ଭୁବନେଶ୍ଵର, ୦୮/୦୨ : ବିକଟାଳ ଶବ୍ଦ କରି ସହର ସାରା ଘୂରି ବୁଲୁଥିଲେ। ହର୍ଣ୍ଣ ବଜାଇ ଲୋକଙ୍କ କାନ ଫଟାଇ ଦେଉଥିଲେ। ବୁଲେଟ୍ ରାଜାଙ୍କୁ ସାବାଡ୍ କଲା ବଡ଼ବିଲ୍ ପୋଲିସ। ସହରରେ ଗର୍ଜନ କରି ବୁଲୁଥିବା ୨୫ଟି ବୁଲେଟ୍ ମୋଟର ସାଇକେଲ୍ ଜବତ କରି ସାଇଲେନ୍ସର ଖୋଲିନେଇଛି ପୋଲିସ।
କିଛି ଅମାନିଆ ଯୁବକ ବୁଲେଟ୍ ଗୁଡ଼ିକର ଓରିଜିନାଲ୍ ସାଇଲେନ୍ସର୍ ଖୋଲି ସେଥିରେ ପ୍ରବଳ ମାତ୍ରାରେ ଗର୍ଜନ କରୁଥିବା ସାଇଲେନ୍ସର୍ ଲଗାଇ ସହର ମଧ୍ୟରେ ଉତ୍ପାତ କରୁଥିଲେ। ଏହି କର୍କସ ଶବ୍ଦରେ ସହର ଲୋକେ ଅତିଷ୍ଠ ହୋଇ ପଡ଼ିଥିଲେ। ଅନେକ ଦିନ ହେଲା ଏନେଇ ବାରମ୍ବାର ଅଭିଯୋଗ ହୋଇ ଆସୁଥିଲା। ଏହାକୁ ଦୃଷ୍ଟିରେ ରଖି ବଡ଼ବିଲ ପୋଲିସ ବଡ଼ କାର୍ଯ୍ୟାନୁଷ୍ଠାନ ନେଇଛି। ଏଭଳି କାନ ଫଟା ଶବ୍ଦ କରୁଥିବା ୨୫ଟି ବୁଲେଟ ମୋଟର ସାଇକେଲ୍ ଜବତ କରିବା ସହ ସେଗୁଡ଼ିକର ସାଇଲେନ୍ସର ଖୋଲି ନେଇଛି। ଏହା ସହ ଅମାନିଆଙ୍କୁ ଏଭଳି ପୁନଶ୍ଚ ନକରିବାକୁ କଡ଼ା ଚେତାବନୀ ଦେଇଛି। ଏଭଳି ବୁଲେଟ୍ ରାଜାଙ୍କୁ ସାବାଡ୍ କରିବାକୁ ଆଗକୁ ଏହି ଅଭିଯାନ ଜାରି ରହିବ ବୋଲି ପୋଲିସ କହିଛି।
ଏହି ଖବରଟିକୁ ପଢନ୍ତୁ-୧୧ଟି ପ୍ରସ୍ତାବକୁ କ୍ୟାବିନେଟ୍ ମୋହର, ତିନି ବର୍ଷରେ ୨ ଲକ୍ଷ ୨୫ ହଜାର ଘର ଦେବେ ସରକାର
