ଚଣ୍ଡିଗଡ,୦୪/୧୨: ପଞ୍ଜାବ ଶିରୋମଣି ଅକାଳି ଦଳ ନେତା ତଥା ପଞ୍ଜାବ ପୂର୍ବତନ ଉପମୁଖ୍ୟମନ୍ତ୍ରୀ ସୁଖବୀର ସିଂହ ବାଦଲଙ୍କୁ ଗୁଳିମାଡ ହୋଇଛି । ସେ ସୁରକ୍ଷିତ ଥିବା ଜଣାପଡିଛି । ଅଜଣା ବ୍ୟକ୍ତି ସ୍ବର୍ଣ୍ଣ ମନ୍ଦିର ଗେଟ୍ ପାଖରେ ତାଙ୍କ ଉପରକୁ ଗୁଳି ଚଳାଇଥିବା ଜଣାପଡିଛି । ଗୁଳିମାଡ କରିଥିବା ବ୍ୟକ୍ତିକୁ କାବୁ କରାଯାଇଛି । ଅଭିଯୁକ୍ତ ଜଣକ ନାରାୟଣ ସିଂହ ଚୌରା ବୋଲି ଜଣାପଡିଛି । ପୋଲିସ ଅଭିଯୁକ୍ତଠୁ ବନ୍ଧୁକ ଜବତ କରିଛି ।
ଫାୟାରିଂ ସମୟରେ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଦେଖିବାକୁ ମିଳିଛି ପଞ୍ଜାବ ପୂର୍ବତନ ଉପମୁଖ୍ୟମନ୍ତ୍ରୀ ସୁଖବୀର ସିଂହ ବାଦଲ ବସିଛନ୍ତି । ତାଙ୍କ ପାଖରେ ଅନ୍ୟ ନେତା ଉପସ୍ଥିତ ଥିଲେ । ଅଚାନକ ଜଣେ ଲୋକ ଆସୁଛନ୍ତି ପକେଟରୁ ବନ୍ଧୁକ ବାହାର କରି ଗୁଳିଚଳାଉଛନ୍ତି । ସୌଭାଗ୍ୟବସତଃ କୌଣସି ଅଘଟଣ ହୋଇନାହିଁ । ଅଭିଯୁକ୍ତକୁ କାବୁ କରାଯାଇଛି । ତେବେ ସ୍ବର୍ଣ୍ଣ ମନ୍ଦିର ଭିତରକୁ ଜଣେ ବନ୍ଧୁକ ଧରି କିପରି ପ୍ରବେଶ କଲେ ତାହାକୁ ନେଇ ପ୍ରଶ୍ନ ଉଠିଛି । ସୁରକ୍ଷା ବ୍ୟବସ୍ଥାରେ ଢିଲା ହୋଇଥିବା କୁହାଯାଉଛି ।
ଘଟଣାକୁ ନେଇ ଅମ୍ରିତସର ପୋଲିସ କମିଶନର ଗୁରପ୍ରୀତ ସିଂହ ଭୁଲାର କହିଛନ୍ତି, ଆକ୍ରମଣକାରୀକୁ ହେପାଜତକୁ ନିଆଯାଇଛି । ଘଟଣାର ତଦନ୍ତ ଚାଲିଛି । ତଦନ୍ତ ପରେ ଏହା ଷଡଯନ୍ତ୍ର କି ଏହା ପଛରେ ଅନ୍ୟ କିଛି କାରଣ ରହିଛି ତାହା ଜଣାପଡିବ ।
#WATCH | Punjab: Bullets fired at Golden Temple in Amritsar where SAD leaders, including party chief Sukhbir Singh Badal, were offering 'seva'. The attacker, identified as Narayan Singh Chaura by the Police has been overpowered by the people and caught.
— ANI (@ANI) December 4, 2024
(Video Source: PTC News) pic.twitter.com/b0vscrxIL8
ଘଟଣାକୁ ନେଇ ଅମ୍ରିତସର ପୋଲିସ କମିଶନର ଗୁରପ୍ରୀତ ସିଂହ ଭୁଲାର କହିଛନ୍ତି, ଆକ୍ରମଣକାରୀକୁ ହେପାଜତକୁ ନିଆଯାଇଛି । ଘଟଣାର ତଦନ୍ତ ଚାଲିଛି । ତଦନ୍ତ ପରେ ଏହା ଷଡଯନ୍ତ୍ର କି ଏହା ପଛରେ ଅନ୍ୟ କିଛି କାରଣ ରହିଛି ତାହା ଜଣାପଡିବ ।
ପ୍ରକାଶ ଥାଉ କି, ପଞ୍ଜାବ ଶିରୋମଣି ଆକାଳୀ ଦଳ ୨୦୦୭ରୁ ୨୦୧୭ ମଧ୍ୟରେ କରିଥିବା ଭୁଲ ପାଇଁ ଶିଖମାନଙ୍କର ସର୍ବୋଚ୍ଚ ସଂସ୍ଥା ଅକାଲ ତଖତ୍ ଦଣ୍ଡ ଘୋଷଣା କରିଥିଲେ । ଗତକାଲି ପ୍ରଥମ ଦିନରେ ଏସଡି ପୂର୍ବତନ ଅଧ୍ୟକ୍ଷ ସୁଖବୀର ସିଂହ ବାଦଲ ଓ ପୂର୍ବତନ ଅଧ୍ୟକ୍ଷ ସୁଖବୀର ସିଂହ ଧିଣ୍ଡସ ସ୍ବର୍ଣ୍ଣ ମନ୍ଜିର ପରିସରରେ ସେବା କରିଥିଲେ । ଆଜି ଦ୍ବିତୀୟ ଦିନ ସେବାରେ ତାଙ୍କ ଉପରକୁ ଗୁଳିମାଡ ହୋଇଛି ।
