ନୂଆଦିଲ୍ଲୀ,୦୨/ ୦୪: ଲୋକସଭାରେ ଉପସ୍ଥାପିତ ହୋଇଛି ବହୁ ପ୍ରତୀକ୍ଷିତ ୱାକଫ ସଂଶୋଧନ ବିଲ୍ । ସଂସଦୀୟ ଓ ସଂଖ୍ୟାଲଘୁ ବ୍ୟାପାର ମନ୍ତ୍ରୀ କିରଣ ରିଜିଜୁ ବିଲ୍ ଆଗତ କରିଛନ୍ତି । ଏହାପରେ ବିଲ୍ ଉପରେ ଚର୍ଚ୍ଚା ଜାରି ରହିଛି । ବାଚସ୍ପତି ଓମ୍ ବିର୍ଲା ବିଲ୍ ଉପରେ ୮ ଘଣ୍ଟା ଧରି ଚର୍ଚ୍ଚା କରିବେ । ବିଲ୍ ଉପସ୍ଥାପନ କରି ଏହାର କୌଣସି ଧାର୍ମିକ ବ୍ୟବସ୍ଥା ସହ ସମ୍ପର୍କ ନାହିଁ ବୋଲି କହିଛନ୍ତି ସଂସଦୀୟ ବ୍ୟାପାର ମନ୍ତ୍ରୀ । ବିଲ୍ ଆଗତ ସମୟରେ ବିରୋଧୀ ପ୍ରବଳ ହୋ ହାଲ୍ଲା କରିଥିଲେ ।
ବିଲ୍ ଆଗତ କରି ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିିଜୁ କହିଛନ୍ତି,'' ୱାକଫ୍ ବିଲ୍ ସହ କୌଣସି ମସଜିଦ୍, ମନ୍ଦିର କିମ୍ବା ଧାର୍ମିକ ସ୍ଥଳ ଓ ବ୍ୟବସ୍ଥା ସହ କିଛି ସମ୍ପର୍କ ନାହିଁ । ଏହା ଏକ ସାଧାରଣ ସମ୍ପତ୍ତି ପରିଚାଳନାର ବିଷୟ । ଏହାକୁ ସଂଶୋଧନ କରିବାର ଆବଶ୍ୟକତା ଥିଲା । ପୂର୍ବରୁ ଉଲ୍ଲେଖ୍ୟ କରିଥିଲି କି କେହି ବି ଭାରତୀୟ ୱାକଫ୍ କରିପାରିବେ । ୧୯୯୫ରେ ଏପରି ନଥିଲା । ୨୦୧୩ରେ ପରିବର୍ତ୍ତନ ହୋଇଥିଲା । ବର୍ତ୍ତମାନ ଆମେ ଏହାକୁ ବ୍ୟବସ୍ଥାକୁ ପୁନଃସ୍ଥାପିତ କରିଛୁ । ଏହି ନିଶ୍ଚିନ୍ତ କରିଛୁ ଅତି କମରେ ୫ବର୍ଷ ଇସଲାମ୍ ପାଳନ କରିଥିବା ବ୍ୟକ୍ତି ନିଜ ସମ୍ପତ୍ତି ୱାକଫ୍ କରିପାରିବେ ।
ବିଲ୍କୁ ନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି,'' ବିରୋଧୀଙ୍କ ଦ୍ବାରା ଏହି ବିଲ୍ ଜେପିସିକୁ ପଠାଗଲା । କମିଟି ଏହା ଉପରେ ସୁବିଚାରିତ ରୂପରେ ମତ ରଖିଥିଲେ । ଏହା କ୍ୟାବିନେଟକୁ ଯାଇଥିଲା । ଏହା ସଂଶୋଧନ ହୋଇ ଆସିଲା । ଏହାକୁ ନେଇ ଜେପିସି ବନାଇବାକୁ ବିରୋଧୀ ହିଁ ଆଗ୍ରହୀ ଥିଲେ ।''
ଅଧିକ ପଢନ୍ତୁ...Waqf Amendment Bill ; ସଂସଦରେ ଜୋରଦାର ହଙ୍ଗାମା, କଳା କୁର୍ତ୍ତା ପିନ୍ଧି କଂଗ୍ରେସର ବିରୋଧ
#WATCH | After introducing the Waqf Amendment Bill in Lok Sabha, Parliamentary Affairs Minister Kiren Rijiju says "The provisions of the Waqf Board have nothing to do with the management of any mosque, temple, or religious site. It is simply a matter of property management.… pic.twitter.com/ChEqLgUz8g
— ANI (@ANI) April 2, 2025
ୱାକଫ୍ ସଂଶୋଧନ ବିଲ୍ କଣ ?
୧୯୫୪ରେ ଜବାହାରଲାଲ ନେହେରୁଙ୍କ ସରକାର ସମୟରେ ୱାକଫ୍ ବିଲ୍ ଆଇନ୍ ପାରିତ ହୋଇଥିଲା । ସେବେଠୁ ଆଇନରେ ଏକାଧିକ ସଂଶୋଧନ ହୋଇ ସାରିଛି । ୱାକଫ୍ ବୋର୍ଡରେ ଏକ ସର୍ଭେ କମିଶନ ରହିଛି ଯାହା ଦାନ ସମ୍ପତ୍ତିର ହିସାବ ରଖେ । ବୋର୍ଡରେ ମୁସଲିମ ସାଂସଦ, ମୁସଲିମ ଆଇଏଏସ ଅଧିକାରୀଙ୍କୁ ସାମିଲ କରାଯାଏ । ୱାକଫ୍ର ସମ୍ପତ୍ତି ସମ୍ପର୍କିତ ମାମଲାରେ ରାଜ୍ୟ ସରକାରଙ୍କ ନିୟନ୍ତ୍ରଣ ଓ ଭୂମିକା ରହିବ । ସମ୍ପତ୍ତି ୱାକଫ୍ର କି ନୁହେଁ, ତାହା ସ୍ଥିର କରିବାକୁ ରାଜ୍ୟ ସରକାର ଜଲ୍ଲାପାଳଙ୍କ ଉପର ଅଧିକାରୀଙ୍କୁ ନିଯୁକ୍ତି କରିପାରନ୍ତି । ଜଣେ ୫ ବର୍ଷ ଇସଲାମ ଧର୍ମ ପାଳନ କରିଥିଲେ ହେଁ ନିଜ ସମ୍ପତ୍ତି ୱାକଫ୍ କରିପାରିବେ । ୱାକଫ୍ ପରିଷଦରେ ଦୁଇ-ଜଣ ଅଣ ମୁସଲମାନ ସଦସ୍ୟ ରହିବେ । ପୂର୍ବରୁ ୱାକଫ୍ ସମ୍ପତ୍ତିର ସର୍ବେକ୍ଷଣ ଓ ତଦାରଖ ଜିଲ୍ଲାପାଳ କରୁଥିଲେ । ଏବେ ଜଣେ ବରିଷ୍ଠ ଅଧିକାରୀ ଏହା କରିପାରିବେ । ଲୋକସଭାରେ ସଂଖ୍ୟାଗରିଷ୍ଠତା ହିସାବରେ ଏନଡ଼ିଏ ସ୍ଥିତି ମଜବୁତ ରହିଛି । ଦଳ ପାଖରେ ୨୯୩ ସାଂସଦ ଅଛନ୍ତି । ବିଲ୍ ପାସ୍ କରିବାକୁ ୨୭୨ ଭୋଟର ଆବଶ୍ୟକତା ରହିଛି ।
