ନୂଆଦିଲ୍ଲୀ,୦୮/୧୨: ଆସନ୍ତା ୧୫ ତାରିଖରେ ମହିଳା ପ୍ରିମିୟର ଲିଗ୍(ଡବ୍ଲ୍ୟୁପିଏଲ୍) ପାଇଁ ଖେଳାଳି ନିଲାମ କରାଯିବ । ବେଙ୍ଗାଲୁରୁ ସହରରେ ହେବ ନିଲାମ କାର୍ଯ୍ୟକ୍ରମ । ମୋଟ୍ ୧୨୦ ଜଣ ଖେଳାଳି ନିଲାମ ଡାକରେ ସାମିଲ ହେବେ । ଏଥିରେ ୯୧ଜଣ ଭାରତୀୟ ଓ ୨୯ଜଣ ବିଦେଶୀ ଖେଳାଳି ରହିଛନ୍ତି । ଭାରତୀୟ ସମୟ ଅପରାହ୍ଣ ୩ଟାରେ ନିଲାମ କାର୍ଯ୍ୟ ଆରମ୍ଭ ହେବ । ଟେଲିଭିଜନରେ ମଧ୍ୟ ଏହାର ସିଧା ପ୍ରସାରଣ କରାଯିବ ।
୫ଟି ଯାକ ଫ୍ରାଞ୍ଚାଇଜ ନିକଟରେ ୧୯ଟି ସ୍ଥାନ ଖାଲି ପଡ଼ିଛି । ଏଥି ମଧ୍ୟରେ ବିଦେଶୀ ଖେଳାଳିଙ୍କ ପାଇଁ ୫ଟି ସ୍ଥାନ ଖାଲି ରହିଛି । ୧୨୦ଜଣିଆ ଖେଳାଳି ତାଲିକାରେ ୮୨ଜଣ ଅନ୍ତର୍ଜାତୀୟ କ୍ରିକେଟ୍ ଖେଳି ନଥିବା ଭାରତୀୟ ଓ ୮ଜଣ ବିଦେଶୀ ଖେଳାଳି ରହିଛନ୍ତି ।
