ମୁମ୍ବାଇ ୧୦/୦୨: 'କୌନ ବନେଗା କରୋଡପତି ୧୬'ର ଲାଟେଷ୍ଟ ଏପିସୋଡରେ ନିଜର ପୁରୁଣା ସ୍ମୃତିକୁ ମନେପକାଇଛନ୍ତି ଅମିତାଭ ବଚ୍ଚନ। ଏହି ସମୟରେ ସେ ତାଙ୍କ ମା’ ତେଜି ବଚ୍ଚନ ଏବଂ ବାପା ହରିବଂଶରାୟ ବଚ୍ଚନଙ୍କ ବିଷୟରେ କଥା ହୋଇଛନ୍ତି। ବିଗ୍ ବି କହିଛନ୍ତି କିପରି ତାଙ୍କ ମା’, ବାପା ହରିବଂଶରାୟ ବଚ୍ଚନଙ୍କୁ ବିବାହ କରିବା ପାଇଁ ସମସ୍ତ ଭୋଗ ବିଳାସ ଛାଡିଥିଲେ। ଏଥିସହ ଅମିତାଭ ତାଙ୍କ ବାପାଙ୍କ ଠାରୁ କ’ଣ ଶିଖିଛନ୍ତି ତାହା ମଧ୍ୟ କହିଥିଲେ, ଯାହାକୁ ସେ ଆଜି ପର୍ଯ୍ୟନ୍ତ ଅନୁସରଣ କରୁଛନ୍ତି।
'କୌନ ବନେଗା କରୋଡପତି ୧୬' ଏପିସୋଡ୍ର ଆରମ୍ଭ ଜୁନିୟର ପ୍ରତିଯୋଗୀ ଅରୁଣୋଦୟ ଶର୍ମାଙ୍କଠାରୁ ଆରମ୍ଭ ହୋଇଥିଲା। ଏହି ଏପିସୋଡରେ ଏକ ବିଭାଗ ଥିଲା, ଯେଉଁଥିରେ ଅମିତାଭଙ୍କ ବ୍ରେନ୍ ସ୍କାନ କରାଯାଇଥିଲା। ତା’ପରେ ଅରୁଣୋଦୟ ତାହାକୁ ଦେଖି ଅମିତାଭଙ୍କ ବିଷୟରେ କିଛି ରୋଚକ ତଥ୍ୟ କହିଥିଲେ। ଏହି ବିଭାଗରେ, ଅମିତାଭ ବଚ୍ଚନଙ୍କ ବାପା-ମା’ଙ୍କ ଫଟୋଗ୍ରାଫ୍ ପ୍ରଦର୍ଶିତ ହୋଇଥିଲା, ଯାହାକୁ ସେ ତାଙ୍କର ସବୁଠାରୁ ବଡ଼ ପ୍ରେରଣା ବୋଲି ଭାବନ୍ତି ।
ଅମିତାଭ ବାପା-ମା’ଙ୍କ ବିଷୟରେ କଥା ହୋଇ କହିଛନ୍ତି, “ଏହା ମୋର ବହୁତ ବଡ ଭାଗ୍ୟ। ବାପା-ମା’ଙ୍କ ଠାରୁ ମୋତେ ଯାହା ବି ପ୍ରାପ୍ତ ହୋଇଛି ତାହା ସବୁ ତାଙ୍କ କାରଣରୁ ମିଳିଛି। ବିଭିନ୍ନ ପ୍ରକାରର ସଂସ୍କାର ମୋତେ ଉଭୟଙ୍କଠାରୁ ମିଳିଛି। ବାବୁଜୀ ଯାହା ଥିଲେ ତାଙ୍କ ପାଖରେ ଯାହା ସାଧନା ଥିଲା, ଯେଉଁ ବ୍ୟବସ୍ଥା ଥିଲା, ଉତ୍ତରପ୍ରଦେଶର ଯେଉଁଠାରୁ ସେ ଥିଲେ, ଚାକିରି କରୁଥିଲେ, ଶିକ୍ଷାଦାନ କରୁଥିଲେ, ଟ୍ୟୁସନ କରୁଥିଲେ ସବୁକିଛି।“
ଅମିତାଭ ଆହୁରି କହିଛନ୍ତି, “ମା’ ବହୁତ ବଡ ପରିବାରର ଥିଲେ, ତାଙ୍କର ବିଳାସପୂର୍ଣ୍ଣ ଜୀବନ ଥିଲା, ଯାହା ପାଖରେ ଥିଲା ସବୁ ଛାଡି ସେ ବାବୁଜୀଙ୍କୁ ବିବାହ କରିଥିଲେ। କିଛି ସଂସ୍କାର ମୁଁ ମା’ଙ୍କ ଠାରୁ ପାଇଛି ଆଉ କିଛି ବାବୁଜୀଙ୍କଠାରୁ ପାଇଛି। ମୁଁ ଯାହା ବି ପାଇଲି ଉଭୟଙ୍କ ମିଶ୍ରଣ ଥିଲା । ତେଣୁ ଆଜି ମୁଁ ଯାହା ବି କିଛି, ତାଙ୍କ ପାଇଁ।“
