ଭୁବନେଶ୍ୱର, ୨୬।୬ : ପୁରୀରେ ହେବାକୁ ଥିବା ବିଶ୍ୱ ପ୍ରସିଦ୍ଧ ରଥଯାତ୍ରା ମହୋତ୍ସବକୁ ଦୃଷ୍ଟିରେ ରଖି ପୂର୍ବ ତଟ ରେଳପଥ ପକ୍ଷରୁ ୩୬୫ ଟି ସ୍ପେଶାଲ୍ ଟ୍ରେନ୍ ଚଳାଚଳା କରିବ। ଯାହା ଓଡ଼ିଶାର ପ୍ରାୟ ପ୍ରତ୍ୟେକ କୋଣ ଏବଂ ପଶ୍ଚିମବଙ୍ଗ, ଆନ୍ଧ୍ର ପ୍ରଦେଶ, ଛତିଶଗଡ଼, ଝାଡ଼ଖଣ୍ଡ ଏବଂ ମହାରାଷ୍ଟ୍ରର ପ୍ରମୁଖ ଅଂଶକୁ ସଂଯୋଗ କରିବ ।
ଏହି ସ୍ପେଶାଲ୍ ଟ୍ରେନ୍ ଗୁଡିକ ରାଉରକେଲା, ବିରମିତ୍ରପୁର, ବାଙ୍ଗିରିପୋଷି, ଜୁନାଗଡ଼ ରୋଡ୍, ବାଦାମପାହଡ଼, ବୌଦ୍ଧ, ଜଗଦଳପୁର (ଛତିଶଗଡ), ବାଲେଶ୍ୱର, ଅନୁଗୁଳ, ଗୁଣୁପୁର, ରାୟଗଡା, ପାରାଦୀପ, ଭଦ୍ରକ, କେନ୍ଦୁଝର, ଦଶପଲ୍ଲା, ଖୋର୍ଦ୍ଧା ରୋଡ଼, ସମ୍ବଲପୁର, ତାଳଚେର, କଟକ, ବ୍ରହ୍ମପୁର, ଢେଙ୍କାନାଳ, ବଡ଼ବିଲ, ପଲାସା ଏବଂ ବିଶାଖାପାଟନମ୍ (ଆନ୍ଧ୍ରପ୍ରଦେଶ), ଗୋଣ୍ଡିଆ (ମହାରାଷ୍ଟ୍ର) ଏବଂ ସାନ୍ତ୍ରାଗାଛି (କୋଲକାତା) ଠାରୁ ପୁରୀକୁ ଚଳାଚଳ କରୁଅଛି ।
ଏହି ବିଶାଳ ତୀର୍ଥଯାତ୍ରୀ ଜନସମାଗମକୁ ପରିଚାଳନା କରିବା ପାଇଁ ପୁରୀରେ ପ୍ରାୟ ୨୫ ହଜାର ତୀର୍ଥଯାତ୍ରୀଙ୍କ ସୁବିଧା ପାଇଁ ମିଳିତ କ୍ଷମତା ବିଶିଷ୍ଟ ଉତ୍ସର୍ଗୀକୃତ ତୀର୍ଥଯାତ୍ରୀ ପ୍ରତୀକ୍ଷା କ୍ଷେତ୍ର ଏବଂ ମେଳା ସେଡ୍ ପ୍ରତିଷ୍ଠା କରାଯାଇଛି ।
ଏଥିରେ ଯାତ୍ରୀମାନଙ୍କ ପାଇଁ ବସିବା ବ୍ୟବସ୍ଥା, ପାନୀୟ ଜଳ ବୁଥ୍ ଏବଂ ମଡ୍ୟୁଲାର୍ ଶୌଚାଳୟ, ମୋବାଇଲ୍ ଚାର୍ଜିଂ ପଏଣ୍ଟ ଏବଂ ବିଶ୍ରାମ କ୍ଷେତ୍ର ରହିଛି। ଏଥିସହ ଆମ୍ବୁଲାନ୍ସ ସହାୟତା ସହିତ ପ୍ରାଥମିକ ଚିକିତ୍ସା ବ୍ୟବସ୍ଥା ରହିଛି। ଏହା ସହିତ, ବିଶାଖାପାଟଣା ଏବଂ ପଲାସା (ଆନ୍ଧ୍ର ପ୍ରଦେଶ), ଜଗଦଳପୁର ଏବଂ ଗୋଣ୍ଡିଆ (ମହାରାଷ୍ଟ୍ର) ଏବଂ ସାନ୍ତ୍ରାଗାଛି (ପଶ୍ଚିମବଙ୍ଗ) ରୁ ସ୍ୱତନ୍ତ୍ର ଟ୍ରେନ ଚଳାଚଳ କରିବ । ଏହା ସହିତ ଛାତଟି ସଗାଡ଼ ଓ ଝାଡ଼ଖଣ୍ଡର କିଛି ଅଂଶ ମଧ୍ୟ ସ୍ୱତନ୍ତ୍ର ଟ୍ରେନ ସହିତ ସଂଯୋଗ ହେବ।
ଯାତ୍ରୀମାନଙ୍କୁ ଯାତ୍ରା ପୂର୍ବରୁ ସରକାରୀ ରେଳବାଇ ୱେବସାଇଟ୍, ଆପ୍ ଏବଂ ସାର୍ବଜନୀନ ଘୋଷଣା ମାଧ୍ୟମରେ ଟ୍ରେନ ସମୟସୂଚୀ ଏବଂ ସଂରକ୍ଷଣ ଉପଲବ୍ଧତା ଯାଞ୍ଚ କରିବାକୁ ଅନୁରୋଧ କରାଯାଇଛି । ଗୁଣ୍ଡିଚା ଯାତ୍ରା, ସନ୍ଧ୍ୟା ଦର୍ଶନ, ବାହୁଡା ଯାତ୍ରା ଏବଂ ସୁନାବେଶ ସମେତ ଉତ୍ସବ ଦିନଗୁଡ଼ିକ ନିକଟରେ ସମସ୍ତ ଆବଶ୍ୟକୀୟ ସୂଚନା ପ୍ରଦାନ କରାଯିବ ରେଳବାଇ ସୂତ୍ରରୁ ଜଣାପଡିଛି।
