ଆସ୍କା,୧୬/୧ : ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ଗାଙ୍ଗନାପୁରୁ ଗ୍ରାମର ଶ୍ମଶାନ ନିକଟସ୍ଥ ପାହାଡ ପାଖରେ ପଡ଼ି ରହିଛି ଜଣେ ମହିଳାଙ୍କ ମୃତଦେହ l ମୃତକ ମହିଳା ଜଣଙ୍କ ବଡଗଡ ଥାନା ଏକଲପୁର ଗ୍ରାମର ୨୨ବର୍ଷୀୟ ଅନିତା ନାହାକ l ସେ ଗଲା ତିନି ବର୍ଷ ତଳେ ଗାଗଂନାପୁର ଗ୍ରାମର ଶଲ୍ୟ ନାହାକକୁ ପ୍ରେମ ବିବାହ କରିଥିଲେ । 

ତେବେ ଆଜି ମହିଳାଙ୍କ ମୃତ୍ଯୁ ହୋଇଥିବା ଜଣାପଡିଥିବାବେଳେ ମୃତକଙ୍କ ଶରୀରରେ ବିଭିନ୍ନ ସ୍ଥାନ କ୍ଷତ ଚିହ୍ନ ରହିଛି । ତେବେ ମୃତ୍ଯୁର ଅସଲ କାରଣ ଅସ୍ଵଷ୍ଟ ଥିବାବେଳେ ପରିବାର ଲୋକେ ଝିଅକୁ ତଣ୍ଟି ଚିପି ହତ୍ୟା କରାଯାଇଥିବା ମୃତକଙ୍କ ପରିବାରବର୍ଗ ଅଭିଯୋଗ ଆଣିଛନ୍ତି  । ସ୍ବାମୀକୁ ପୋଲିସ ଅଟକ ରଖି ଘଟଣାର ଅଧିକ ତଦନ୍ତ ଆରମ୍ଭ କରିଛି ।