ପାଟଣା,୧୫/୪ : ବିହାର ନିର୍ବାଚନକୁ ନେଇ ରାଜନୀତି ଜୋର ଧରିଛି । ଆଜି ଏହାକୁ ନେଇ ଦିଲ୍ଲୀରେ ମାନସ ମନ୍ଥନ ହୋଇଛି । ଆରଜେଡି ନେତା ତେଜସ୍ବୀ ଯାଦବ ଆଜି ଦିଲ୍ଲୀରେ ପହଞ୍ଚିଥିଲେ ଏବଂ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଏବଂ ରାହୁଲ ଗାନ୍ଧୀଙ୍କ ସମେତ କେତକ ନେତାଙ୍କ ସହ କଥା ହୋଇଥିଲେ । ଏହି ସମୟରେ ମହାଗଠବନ୍ଧନରେ ମୁଖ୍ୟମନ୍ତ୍ରୀଙ୍କ ଚେହେରା କିଏ ହେବେ ଏହା ଉପରେ ବି ମନ୍ଥନ ହୋଇଛି । ଏପଟେ ପାଟଣାରେ ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ପୁଅ ନିଶାନ୍ତ ବି ବାପାଙ୍କ ନେତୃତ୍ବରେ ନିର୍ବାଚନ ଲଢିବାକୁ ଅନୁରୋଧ କରିଛନ୍ତି ।
ସିଏମ ନୀତିଶ କୁମାରଙ୍କ ପୁଅ ନିଶାନ୍ତ ଗଣମାଧ୍ୟମ ସହ କଥା ହେବା ସମୟରେ କହିଛନ୍ତି କି, ବାପାଙ୍କ ନେତୃତ୍ବରେ ନିର୍ବାଚନ ଲଢନ୍ତୁ ଏବଂ ଆମ ସରକାର ଗଢନ୍ତୁ । ଅମିତ ଶାହ ଅଙ୍କଲ ବିହାର ଆସିଥିଲେ ସେ ବି କହିଛନ୍ତି ବାପା ହିଁ ମୁଖ୍ୟମନ୍ତ୍ରୀ ଚେହେରା ରହିବେ । ପୁଣି ସମ୍ରାଟ ଚୌଧୁରୀ ବି କହିଛନ୍ତି କି ନୀତିଶ କୁମାର ୧୫-୧୫ବର୍ଷରୁ ଆମ ସାଥିରେ ଅଛନ୍ତି ।
ରାଜନୀତିରେ ଏଣ୍ଟ୍ରିର ପ୍ରଶ୍ନରେ ନିଶାନ୍ତ କହିଛନ୍ତି କି ଆମେ ଆପଣମାନଙ୍କୁ ନିବେଦନ କରୁଛୁ କି ଏନଡିଏର ସରକାର ଗଢନ୍ତୁ ବାପାଙ୍କ ନେତୃତ୍ବରେ ସରକାର କରନ୍ତୁ । ତେଜସ୍ବୀ ଯାଦବଙ୍କ ଦ୍ବାରା ଏହି ଅଭିଯୋଗ ଲଗାଯାଇଛି କି ମୁଖ୍ୟମନ୍ତ୍ରୀ ନିତିଶ କୁମାରଙ୍କ ସ୍ବାସ୍ଥ୍ୟବସ୍ଥା ବିଗିଡ଼ି ଯାଇଛି ଏହା ଉପରେ ନିଶାନ୍ତ କୁମାର କହିଛନ୍ତି କି ବାପା ସମ୍ପୂର୍ଣ୍ଣ ଭାବେ ଠିକ୍ ଅଛନ୍ତି ।
ଏନଡିଏ ଦ୍ବାରା ବାରମ୍ବାର ଏହି ନାରା ଲଗାଯାଉଛି କି ଏନଡିଏମ ଏଥର ୨୨୫ସିଟ୍ ଜତିବ । ଏହା ଉପରେ ନିଶାନ୍ତ କୁମାର କହିଛନ୍ତି କି ବିହାରର ଜନତାଙ୍କ ଅପିଲ୍ କରୁଛି କି ୨୦୧୦ରେ ଯେତିକି ସିଟ୍ ଏନଡିଏ ଜିତିଥିଲା, ଏହାଠାରୁ ଅଧକ ସିଟ୍ ଆମେ ଜିତାଇବୁ ।
