ପାଟଣାଗଡ଼, ୨୦।୧୦: ପାଟଣାଗଡ଼ ଧୁମାଭଟା ଛକ ନିକଟରେ ଗଞ୍ଜେଇ ଚୋରା ଚାଲାଣ । ୮ କେଜି ଗଞ୍ଜେଇ ଓ ଗୋଟିଏ ବାଇକ ଜବତ କରିଥିବା ସହିତ ୨ ଜଣ ଅଭିଯୁକ୍ତକୁ ଗିରଫ କରିଛି ଅବକାରୀ ବିଭାଗ । ଅଭିଯୁକ୍ତମାନେ ବେଲପଡ଼ା ଥାନା ରେଙ୍ଗାଲି ଗାଁର ଜଗନ ଭୁଏ ଓ ସୁନିଲ ମାଝି ବୋଲି ଜଣାପଡ଼ିଛି ।
ସୂଚନାନୁସାରେ, ରବିବାର ସକାଳୁ ଗଞ୍ଜେଇ ଚୋରା ଚାଲାଣ ହେଉଛି ବୋଲି ବିଶେଶ ସୁତ୍ରରୁ ଖବର ପାଇ ପାଟଣାଗଡ଼ ଅବକାରୀ ବିଭାଗ ଧୁମାଭଟା ଛକରେ ଏକ ମଟରସାଇକେଲ ଉପରେ ଚଢ଼ଉ କରିଥିଲା । ଚଢ଼ଉରେ ୮ କେଜି ଗଞ୍ଜେଇ ଓ ଏକ ମଟରସାଇକେଲ ସହ ୨ ଜଣଙ୍କୁ ଗିରଫ କରିଥିଲେ । ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ୮୨ ହଜାର ଟଙ୍କା ହେବ ବୋଲି ପୋଲିସ ସୂଚନା ଦେଇଛି । ରବିବାର ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ଅବକାରୀ ଅଧିକାରୀ କହିଛନ୍ତି ।
