ନୂଆଦିଲ୍ଲୀ,୨୬।୧୦ : ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ଜେଲ୍ରେ ରହି ଦେଇଥିବା ଟିଭି ଇଣ୍ଟରଭ୍ୟୁକୁ ନେଇ ବଡ଼ ଆକ୍ସନ। ଏହି ମାମଲାରେ ୭ ଜଣ ପୁଲିସ କର୍ମଚାରୀଙ୍କୁ ନିଲମ୍ବନ କରିଛନ୍ତି ପଞ୍ଜାବ ସରକାର। କର୍ତ୍ତବ୍ୟରେ ଦାୟିତ୍ୱହୀନତା ଏବଂ ଚରମ ଅବହେଳା ଦର୍ଶାଇ ସେମାନଙ୍କ ବିରୁଦ୍ଧରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି।
ସୂଚନା ଅନୁସାରେ, ୨୦୨୨ରେ ଲରେନ୍ସ ବିଷ୍ଣୋଇ ଖରାର ସିଆଇ ହେପାଜତରେ ଥିବାବେଳେ ଏକ ନିର୍ଦ୍ଦିଷ୍ଟ ଗଣମାଧ୍ୟକୁ ସାକ୍ଷାତକାର ଦେଇଥିଲା। ସିଦ୍ଧୁ ମୁସେୱାଲା ହତ୍ୟା ଘଟଣାରେ ଲରେନ୍ସ ବିଷ୍ଣୋଇକୁ ତିହାର ଜେଲରୁ ଖରାର ସିଏଏକୁ ସ୍ଥାନାନ୍ତର କରାଯାଇଥିଲା। ଏହି ସମୟରେ ସେ ଏକ ଗଣମାଧ୍ୟମକୁ ସାକ୍ଷାତକାର ଦେଇଥିଲା। ଏହାକୁ ନେଇ ବିବାଦ ଉପୁଜିବା ପରେ ପଞ୍ଜାବ ଓ ହରିୟାଣା ହାଇକୋର୍ଟ ଏସଆଇଟି ତଦନ୍ତ ନିର୍ଦ୍ଦେଶ ଦେଇଥିଲେ।
ଏସଆଇଟି ଯାଞ୍ଚ ପରେ ରାଜସ୍ଥାନ ପୋଲିସକୁ ପ୍ରମାଣ ଦିଆଯାଇଥିଲା। ଏଥିରେ କୁହାଯାଇଥିଲା ଯେ, ଜୟପୁର ସେଣ୍ଟ୍ରାଲ ଜେଲ୍ରେ ରହି ଲରେନ୍ସ ବିଷ୍ଣୋଇଙ୍କ ଇଣ୍ଟରଭ୍ୟୁର ଦାବି କରାଯାଇଥିଲା। ଏହାପଛରେ ଜେଲ୍ ଅଧିକାରୀଙ୍କ ହାତ ଥିବାର କୁହାଯାଉଛି। ଏହି ଆଧାରରେ ଜୟପୁରରେ ମାମଲା ରୁଜୁ ହୋଇଥିଲା।
ଯାଞ୍ଚରେ ଜଣାପଡିଥିଲା ଯେ, ଲରେନ୍ସର ଇଣ୍ଟରଭ୍ୟୁ ପଞ୍ଜାବ ଜେଲ୍ରେ ଥିବା ବେଳେ ଦିଆଯାଇ ଥିଲା। ଏହାକୁ ଦେଖି ଏବେ ପଞ୍ଜାବ ସରକାରଙ୍କ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଯେଉଁ ଅଧିକାରୀଙ୍କୁ ଗିରଫ କରାଯାଇଛି ସେମାନେ ହେଲେ ଡିଏସପି ଗୁରୁଶେର ସିଂହ, ଡିଏସ୍ପି ସମର ଭନୀତ, ସବ ଇନ୍ସପେକ୍ଟର ରିନା, ସବ ଇନ୍ସପେକ୍ଟର ଜଗତପାତଲ ଜଗୁ, ସବ ଇନ୍ସପ୍ଟେର ଶଗନଜିତ ସିଂହ, ଏଏସଆଇ ମୁଖତାର ସିଂ ଏବଂ ହେଡ କନଷ୍ଟେବଳର ଓମ୍ ପ୍ରକାଶ।
