ଗୋପାଳପୁର,୦୨/୦୬: ଗୋପାଳପୁର ଏନ୍ଏସିରେ ଲାଗି ରହିଥିବା ବିଚ୍ ପାର୍କିଂ ଟେଣ୍ଡର ୨ ଥର ବାତିଲ ହେବା ପରେ ଗତ ମାସ ୧୯ ତାରିଖରେ ଟେଣ୍ଡର ବିଜ୍ଞପ୍ତି ପ୍ରକାରେ ଆଜି ଟେଣ୍ଡର ବକ୍ସ ଖୋଲିବା ପାଇଁ ନିଷ୍ପତ୍ତି ହୋଇଥିଲା। ୨୯ ତାରିଖ ସୁଦ୍ଧା ୩ ଜଣ ଆବେଦନ ଫର୍ମ କିଣିବା ସହ ଆବେଦନ କରିଥିଲେ। ଶେଷ ତାରିଖରେ ଫର୍ମ କିଣିବାକୁ ଆସିଥିଲେ ମଧ୍ୟ ଫର୍ମ ଦେଇ ନ ଥିବା ଅଭିଯୋଗ ହୋଇଥିଲା । ଅଭିଯୋଗ ଓ କୌଣସି କାରଣରୁ ୩୦ ତାରିଖ ଟେଣ୍ଡର ଖୋଲା ଯିବାକୁ ବାତିଲ କରି ଆଜି ଖୋଲିବା ପାଇଁ ନୋଟିସ ଜାରି ହୋଇଥିଲା।
ଇତି ମଧ୍ୟରେ କାଉନସିଲ ବୈଠକରେ ଟେଣ୍ଡର ବାତିଲ,୨୯ ତାରିଖ ସୁଦ୍ଧା ଆବେଦନ କରିଥିବା ଟେଣ୍ଡର ଧାରି ଏବଂ ଶେଷ ତାରିଖରେ ଫର୍ମ ପାଇନଥିବା ଲୋକଙ୍କ ଗହଳିକୁ ନଜରରେ ରଖି ଆଜି ଏନ୍ଏସି କାର୍ଯ୍ୟାଳୟରେ ପୁଲିସ ମୁତୟନ ହୋଇଛନ୍ତି । ସୋମବାର ଅପରାହ୍ନ ୩ ଟାରେ ଟେଣ୍ଡର ବକ୍ସ ଖୋଲିବ ନା ନାହିଁ ତାହା ଜଣାପଡ଼ିବ।
