ହରଭଙ୍ଗା (ଚିତ୍ତରଞ୍ଜନ ସିଂହ), ୧୫/୬ :  ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଅନ୍ତର୍ଗତ ସରସରା ପଞ୍ଚାୟତର ମହୁଲ ପାଲୀ ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଗାଁର ୪୫ବର୍ଷିୟା ରୋଗିଣା ସନ୍ଧ୍ୟାରାଣୀ ବିଶି ଦିନ ମଜୁରିଆ ଭାବେ କାମ କରନ୍ତି । ୩ମାସ ହେବ ଗୋଡ଼ ଭାଙ୍ଗିଯିବାରୁ ଚିକିତ୍ସା ଅଭାବରୁ ଶଯ୍ୟାଶାୟୀ । ଖଟରୁ ଉଠିବି ପାରିବାରେ ସକ୍ଷମ ହୋଇପାରୁ ନାହାନ୍ତି କି ଗୁରୁଣ୍ଡି ଯାଇ ପାରୁ ନାହାନ୍ତି l  ତାଙ୍କର କେହି ସମ୍ପର୍କୀୟ ବୋଲି ନ ଥିବାରୁ ବିଛଣାରେ ପଡ଼ି ରହିଛନ୍ତି l ସାଥି କହିଲେ ଭଙ୍ଗା ଜରି କୁଡ଼ିଆ l 

ତାଙ୍କର କହିବା ମୁତାବକ ଖାଇଲେ ଶୌଚ ହେବା ଭୟରେ ସେ ଖାଦ୍ୟ ଖାଇବା ପୁରାପୁରି ଛାଡ଼ି ଦେଇଛନ୍ତି । ଖାଦ୍ୟ ନ ଖାଇବାରୁ ଦେହ ମଧ୍ୟ ବହୁତ ଦୁର୍ବଳ ହୋଇଯିବାରୁ ପେଟ ଓ ଅଣ୍ଟାରେ ବହୁତ ଯନ୍ତ୍ରଣା ଭୋଗୁଛି । ଏହି ସମୟରେ କଷ୍ଟରେ ପୀଡ଼ିତା ଚିତ୍କାର କରନ୍ତି କିନ୍ତୁ ସେ ଏକୁଟିଆ ଜରି କୁଡ଼ିଆରେ ଶୁଣିବାର କେହି ନ ଥାନ୍ତି l ଗ୍ରାମବାସୀଙ୍କ କହିବା ଅନୁସାରେ ସନ୍ଧ୍ୟାରାଣୀ ଗାଁରେ ଥିବା ବୌଦ୍ଧ ରେଳ ଷ୍ଟେସନରେ ମଜୁରିଆ ଭାବେ କାମ କରୁଥିଲା, ଦିନେ ଅଚାନକ କାମ କରୁଥିବାବେଳେ ଅସାବଧାନ ଯୋଗୁଁ ସନ୍ଧ୍ୟାରାଣୀ ପଡ଼ି ଯାଇଥିଲା । 

ଫଳରେ ଗୋଟିଏ ଗୋଡ଼ ଭାଙ୍ଗି ଯିବାରୁ ସେ ସେଦିନରୁ ତାର ଜରି କୁଡ଼ିଆରେ ଶଯ୍ୟାଶାୟୀ l ଗ୍ରାମର କିଛି ଯୁବକ ସ୍ୱାସ୍ଥ୍ୟ କାଡରେ ଚିକିତ୍ସା ପାଇଁ ଭୁବେନେଶ୍ୱର ଘରୋଇ ଡାକ୍ତରଖାନକୁ ନେଇଥିଲେ । ଗୋଡ଼ର ଅପେରସନ ପାଇଁ ସମ୍ପର୍କୀୟଙ୍କ ଦସ୍ତଖସ୍ତ ଦରକାର ପଡିବାରୁ କେହି ଦଶକସ୍ତ ନ ଦେଇ ବିନା ଚିକିତ୍ସାରେ ସନ୍ଧ୍ୟାରାଣୀକୁ ଗାଁରେ ଆଣି ଛଡ଼ିଦେଲେ l ବିନା ଚିକିତ୍ସାରେ ଶଯ୍ୟାଶାୟୀ ସନ୍ଧ୍ୟାରାଣୀକୁ ଗ୍ରାମବାସୀ ଓ ଗାଁର ସ୍ବୟଂ ସହାୟକ ଗୋଷ୍ଠୀର CRP ଶୈଳ ସାହୁ କେତେବେଳେ ସlହ୍ୟ କେଇଥାନ୍ତି l ଏ ନେଇ  ଗ୍ରାମବାସୀ ଓ ପୀଡ଼ିତା ଗଣମାଧ୍ୟମରେ ନିଜର ଚିକତ୍ସା ଓ ଥଇଥାନ ପାଇଁ ଗଣମାଧ୍ୟମ ଜରିଆରେ ପ୍ରଶାସନ, ସ୍ଥାନୀୟ ବିଧାୟକ, ସାଂସଦ, ମୁଖ୍ୟମନ୍ତ୍ରୀ ଓ ହୃଦୟବାନ ବ୍ୟକ୍ତିଙ୍କୁ ସାହାଯ୍ୟ ପାଇଁ ଗୁହାରି କରୁଛନ୍ତି ୲