ଛତ୍ରପୁର, ୧୧।୮: ଚମାଖଣ୍ଡି ଥାନା ଅନନ୍ତପୁରଛକ ମହିନ୍ଦ୍ରା ସୋ ରୁମ୍‌ ନିକଟରେ ମର୍ମନ୍ତୁଦ ଦୁର୍ଘଟଣା । କଣ୍ଟେନର ଧକ୍କାରେ ଟ୍ରାକ୍ଟର ଓଲଟି ଟ୍ରାକ୍ଟର ଚାଳକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ଦୁର୍ଘଟଣାରେ ୩ ଜଣ ଗୁରୁତର ଭାବେ ଆହତ ହୋଇଛନ୍ତି l ସମସ୍ତ ଆହତ ବ୍ୟକ୍ତିଙ୍କୁ ବ୍ରହ୍ମପୁର ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା l ଡାକ୍ତରଖାନାରେ ଟ୍ରାକ୍ଟର ଚଲାଉଥିବା ଟ୍ରାକ୍ଟର ମାଲିକ ଶୁଭମ୍ ନାୟକଙ୍କ ମୃତ୍ୟୁ ହୋଇଥିବା ପୁଲିସ ସୂତ୍ରରୁ ଜଣାପଡ଼ିଛି l 

ଆନ୍ଧ୍ରରୁ ଭୁବନେଶ୍ୱର ଅଭିମୁଖେ ଯାଉଥିବା ମାଛ ବୋଝେଇ କଣ୍ଟେନରଟି ସୋମବାର ଭୋର ୫ଟା ସମୟରେ ଟ୍ରାକ୍ଟର ସହ ଧକ୍କା ହେବା ଫଳରେ ଟ୍ରାକ୍ଟରଟି ଜାତୀୟ ରାଜପଥ ଡିଭାଇଡର ଉପରେ ଓଲଟି ପଡ଼ିଥିଲା l ସେଥିରେ ଥିବା ଟାକ୍ଟକ ଡ୍ରାଇଭରଙ୍କର ଚିକିତ୍ସାଧିନ ଅବସ୍ଥାରେ ମୃତ୍ୟୁ ହୋଇଥିବା ବେଳେ ଅନ୍ୟ ୩ ଜଣ ଗୁରୁତର ବ୍ରହ୍ମପୁର ମେଡିକାଲରେ ଚିକିତ୍ସିତ ହେଉଛନ୍ତି l