ପାଟଣାଗଡ, ୧୭/୧୦: କିଛି ଦିନ ତଳେ ନିଖୋଜ ହୋଇଥିଲେ ଯୁବକ । ଭାଲୁଖାଇ ଜଙ୍ଗଲରୁ ମିଳିଲା ମୃତଦେହ । ମୃତକ ବେଲ ପଡ଼ା ଥାନା ଅନ୍ତର୍ଗତ ସଲଣ୍ଡି ଗାଁର ଜ୍ଞାନ ପ୍ରକାଶ ବେହେରା ବୋଲି ଜଣାପଡ଼ିଛି । ଯୁବକଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଲକ୍‌ରେ ଏଭଳି ଘଟଣା ଘଟିଛି । 

ସୂଚନା ମୁତାବକ, କିଛି ଦିନ ତଳେ ସଲଣ୍ଡି ଗାଁର ଜ୍ଞାନ ପ୍ରକାଶ ବେହେରା ମିଖୋଜ ହୋଇଥିଲେ । ପରିବାର ଲୋକେ ବହୁ ଖୋଜା ଖୋଜି କରିବା ପରେ ମଧ୍ୟ ଜ୍ଞାନ ପ୍ରକାଶଙ୍କ କୌଣସି ପତ୍ତା ମିଳି ନଥିଲା । ପରେ ଗୁରୁବାର ସକାଳୁ ତାଙ୍କ ମୃତଦେହ ଭାଲୁଖାଇ ଜଙ୍ଗଲରେ ଦେଖିବାକୁ ପାଇଥିଲେ ସ୍ଥାନୀୟଲୋକେ । ଏହା ଦେଖି ତୁରନ୍ତ ବେଲ ପଡ଼ା ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଘଟଣାସ୍ଥଳରେ ଉପସ୍ଥିତ ରହି ଘଟଣାର ତଦନ୍ତ ଚଳାଇଛି ପୋଲିସ ।