ମୁମ୍ବାଇ,୧୬/୦୧: ବଲିଉଡ଼ ଅଭିନେତା ସୈଫ ଅଲି ଖାନଙ୍କୁ ଛୁରାମାଡ଼ ଘଟଣା ।ଗୁରୁବାର ବିଳମ୍ଵିତ ରାତି ପ୍ରାୟ ସାଢେ ୨ଟାରେ ତାଙ୍କ ଉପରେ ଆକ୍ରମଣ ଘଟଣା ବର୍ତ୍ତମାନ ବିଟାଉନରେ ଚର୍ଚ୍ଚାର ବିଷୟ ପାଲଟିଛି। ତେବେ ଆକ୍ରମଣ ପରେ ସୈଫଙ୍କୁ ଲୀଳାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା। ବର୍ତ୍ତମାନ ସୈଫଙ୍କ ଅସ୍ତ୍ରୋପଚାର ସରିଥିବା ବେଳେ ସେ ବିପଦମୁକ୍ତ ଥିବା ଜଣାପଡ଼ିଛି।
ଅନ୍ୟପଟେ ସୈଫଙ୍କୁ ଛୁରାମାଡ଼ କରିଥିବା ଅଭିଯୁକ୍ତକୁ ଚିହ୍ନଟ କରିଛି ପୋଲିସ । ଚୋରି କରିବାକୁ ଆସି ଛୁରାମାଡ଼ କରିଥିବା ନେଇ ପ୍ରାଥମିକ ତଦନ୍ତରୁ ଜଣାପଡ଼ିଛି। ତେବେ ଆପାର୍ଟମେଣ୍ଟରେ ସିଢ଼ି ଦେଇ ସୈଫ୍ଙ୍କ ଘରେ ଜଣେ ଅଭିଯୁକ୍ତ ପଶିଥିବା ନେଇ ସିସିଟିଭିରୁ ଜଣାପଡିଥିବା କହିଛି ପୋଲିସ । ଏଥିସହ ପୋଲିସ ଆହୁରି ମଧ୍ୟ କହିଛି ଯେ, ସୈଫଙ୍କ ଘରୋଇ କର୍ମଚାରୀଙ୍କ ହାତରେ ମଧ୍ୟ ଆଘାତ ଲାଗିଛି । ବର୍ତ୍ତମାନ ତଦନ୍ତ ଚାଲିଛି । ଅଭିଯୁକ୍ତମାନେ କିପରି ଘରେ ପ୍ରବେଶ କରିଥିଲେ ଜାଣିବା ପାଇଁ ସୈଫଙ୍କ ଘରେ ପୋଲିସ ଯାଞ୍ଚ କରୁଛି । ସିସିଟିଭି ଫୁଟେଜ ଆଧାରରେ ଜଣେ ଅଭିଯୁକ୍ତ ଚିହ୍ନଟ କରାଯାଇଛି । ଅଭିଯୁକ୍ତ ଜଣଙ୍କ ମୁଖ୍ୟ ଫାଟକ ଦେଇ କେହି ଭିତରକୁ ପ୍ରବେଶ କରିଥିଲା । ଘଟଣା ଘଟିବା ସମୟରେ ସୈଫ୍, କରୀନା ଏବଂ ସେମାନଙ୍କର ଦୁଇ ପିଲା ଘରେ ଥିଲେ । ଆକ୍ରମଣ ପରେ, ସୈଫ୍ ଅଲ୍ଲୀ ଖାନଙ୍କ ଘରୁ ପୋଲିସକୁ କଲ୍ ଯାଇଥିଲା । ସୈଫ ଏବଂ କରୀନାଙ୍କ ଟିମ ଘଟଣା ନେଇ ବିବୃତ୍ତି ଜାରି କରି କହିଛନ୍ତି ''ଚୋରି ଉଦ୍ୟମରେ ସୈଫଙ୍କ ଘରେ ପଶିଥିଲା ଦୁବୃର୍ତ୍ତ । ଆମେ ଗଣମାଧ୍ୟମ ଏବଂ ପ୍ରଶଂସକମାନଙ୍କୁ ଧୈର୍ଯ୍ୟ ରଖିବାକୁ ଅନୁରୋଧ କରୁଛୁ । ଏହା ପୋଲିସ ମାମଲା । ପୋଲିସ ପୂର୍ବରୁ ସେମାନଙ୍କର ତଦନ୍ତ ଜାରି ରଖିଥିବାରୁ ଆଉ କୌଣସି ଅନୁମାନ ନକରିବାକୁ ଅନୁରୋଧ କରୁଛୁ । ଆପଣଙ୍କ ଚିନ୍ତା ପାଇଁ ସମସ୍ତଙ୍କୁ ଧନ୍ୟବାଦ ।''
