ବଡ଼ମ୍ବା,୩/୬ : ବୈଦେଶ୍ଵର ଥାନା ଅଧୀନ ଖଇରପଙ୍ଗା ଗ୍ରାମରେ ଅଘଟଣ । ଗାଁରେ ଚୋରି ଘଟଣାରେ ସନ୍ଦେହ ଥିବା ନେଇ ଅନ୍ଧ ବିଶ୍ୱାସର ବଶବର୍ତ୍ତୀ ହୋଇ ଗ୍ରାମବାସୀଙ୍କ ତରଫରୁ ଚୋର ଏବଂ ଚୋରି ସାମଗ୍ରୀ ଖୋଜି ପାଇବା ନେଇ ଖଟ ବୁଲା ଯାଉଥିଲା ।
ଖବରପାଇ ଘଟଣାସ୍ଥଳରେ ପୋଲିସ ଟିମ୍ ପହଞ୍ଚି ଥିବାବେଳେ ଗ୍ରାମବାସୀଙ୍କ ପକ୍ଷରୁ ପୋଲିସ ଉପରକୁ ଟେକା ପଥର ଫିଙ୍ଗିଥିଲେ କିଛି ଅସାମାଜିକ ବ୍ୟକ୍ତି । ଯେଉଁଥିରେ ଜଣେ ଓଏସଏପି ପୋଲିସ ସୁଶାନ୍ତ କୁମାର ସାହୁଙ୍କ ମୁଣ୍ଡରେ ଗଭୀର କ୍ଷତ ହୋଇଛି । ଏ ନେଇ ଥାନା ଅଧିକାରୀ ସଞ୍ଜୟ କୁମାର ଜେନା ଉପରିସ୍ଥ ଅଧିକାରୀଙ୍କୁ ଜଣାଇବା ସହ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ନେଇ ସୂଚନା ଦେଇଛନ୍ତି ।
