ନୂଆଦିଲ୍ଲୀ,୧।୧: ଆମେରିକାର ନ୍ୟୁ ଅର୍ଲିୟନ୍ସ ସହରରେ ନୂଆ ବର୍ଷ ଉତ୍ସବ ବେଳେ ଦୁଃଖଦ ଘଟଣା। ଲୋକଙ୍କ ଉପରେ ଚଢିଗଲା କାର। ୧୦ରୁ ଅଧିକ ଲୋକଙ୍କର ମୃତ୍ୟୁ ହୋଇଥିବା ନେଇ ଜଣାପଡିଛି।ସେଭଳି ୩୦ରୁ ଉର୍ଦ୍ଧ୍ବ ଆହତ ହୋଇଛନ୍ତି। ପୋଲିସ କାର ଡ୍ରାଇଭର ଉପରକୁ ଗୁଳି ମାଡ କରିଛି।
ଅଧିକାରୀଙ୍କ କହିବା ଅନୁସାରେ, ଏହି ଘଟଣା କେନାଲ ଓ ବର୍ବନ ଷ୍ଟ୍ରିଟ୍ ନିକଟରେ ଘଟିଛି। ସେଠାରେ ଲୋକମାନେ ନୂଆ ବର୍ଷ ଅବସରରେ ଉତ୍ସବ ପାଳନ କରୁଥିଲେ। ଏକ କାର ଦ୍ରୁତ ଗତିରେ ଆସି ଲୋକଙ୍କୁ ଧକ୍କା ଦେଇଥିଲା, ଯାହାଫଳରେ ଘଟିଥିଲା ଏଭଳି ଅଘଟଣ। ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ ଘଟଣା ପରେ ପୋଲିସ ଡ୍ରାଇଭର ଉପରକୁ ଗୁଳିମାଡ କରିଥିଲା। ଏହି ଘଟଣା ପରେ ନୂଆ ବର୍ଷର ଉତ୍ସବ ଶୋକରେ ବଦଳି ଯାଇଥିଲା। ପୋଲିସ ମାମଲାର ଯାଞ୍ଚ କରୁଛି। ଏହି ଘଟଣାରେ ୩୦ ଜଣ ଆହତ ହୋଇଛନ୍ତି। ତାଙ୍କୁ ନ୍ୟୁ ଅର୍ଲିୟନ୍ସରରେ ଜରୁରୀକାଳୀନ ଚିକିତ୍ସା ସେବା ଯୋଗାଇ ଦିଆଯାଇଛି।
