ନୂଆଦିଲ୍ଲୀ,୨୫/୧୦:ବିମାନକୁ ବୋମା ଧମକ ପରେ ଏବେ ହୋଟେଲକୁ ଟାର୍ଗେଟ୍ । ଅନ୍ଧ୍ର ପ୍ରଦେଶର ତରୁପତିରେ ଥିବା ଅଧିକାଂଶ ହୋଟେଲକୁ ମିଳିଛି ବୋମା ଧମକ । କିଛି ହୋଟେଲକୁ ଧମକପୂର୍ଣ୍ଣ ଇ-ମେଲ୍ ଆସିଥିବା ଜଣାପଡ଼ିଛି । ତେବେ ଏହି ମେସେଜରେ ଡ୍ରଗ୍ସ ତସ୍କର ସରଗନା ଜାଫାର ସାଦିକ୍ ନାମ ସାମ୍ନାକୁ ଆସିଛି । ଯାହାକୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଏବଂ ପ୍ରବର୍ତ୍ତନ ନିର୍ଦ୍ଦେଶାଳୟ ଗିରଫ କରିଛି। ସେପେଟ ତିରୁପତିର ହୋଟେଲକୁ ବୋମା ଧମକ ଆସିବା ପରେ ସ୍ଥାନୀୟ ଅଞ୍ଚଳରେ କୋକୁଆ ଭୟ ସୃଷ୍ଟି ହୋଇଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ସନ୍ଧାନୀ କୁକୁର ସାହାର୍ଯ୍ୟରେ ଛାନଭିନ କରିଛି। ହେଲେ ହୋଟେଲରୁ  କୌଣସି ପ୍ରକାର ବିସ୍ଫୋରକ ପଦାର୍ଥ ମିଳିନଥିବା ବେଳେ ପୋଲିସ ଅଭିଯୁକ୍ତକୁ ଖୋଜୁଛି। 

ତେବେ ତିରୁପତିରେ ପ୍ରଭୁ ବାଲାଜୀ ବିଶ୍ବନାଥ ମନ୍ଦିର ରହିଛି । ମହାପ୍ରଭୁ ବାଲାଜୀଙ୍କୁ ଦର୍ଶନ କରିବାକୁ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ଏଠାକୁ ଆସିଥାନ୍ତି । ତେଣୁ ତିରୁପତିରେ ହୋଟେଲ ଶିଳ୍ପର ଭଲ ବ୍ୟବସାୟ ହୋଇଥାଏ । ଏହାକୁ ନଜରରେ ରଖି କେହି ମିଛି ବୋମା ବିସ୍ଫୋରଣ ଧମକ ଦେଇଥିଲେ ବୋଲି ପୋଲିସ ଅନୁମାନ କରୁଛି । ସେହପରି ତିରୁପତିର ଲୀଳାମହଲ, କପିଳତୀର୍ଥମ୍ ଏବଂ ଅଲିପିରୀ ନିକଟରେ ଥିବା ତିନୋଟି ଘରୋଇ ହସ୍ପିଟାଲକୁ ଧମକପୂର୍ଣ୍ଣ ଇ-ମେଲ୍ ଆସିଥିଲା । ଏଥିରେ ହୋଟେଲକୁ ବିସ୍ଫୋର କରି ଉଡ଼ାଇ ଦେବାକୁ ଲେଖାଯାଇଛି । ସେହିପରି ଏହି ଇ-ମେଲରେ ଡ୍ରଗ୍ସ ତସ୍କର ସରଗନା ଜାଫାର ସାଦିକ୍ ନାଁ ମଧ୍ୟ ସାମ୍ନାକୁ ଆସିଥିବା କୁହାଯାଉଛି।