ଭୁବନେଶ୍ବର,୨୮।୭ : ନୟାପଲ୍ଲୀ ଥାନା ପୋଲିସ  ହାତରେ ଛତିଶଗଡିଆ ମହିଳା ଲୁଟେରା ଗ୍ୟାଙ୍ଗ ।  ମୋ ବସ ଯାତ୍ରୀଙ୍କୁ ଏମାନେ କରିଥାନ୍ତି ଟାର୍ଗେଟ। ମୋ ବସରୁ ଲୁଟ କରୁଥିବା ଅଭିଯୋଗରେ ୩ ଜଣ ମହିଳାଙ୍କୁ ନୟାପଲ୍ଲୀ ପୋଲିସ ଗିରଫ କରିଛି। ସେମାନଙ୍କ ନିକଟରୁ ୨୩ ହଜାର  ଟଙ୍କା ଜବତ୍ କରିଛି ପୋଲିସ୍ । ଛତିଶଗଡ ରାୟପୁରର ଅଞ୍ଚଳରେ  ଏହି ମହିଳା ଲୁଟେରାଙ୍କ ଘର।

ଗତ ୨୭ ତାରିଖରେ ଆଶ୍ରିତ ମହାରଣା ଅଭିଯୋଗ କରିଥିଲେ ଯେ ମୋ ବସରେ ଆସିଲା ବେଳେ ତାଙ୍କ ବ୍ୟାଗ୍ରୁ   ଟଙ୍କା ଚୋରୀ ହୋଇଯାଇଛି।  କିଛି ମହିଳାମାନେ ମୋ ବସରେ  ତାଙ୍କୁ ଘେରି ଯାଇଥିଲେ।  ଏବଂ ଏହାପରେ ତାଙ୍କ ବ୍ୟାଗ୍ ରୁ ୨୫ ହଜାର ଟଙ୍କା ଚୋରୀ ହୋଇଯାଇଥିଲା । ତଦନ୍ତ ପରେ କିଛି ରାଜ୍ୟ ବାହାରର ଚୋରମାନେ ସଂପୃକ୍ତ   ରହିଥିବା ଜାଣିବାକୁ ପାଇଥିଲା ନୟାପଲ୍ଲୀ ଥାନା ପୋଲିସ ।   ଏମାନେ ଗୋଟିଏ ଗ୍ରୁପ୍ କରି ମୋ ବସ୍ ରେ ଯାତ୍ରୀଙ୍କୁ ଭିଡ କରି ଦିଅନ୍ତି । ଏହାପରେ ଭିଡ଼ ରେ ମୋବାଇଲ ଫୋନ , ଟଙ୍କା , ଚୋରୀ କରି ପୁଣି ଓହ୍ଲାଇଯାଆନ୍ତି । ଏମାନଙ୍କ ନାମରେ କଣ କେସ ରହିଛି ତାହା ପୋଲିସ ତଦନ୍ତ କରୁଛି।