ମାଲକାନଗିରି,୨୧।୭(ଆପ୍ର ):ସୀମାନ୍ତ ଛତିଶଗଡ଼ରେ ମାଓବାଦୀମାନେ ସୋମବାର ବର୍ବର କାଣ୍ଡ ଘଟାଇଛନ୍ତି। ପୁଲିସ ସୂଚନାଦାତା ସନ୍ଦେହରେ ଦୁଇଜଣଙ୍କୁ ନିର୍ମମ ହତ୍ୟା ଭାବେ ହତ୍ୟା କରିଛନ୍ତି। ସହିଦ ସପ୍ତାହ ପାଳନର ଅବ୍ୟାହତ ପୂର୍ବରୁ ମାଲକାନଗିରି ଜିଲା ସୀମାନ୍ତ ଛତିଶଗଡ଼ ରାଜ୍ୟ ବିଜାପୁର ଜିଲାରେ ଲାଲ ବାହିନୀ ଲାଲ ତାଣ୍ଡବ ଘଟାଇ ପୁଲିସକୁ ଚ୍ୟାଲେଞ୍ଜ ଦେଇଛନ୍ତି।
ପୋଲିସ ସୂଚନାଦାତା ସନ୍ଦେହରେ ବିଜାପୁର ଅଞ୍ଚଳର କାୱାସି ଜୋଗୀ ଏବଂ ମଙ୍ଗଳୁ କୁର୍ସମଙ୍କୁ ଘରୁ ଉଠାଇ ନେଇ ନିର୍ମମ ଭାବେ ଗଳା କାଟି ହତ୍ୟା କରି ଜଙ୍ଗଲରେ ଫିଙ୍ଗି ଦେଇ ପଳାଇଛନ୍ତି। ଏହି ଘଟଣା ପରେ ସେ ଅଞ୍ଚଳ ରେ ଭୟ ଓ ଆତଙ୍କ ଖେଳିଯାଇଛି। ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇ ସେ ଅଞ୍ଚଳରେ ଜୋରଦାର ସର୍ଚ୍ଚ ଅପରେଶନ ଆରମ୍ଭ କରିଛି।
