ନୂଆଦିଲ୍ଲୀ,୦୧/୦୮: ପାଖେଇ ଆସୁଛି ପାର୍ବଣ । ଆଗଷ୍ଟ ମାସରେ ଅନେକ ପର୍ବପର୍ବାଣୀ ରହିଛି । ଯାହା ବ୍ୟାଙ୍କ କର୍ମଚାରୀଙ୍କ ପାଇଁ ଖୁସି ଖବର ଆଣିଛି । କାରଣ ଚଳିତମାସ ବ୍ୟାଙ୍କରେ କାମ କରୁଥିବା ଲୋକଙ୍କୁ ଲମ୍ୱା ଛୁଟି ମିଳିବ । ଶନିବାର ଏବଂ ରବିବାର ଛଡ଼ା ସ୍ୱାଧୀନତା ଦିବସ, ଗଣେଶ ଚତୁର୍ଥୀ ଏବଂ ଜନ୍ମାଷ୍ଟମୀ ଭଳି ଆହୁରି ଅନେକ ପୂଜା ପର୍ବ ପଡ଼ିବ । ଯେଉଁଥିପାଇଁ ଭିନ୍ନ ଭିନ୍ନ ରାଜ୍ୟରେ ମୋଟ୍ ୧୫ ଦିନ ପାଇଁ ବ୍ୟାଙ୍କ ବନ୍ଦ ରହିବ। ତେବେ କେଉଁ କେଉଁ ଦିନ ବ୍ୟାଙ୍କ ବନ୍ଦ ରହିବ ଆସନ୍ତୁ ଜାଣିବା ।
କହିରଖୁ କି, ସମସ୍ତ ସରକାରୀ ଏବଂ ବେସରକାରୀ ବ୍ୟାଙ୍କରେ ପ୍ରତ୍ୟେକ ମାସର ଦ୍ୱିତୀୟ ଏବଂ ଚତୁର୍ଥ ଶନିବାର ବନ୍ଦ ରହିଥାଏ ଏବଂ ପ୍ରତି ରବିବାର ସାପ୍ତାହିକ ଛୁଟି ରହିଥାଏ ।
ଅଗଷ୍ଟ ମାସର ଛୁଟି-
୩ ତାରିଖ- ରବିବାର ହୋଇଥିବାରୁ ବ୍ୟାଙ୍କ୍ ବନ୍ଦ ରହିବ ।
୮ ତାରିଖ- Tendong Lho Rum Faat କାରଣରୁ ସିକ୍କିମର ରାଜଧାନୀ ଗ୍ୟାଙ୍ଗଟକ୍ରେ ବ୍ୟାଙ୍କ୍ ବନ୍ଦ ରହିବ ।
୯ ତାରିଖ- ଅହମଦାବାଦ, ଭୋପାଳ, ଭୁବନେଶ୍ୱର, ଲକ୍ଷ୍ନୌ, କାନପୁର, ଶିମଲା, ଜୟପୁର, ଡେରାଡୁନରେ ବ୍ୟାଙ୍କ ବନ୍ଦ ରହିବ । ଏହି ଦିନ ରକ୍ଷାବନ୍ଧନ ଏବଂ ଝୁଲାନା ପଡ଼ୁଛି । କହିରଖୁ କି, ମାସର ଦ୍ୱିତୀୟ ଶନିବାର ହୋଇଥିବା କାରଣରୁ ଦେଶର ସମସ୍ତ ରାଜ୍ୟରେ ବ୍ୟାଙ୍କ ବନ୍ଦ ରହିବ ।
୧୦ ତାରିଖ- ରବିବାର ହୋଇଥିବାରୁ ବ୍ୟାଙ୍କ ବନ୍ଦ ରହିବ ।
୧୩ ତାରିଖ- ଇମ୍ଫାଲରେ ବ୍ୟାଙ୍କ କର୍ମଚାରୀଙ୍କ ଛୁଟି ରହିବ ।
୧୫ ତାରିଖ- ସ୍ୱାଧୀନତା ଦିବସ, ପାର୍ସୀ ନବବର୍ଷ ଏବଂ ଜନ୍ମାଷ୍ଟମୀ ପଡ଼ୁଥିବାରୁ ସମଗ୍ର ଦେଶରେ ବ୍ୟାଙ୍କ ବନ୍ଦ ରହିବ ।
୧୬ ତାରିଖ- ଅହମଦାବାଦ, ମିଜୋରାମ, ଭୋପାଳ, ରାଞ୍ଚି, ଚଣ୍ଡିଗଡ଼, ଚେନ୍ନାଇ, ଡେରାଡୁନ, ଗ୍ୟାଙ୍ଗଟକ୍, ହାଇଦ୍ରାବାଦ, ଜୟପୁର, କାନପୁର, ଲକ୍ଷ୍ନୌ, ରାୟପୁର, ପାଟନା, ଶିଲଂ, ଜମ୍ମୁ କାଶ୍ମୀର, ବିଜୟୱାଡ଼ାରେ ଜନ୍ମାଷ୍ଟମୀ ପଡ଼ୁଥିବାରୁ ବ୍ୟାଙ୍କ ବନ୍ଦ ରହିବ ।
୧୭ ତାରିଖ- ରବିବାର ହୋଇଥିବାରୁ ଦେଶରେ ବ୍ୟାଙ୍କ ବନ୍ଦ ରହିବ ।
୧୯ ତାରିଖ- ଅଗରତାଲାରେ ମହାରାଜା ବୀର ବିକ୍ରମ କିଶୋର ମାଣିକ୍ୟ ବାହାଦୁରଙ୍କ ଜୟନ୍ତୀ କାରଣରୁ ବ୍ୟାଙ୍କ ବନ୍ଦ ରହିବ ।
୨୩ ତାରିଖ- ମାସର ଚତୁର୍ଥ ଶନିବାର ହୋଇଥିବାରୁ ଦେଶରେ ବ୍ୟାଙ୍କ ବନ୍ଦ ରହିବ ।
୨୪ ତାରିଖ- ରବିବାର ହୋଇଥିବାରୁ ବନ୍ଦ ରହିବ ବ୍ୟାଙ୍କ ।
୨୫ ତାରିଖ- ଶ୍ରୀମନ୍ତ ଶଙ୍କର ଦେବ ଜନ୍ମଦିନ ହୋଇଥିବାରୁ ବ୍ୟାଙ୍କ ବନ୍ଦ ରହିବ ।
୨୭ ତାରିଖ- ଅହମଦାବାଦ, ବେଲାପୁର, ମୁମ୍ୱାଇ, ନାଗପୁର, ବେଙ୍ଗାଲୁରୁ, ଭୁବନେଶ୍ୱର, ହାଇଦ୍ରାବାଦ, ଚେନ୍ନାଇ, ପଣଜୀ, ବିଜୟୱାଡ଼ାରେ ଗଣେଶ ଚତୁର୍ଥୀ ପାଇଁ ବ୍ୟାଙ୍କ ବନ୍ଦ ରହିବ ।
୨୮ ତାରିଖ- ଭୁବନେଶ୍ୱର ଏବଂ ପଣଜୀରେ ଏହି ଦିନ ବ୍ୟାଙ୍କ ବନ୍ଦ ରହିବ ।
୩୧ ତାରିଖ- ରବିବାର ହୋଇଥିବାରୁ ବନ୍ଦ ରହିବ ବ୍ୟାଙ୍କ ।
