କଟକ,୦୩/୦୬: ଓଡିଶା ରାଜ୍ୟ ଟ୍ରକ ମାଲିକ ସଂଘ କାର୍ଯ୍ୟାଳୟରେ ବସ୍ ଓ ଟ୍ରକ ମାଲିକମାନଙ୍କ ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଛି । ପରିବହନ ବିଭାଗ ନିଜେ ଦୁଇଚକିଆ ଗାଡି ଠାରୁ ଆରମ୍ଭ କରି ଟ୍ରକ, ବସ ପର୍ଯ୍ୟନ୍ତ ସମସ୍ତ ଗାଡିକୁ ଚେକିଂ କରିବା ଦାୟିତ୍ୱ ପୋଲିସ ବିଭାଗକୁ ଦେଇଛି । ଏହାଦ୍ୱାରା ପୋଲିସ ଗାଡି ମାଲିକମାନଙ୍କୁ ବିଭିନ୍ନ ଉପାୟରେ ବେନିୟମ ଭାବେ ହଇରାଣ ହରକତ କରୁଥିବା ଅଭିଯୋଗ ହୋଇଛି । ଏହାକୁ ନେଇ ରାଜ୍ୟ ଟ୍ରକ ମାଲିକ ସଂଘଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।
ଗାଡି ମାଲିକମାନେ ଏକ ସାମ୍ବାଦିକ ସମ୍ବିଳନୀ କରି ଏପରି ଅଭିଯୋଗ କରିଛନ୍ତି । ପୋଲିସ ବିଭାଗକୁ ଦିଆଯାଇଥିବା ଦାୟିତ୍ୱ ପରିବହନ ବିଭାଗ ପ୍ରତ୍ୟାହାର କରୁ ନଚେତ୍ ଆଗାମୀ ଦିନରେ ଧର୍ମ ଘଟ କରାଯିବ ବୋଲି ଚେତାବନୀ ଦିଆଯାଇଛି । ରାଜ୍ୟ ଟ୍ରକ ମାଲିକ ସଂଘର ସାଧାରଣ ସମ୍ପାଦକ ରବି ଶତପଥୀ, ରାଜ୍ୟ ଘରୋଇ ବସ୍ ମାଲିକ ସଂଘର ସଭାପତି ପ୍ରିୟବ୍ରତ ତ୍ରିପାଠୀ,ସାଧାରଣ ସମ୍ପାଦକ ଦେବେନ୍ଦ୍ର ସାହୁ, କଟକ ଘରୋଇ ବସ୍ ମାଲିକ ସଂଘର ସାଧାରଣ ସମ୍ପାଦକ ଆଶିଷ କୁମାର ସାହୁ ଓ ଉପ ସଭାପତି ମୁରଲୀଧର ବେହେରା ପ୍ରମୁଖ ସାମ୍ବାଦିକ ସମ୍ମିଳନୀରେ ଉପସ୍ଥିତ ଥିଲେ ।
