ନୂଆଦିଲ୍ଲୀ,୨୭/୧୦: ଆଜି ଚଳିତ ମାସର ଶେଷ ରବିବାର । ଏହି ଦିନ ଦେଶବାସୀଙ୍କୁ ରେଡିଓରେ ମନ କଥା କହିଥାନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଧାନମନ୍ତ୍ରୀ ମନ୍ କି ବାତ୍ ରେଡିଓ କାର୍ଯ୍ୟକ୍ରମର ଆଜି ୧୧୫ତମ ସଂସ୍କରଣ । ପୂର୍ବାହ୍ନ ୧୧ଟାରେ ୧୪୦କୋଟି ଭାରତୀୟଙ୍କୁ ମନ କଥା କହିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦେଶ ବିଦେଶରେ ଏହି ମାସିକ ରେଡିଓ କାର୍ଯ୍ୟକ୍ରମର ବହୁ ଲୋକପ୍ରିୟତା ରହିଛି । ତେବେ ଚଳିତଥର କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଡିଜିଟାଲ ଆରେଷ୍ଟ ବିଷୟରେ ଦେଶବାସୀଙ୍କୁ ଅବଗତ କରାଇବା ସହ ଆନିମେସନ କ୍ଷେତ୍ରକୁ ପ୍ରଶଂସା କରିଛନ୍ତି ।  

ତେବେ ୨୮ ତାରିଖରେ ବିଶ୍ବ ଆନିମେସନ ଦିବସ ପାଳନ ହୋଇଥାଏ। ଏନେଇ ୧୧୫ତମ 'ମନ କି ବାତ୍‌' କାର୍ଯ୍ୟକ୍ରମରେ ଆନିମେସନ ଓ ଗେମିଂ କ୍ଷେତ୍ରରେ କ୍ରାନ୍ତି ଆସିଛି। ଭାରତୀୟ ଆନିମେସନକୁ ପସନ୍ଦ କରାଯାଉଛି ବୋଲି  କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସେ  ଆହୁରି କହିଛନ୍ତି ଯେ, ଆନିମେସନ୍ ଏବଂ ଗେମିଂରେ ଭାରତ ବିପ୍ଳବ ପଥରେ ଅଛି।  ଭାରତର ଗେମିଂ ସ୍ପେଶ୍ ମଧ୍ୟ ବିସ୍ତାର ହେଉଛି ଏବଂ ଭାରତୀୟ ଖେଳ ସମଗ୍ର ବିଶ୍ୱରେ ପ୍ରସିଦ୍ଧ ହେଉଛି। ମୁଁ ଅଗ୍ରଣୀ ଖେଳାଳିଙ୍କୁ ଭେଟିଥିଲି ସେମାନଙ୍କଠାରୁ ଭାରତୀୟ ଗେମିଂର ସୃଜନଶୀଳତା ଜାଣିବା ଏବଂ ବୁଝିବାର ସୁଯୋଗ ପାଇଥିଲି। ବର୍ତ୍ତମାନ ସମୟରେ ଭାରତର ପ୍ରତିଭା ବିଦେଶୀ ଉତ୍ପାଦନର ଏକ ଗୁରୁତ୍ୱପୂର୍ଣ୍ଣ ଅଂଶ ପାଲଟିଛି। ସ୍ପାଇଡର୍ ମ୍ୟାନ୍ ହେଉ କିମ୍ବା ଟ୍ରାନ୍ସଫର୍ମର୍ସ ହୁଅନ୍ତୁ, ଲୋକମାନେ ଏହି ଦୁଇଟି ଚଳଚ୍ଚିତ୍ରରେ ହରିନାରାୟଣ ରାଜୀବଙ୍କ କାର୍ଯ୍ୟକୁ ପ୍ରଶଂସା କରିଛନ୍ତି। 

ଆଜିର ଯୁବପିଢି ଏପରି କଣ୍ଟେଣ୍ଟ ପ୍ରସ୍ତୁତ କରୁଛନ୍ତି, ଯେଉଁଥିରେ ଭାରତୀୟ ସଂସ୍କୃତିର ପ୍ରତିଫଳନ ହେବା ସହ ଏହାକୁ ସମଗ୍ର ବିଶ୍ୱରେ ପସନ୍ଦ କରାଯାଉଛି ବୋଲି ପ୍ରଧାନମନ୍ତ୍ରୀ କହିଛନ୍ତି।  ଆନିମେଟରଙ୍କ ସହ ଗେମ୍ ଡେଭ୍ଲପର୍, ଷ୍ଟୋରୀ ଟେଲର୍ ଏବଂ ଭଏସ୍ ଓଭର୍ କଳାକାରଙ୍କ ଆବଶ୍ୟକତା ମଧ୍ୟ ପୂରଣ ହୋଇପାରୁଛି। ତେଣୁ ସୃଜନଶୀଳତାକୁ ଜାରି ରଖିବା ସହ ଏହାକୁ ବିସ୍ତାର କରିବାର ଚେଷ୍ଟା କରନ୍ତୁ, କିଏ ଜାଣେ ଦୁନିଆର ପରବର୍ତ୍ତୀ ସୁପରହିଟ୍ ଆନିମେଶନ ଆପଣଙ୍କ କମ୍ପ୍ୟୁଟରରୁ ବାହାରିପାରେ ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ମୋଦି ଆସନ୍ତାକାଲିକୁ ଅର୍ଥାତ୍ ଅକ୍ଟୋବର ୨୮କୁ ବିଶ୍ୱ ଆନିମେସନ୍ ଦିବସ ପାଳନ କରିବାକୁ ଘୋଷଣା କରିଛନ୍ତି। ଆମେ ଭାରତକୁ ଗ୍ଲୋବାଲ୍ ଆନିମେସନ ପାୱାର ହାଉସ୍ କରିବା ପାଇଁ ସଂକଳ୍ପ ନେଇଛୁ ବୋଲି ପ୍ରଧାନମନ୍ତ୍ରୀ କହିଛନ୍ତି। ସେହିପରି ପ୍ରଧାନମନ୍ତ୍ରୀ ଆତ୍ମନିର୍ଭରଶୀଳ ଭାରତ ବିଷୟରେ ଆଲୋଚନା କରି କହିଛନ୍ତି, ଆତ୍ମନିର୍ଭରଶୀଳତା କେବଳ ଆମର ନୀତି ନୁହେଁ ବରଂ ଏକ ବୃତ୍ତିରେ ପରିଣତ ହୋଇଛି। ଆତ୍ମନିର୍ଭରଶୀଳ ଭାରତ ପ୍ରତ୍ୟେକ କ୍ଷେତ୍ରରେ ଚମତ୍କାର କାର୍ଯ୍ୟ କରୁଛି।