ମୁମ୍ବାଇ,୨୭/୧୦:  କୋରିଓଗ୍ରାଫର ଜାନି ମାଷ୍ଟର ନିକଟରେ ବେଶ୍ ଚର୍ଚ୍ଚାରେ ଥିଲେ । ପୂର୍ବତନ ସହକର୍ମୀ ଶାରୀରିକ ନିର୍ଯାତନା ଦେଇଥିବାର ଅଭିଯୋଗରେ ସେ ଜେଲ ଯାଇଥିବା ବେଳେ କିଛିଦିନ ପୂର୍ବରୁ ତାଙ୍କୁ  ହାଇକୋର୍ଟରୁ ଜାମିନ ମିଳିଛି। ଯାହାପରେ କୋରିଓଗ୍ରାଫର୍ ତାଙ୍କ ସୋସିଆଲ୍ ମିଡିଆ ଆକାଉଣ୍ଟରେ ଏକ  ଭାବପ୍ରବଣ ଭିଡିଓ ସେୟାର କରିଛନ୍ତି । ପ୍ରାୟ ୨ ମିନିଟର ଲମ୍ବା ଭିଡିଓରେ ଜାନି ମାଷ୍ଟର ତାଙ୍କ ପିଲା ଏବଂ ପତ୍ନୀଙ୍କୁ ଆଲିଙ୍ଗନ କରୁଥିବା ଦେଖିବାକୁ ମିଳିଛି। କୋରିଓଗ୍ରାଫରଙ୍କ ପରିବାର ସେମାନଙ୍କୁ ଦେଖିବା ମାତ୍ରେ ସମସ୍ତେ ଭାବପ୍ରବଣ ହୋଇଯାଇଛନ୍ତି।

ଏହି ଭିଡିଓରେ ରଣବୀର କପୁରଙ୍କ ଫିଲ୍ମ 'ଆନିମଲ'ର ଗୀତ' ପାପା ମେରୀ ଜାନ ' ଶୁଣିବାକୁ ମିଳିଛି। ଜାନି ମାଷ୍ଟର ଏବଂ ତାଙ୍କ ପରିବାର ମଧ୍ୟରେ ବହୁତ ଭାବପ୍ରବଣ ମୁହୂର୍ତ୍ତ ଦେଖାଦେଇଛି । ଜାନି ମାଷ୍ଟରଙ୍କ ପିଲା ଏବଂ ପତ୍ନୀ ତାଙ୍କ ସହ ନଜର ଆସିଛନ୍ତି ଏବଂ ସେ ତାଙ୍କର ଉଭୟ ସନ୍ତାନଙ୍କୁ ଦେଖି ବହୁତ ଖୁସି ମନେ କରୁଛନ୍ତି ବୋଲି ଭିଡିଓରେ ଜଣାପଡିଛି । ତେବେ ଜାନି ମାଷ୍ଟର ଏହି ଭିଡିଓଡ ସେୟାର କରି କ୍ୟାପସନରେ ଲେଖିଛନ୍ତି ଯେ , 'ଏହି ୩୭ ଦିନ ମଧ୍ୟରେ ଆମ ଠାରୁ ଅନେକ କିଛି ଛଡ଼ାଯାଇଛି । ମୋ ପରିବାର ଏବଂ ଶୁଭେଚ୍ଛୁମାନଙ୍କର ପ୍ରାର୍ଥନା ଆଜି ମୋତେ ଏଠାକୁ ଆଣିଛି । ଜୀବନର ଏହି ପର୍ଯ୍ୟାୟ ଯାହା ମୋ ପରିବାର ମଧ୍ୟ ଗତି କରିଛି। ଏହା ମୋର ହୃଦୟରେ ସବୁଦିନ ପାଇଁ ମନେ ରହିବ ।