ତିଗିରିଆ ୪।୬ ତିଗିରିଆ ଥାନା ନୂଆପାଟଣା ନିୟୁ ଅନ୍ତର୍ଯ୍ୟାମୀ ଜୁଏଲାରୀ ଦୋକାନରୁ ଚୋରି କରିବାକୁ ଉଦ୍ୟମ କରୁଥିବା ବେଳେ ରାତ୍ରୀ ଜଗୁଆଳୀକୁ ମରଣାନ୍ତକ ଆକ୍ରମଣ କରିବା ଅଭିଯୋଗରେ ପୁଲିସ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ହୋଇଥିବା ଅଭିଯୁକ୍ତ ମାନେ ହେଲେ ଏହି ଥାନା ଅନ୍ତର୍ଗତ ବେଲଅଣ୍ଟା ଗ୍ରାମର ମାଧବ ମଲ୍ଲ (୪୭), ସୁଶାନ୍ତ ରାଉତ, ଚିନ୍ମୟ ନାୟକ (୨୨) ବୋଲି ଜଣାପଡିଛି। ଥାନାରେ ହୋଇଥିବା ଅଭିଯୋଗ ମୁତାବକ ଗତ ୨ ତାରିଖ ରାତି ପ୍ରାୟ ୧୨ଟା ସମୟରେ ନିୟୁ ଅନ୍ତର୍ଯ୍ୟାମୀ ଦୋକାନର ରାତ୍ର ଜଗୁଆଳ ବେଲଅଣ୍ଟା ଗ୍ରାମର ନରେଶ ନାୟକ (୪୮) ଦୋକାନ ବାରଣ୍ଡାରେ ଶୋଇଥିବା ବେଳେ ଅଭିଯୁକ୍ତ ମାନେ ଦୋକାନ ଚୋରି କରିବା ଉଦ୍ଦେଶ୍ୟରେ ତାଲାକୁ ବାଡ଼ାବାଡ଼ି କଲେ ।

ଏହାକୁ ନରେଶ ପ୍ରତିବାଦ କରିବାରୁ ତାଙ୍କୁ ଠେଙ୍ଗାରେ ମାଡ଼ ମାରିବା ସହ ଗାଳି ଗୁଲଜ କରି ମରଣାନ୍ତକ ଆକ୍ରମଣ କରିଥିଲେ। ଏପରିକି ଦୋକାନ ଉପର ମହଲାରୁ ପାଟି ତୁଣ୍ଡ ଶୁଣି ଘଟଣା ସ୍ଥଳକୁ ଆସିଥିବା ସିକ୍ୟୁରିଟି ଗାର୍ଡକୁ ମଧ୍ୟ ମାରଧର କରିଥିଲେ। ତେବେ ଘଟଣା ସମ୍ପର୍କରେ ଖବର ପାଇ ନରେଶଙ୍କ ପରିବାର ଲୋକେ ପହଞ୍ଚି ତାଙ୍କୁ ତିଗିରିଆ ଡାକ୍ତର ଖାନାରେ ଭର୍ତି କରିଥିଲେ l ନିୟୁ ଅନ୍ତର୍ଯ୍ୟାମୀ ଜୁଏଲାରୀ ଦୋକାନରୁ ଚୋରି କରିବାକୁ ଉଦ୍ୟମ କରୁଥିବା ବେଳେ ରାତ୍ରୀ ଜଗୁଆଳୀକୁ ନିର୍ମମ ଭାବରେ ମରଣାନ୍ତକ ଆକ୍ରମଣ ସିସିଟିଭିରେ କ୍ଏଦ ହୋଇଛି ଆକ୍ରମଣର ସମ୍ପୂର୍ଣ୍ଣ ଦୃଶ୍ୟ । 

ରାତି ଜଗୁଆଳି ନରେଶ ନାୟକଙ୍କୁ ଦୁର୍ବୃତ୍ତ ମାନଙ୍କ ମରଣାନ୍ତକ ଆକ୍ରମଣ ନରେଶ ତିଗିରିଆ ଥାନାରେ ଅଭିଯୋଗ କରିଛନ୍ତି l ଘଟଣାରେ ନରେଶଙ୍କ ଏତଲାକୁ ଆଧାର କରି ପୁଲିସ ଏକ ମାମଲା ରୁଜୁ କରିଥିଲା । ଘଟଣାର ତଦନ୍ତ କରିବା ସହିତ ଅଭିଯୁକ୍ତ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ଜଣାପଡ଼ଛି l ତେବେ କିଛି ଦିନର ନୀରବତା ପରେ ବେଲଅଣ୍ଟା ଗ୍ରାମରେ ପୁଣି ଅଶାନ୍ତ ପରିବେଶ ସୃଷ୍ଟି ହୋଇଛି l ଯାହାକୁ ନେଇ ପୁଲିସ ପକ୍ଷରୁ ସନ୍ଧ୍ୟାରେ ଫ୍ଳାଗ୍ ମାର୍ଚ କରାଯାଇ ଥିବା ଥାନା ଅଧିକାରୀ ସମରେନ୍ଦ୍ର ପାଇକରାୟଙ୍କ ଠାରୁ ମିଳିଥିବା ସୂଚନାରୁ ଜଣାପଡ଼ିଛି ।