ନୂଆଦିଲ୍ଲୀ,୨୭।୧୦: କେନ୍ଦ୍ର ଗୃହମନ୍ତ୍ରୀ ଅମିତ ଶାହା ରବିବାର ପଶ୍ଚିମବଙ୍ଗର ଉତ୍ତର ୨୪ ପ୍ରଗଣା ଜିଲ୍ଲାରେ ଭାରତ-ବାଂଲାଦେଶ ସୀମାରେ ନୂତନ ଭାବେ ନିର୍ମିତ ଯାତ୍ରୀ ଟର୍ମିନାଲ ବିଲଡିଂ ଏବଂ କାର୍ଗୋ ଗେଟ୍ ଉଦ୍ଘାଟନ କରିଛନ୍ତି। ପେଟ୍ରୋପୋଲ (ଭାରତ) -ବେନାପୋଲ (ବାଂଲାଦେଶ) ଉଭୟ ବାଣିଜ୍ୟ ଏବଂ ଯାତ୍ରୀଙ୍କ ଯାତାୟତ ଦୃଷ୍ଟିରୁ ଭାରତ-ବାଂଲାଦେଶ ପାଇଁ ଏକ ଗୁରୁତ୍ୱପୂର୍ଣ୍ଣ ଭୂମି ସୀମା କ୍ରସିଂ ଭିତରୁ ଅନ୍ୟତମ । ଏହି ସମୟରେ ଗୃହମନ୍ତ୍ରୀ ଅମିତ ଶାହା ଅନୁପ୍ରବେଶ ସମ୍ପର୍କରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ କଡ଼ା ଟାର୍ଗେଟ କରିଥିଲେ।

ସେ କହିଛନ୍ତି, " ମମତା ଦିଦି ଆମ ସିଟ୍‌ (ଲୋକସଭା ନିର୍ବାଚନରେ) କମ୍ ଥିବାରୁ ଖୁସି ଥିଲେ। ଭୁଲନ୍ତୁ ନାହିଁ, ଆମେ ଏଭଳି ଏକ ଦଳ ଯାହାର ଦୁଇଟି ସିଟ୍ ଥିଲା, କିନ୍ତୁ ତା’ର ଉଦ୍ଦେଶ୍ୟ ଧାରା ୩୭୦ ହଟାଇବା ଥିଲା।" ସେ କହିଛନ୍ତି, "ବଙ୍ଗଳାରେ ରାଜ୍ୟ ପ୍ରାୟୋଜିତ ଅନୁପ୍ରବେଶ ହୋଇଛି ଏବଂ ଏହାକୁ ରୋକିବା ପାଇଁ ଏକମାତ୍ର ଉପାୟ ହେଉଛି ୨୦୨୬ ରେ ନିର୍ବାଚନରେ ବିଜେପିକୁ ବାଛନ୍ତୁ। ରବୀନ୍ଦ୍ର ସଂଗୀତ ବଦଳରେ ଆଜି ବଙ୍ଗଳାରେ ବୋମା ଶବ୍ଦ ଶୁଣିବାକୁ ମିଳୁଛି।"

ଶାହ କହିଛନ୍ତି, ଯେତେବେଳେ ସୀମାରେ ଯିବା ଆସିବା କୌଣସି ଆଇନଗତ ଭାବରେ ନାହିଁ, ସେତେବେଳେ ବେଆଇନ ଅନୁପ୍ରବେଶ ବଢେ।ତାହା ବଙ୍ଗଳା ସହ ଦେଶର ଶାନ୍ତିକୁ କ୍ଷତି ପହଁଞ୍ଚାଉଛି।ମୁଁ ବଙ୍ଗଳାର ଜନତାଙ୍କୁ କହିବାକୁ ଚାହଁଛି ଆପଣମାନେ ୨୦୨୬ ରେ ପରିବର୍ତ୍ତନ ଆଣନ୍ତୁ। ଆମେ ଅନୁପ୍ରବେଶକାରୀଙ୍କୁ ସମ୍ପୂର୍ଣ୍ଣ ଭାବରେ ରୋକିକି ନିଶ୍ବାସ ନେବ। ବଙ୍ଗଳା ସେତେବେଳେ ଶାନ୍ତ ହେବ ଯେତେବେଳ ଅନୁପ୍ରବେଶକାରୀ ହ୍ରାସ ପାଇବେ।