରିସାରିଛନ୍ତି ବୋଲି କହିଛନ୍ତି। ଅନ୍ୟପଟେ ଦୈନନ୍ଦିନ ଜୀବନରୁ କିଛି ଅଲଗା କରି ଶୟନକକ୍ଷରେ କିଛି ଅଲଗା ଅନୁଭବ ନେବା ପାଇଁ ପ୍ରାୟ ୬୨ ପ୍ରତିଶତ ଲୋକ ଶାରୀରିକ ସମ୍ପର୍କ ରଖିଛନ୍ତି ବୋଲି ସ୍ୱୀକାର କରିଛନ୍ତି। ଏହି ରିପୋର୍ଟରେ ଯେଉଁ ନୂଆ ତଥ୍ୟ ସାମ୍ନାକୁ ଆସିଛି ତାହା ହେଉଛି ଭାଗ ନେଇଥିବା ଅଧାରୁ ଅଧିକ ଲୋକ ଆଗ ଅପେକ୍ଷା ଅଧିକ ଯୌନ ଉଦ୍ଧିପକ ସାମଗ୍ରୀର ବ୍ୟବହାର କରୁଛନ୍ତି ବା ବ୍ୟବହାର କରିବାକୁ ଚାହୁଁଛନ୍ତି। ସେହିଭଳି ୮୭ ପ୍ରତିଶତରୁ ଅଧିକ ଲୋକ କେବଳ ମଜା ପାଇଁ ନୁହେଁ ବରଂ ଅର୍ଥପୂର୍ଣ୍ଣ ସମ୍ୱଦ୍ଧ ପାଇଁ ଯୌନ କ୍ରିୟା କରୁଛନ୍ତି ବୋଲି କହିଛନ୍ତି।
ପଶ୍ଚାତ୍ୟ ସଭ୍ୟତାରେ ଅନୁପ୍ରାଣିତ ହୋଇ ଭାରତର ଯୁବବର୍ଗ ଅଧିକ ଶାରୀରିକ ସମ୍ପର୍କ ରଖିବାକୁ ଚାହୁଁଛନ୍ତି। ଏହି ପରିପ୍ରେକ୍ଷିରେ ରିପୋର୍ଟରେ ଭାଗନେଇଥିବା ୫୫ ପ୍ରତିଶତରୁ ଅଧିକ ଭାରତୀୟ ଅଧିକରୁ ଅଧିକ ଶାରୀରିକ ସମ୍ପର୍କ ରଖିବାକୁ ଚାହୁଁଛନ୍ତି। ଏହି ତଥ୍ୟ ଅବିବାହିତ, ପ୍ରେମୀ ଯୁଗଳ ଓ ବିବାହିତ ମାନେ ଦେଇଛନ୍ତି। ଏହି ଡାଟାରୁ ଏହା ସ୍ପଷ୍ଟ ଯେ ଶାରୀରିକ ସମ୍ପର୍କ ପାଇଁ ଭାରତରେ ଆଉ ବିବାହର ଆବଶ୍ୟକତା ନାହିଁ। ଚାଲୁ ରହିଥିବା ଶାରୀରିକ ସମ୍ପର୍କରେ କିଛି ନୂଆ ଚାହାନ୍ତି ବୋଲି ୫୯ ପ୍ରତିଶତ ଲୋକ ଦାବି କରିଛନ୍ତି। କୌତୁହଳର ବିଷୟ ହେଉଛି ଶାରୀରିକ ସମ୍ପର୍କକୁ ନେଇ ୬୦ ପ୍ରତିଶତ ମହିଳା ଓ ୫୩ ପ୍ରତିଶତ ପୁରୁଷ ଖୁସି ନଥିବା ମତ୍ତ ପ୍ରକାଶ କରିଛନ୍ତି।
ଭାରତରେ ବିବାହ ପୂର୍ବରୁ ଶାରୀରିକ ସମ୍ପର୍କ ରଖିବା ନେଇ ସମସ୍ୟା ଅଛି ବୋଲି ଅସ୍ୱୀକାର କରାଯାଇପାରିବ ନାହିଁ, କିନ୍ତୁ ଭାରତୀୟମାନେ ଶାରୀରିକ ସମ୍ପର୍କ ରଖିବା ପାଇଁ ନୂଆନୂଆ ରାସ୍ତା ଆପଣଉଛନ୍ତି। ରିପୋର୍ଟରେ ଏହା ମଧ୍ୟ ଉଲ୍ଲେଖ କରାଯାଇଛି ଯେ ଯୌନ ଉଦ୍ଧିପକ ସାମଗ୍ରୀକୁ ନେଇ ଭାରତର ଯୁବବର୍ଗ ମଧ୍ୟରେ ଉତ୍କଣ୍ଠା ବଢିଛି। ପ୍ରାୟ ୪୮ ପ୍ରତିଶତ ଲୋକ ଶାରୀରିକ ସମ୍ପର୍କ ରଖିବା ବେଳେ ଯୌନ ଉଦ୍ଧିପକ ସାମଗ୍ରୀ(ଲ୍ୟୁବ, ଯୌନ ଉଦ୍ଧିପକ ଖେଳନା, ଯୌନ ପ୍ରସାଧନ ସାମଗ୍ରୀ) ଭଳି ଉପକରଣ ବ୍ୟବହାର କରୁଛନ୍ତି ଯାହା ସେମାନଙ୍କର ଶାରୀରିକ ସମ୍ବଦ୍ଧର ଅଭିଜ୍ଞତାକୁ ବୃଦ୍ଧି କରୁଛି ବୋଲି ଉଲ୍ଲେଖ କରିଛନ୍ତି।
