ଭୁବନେଶ୍ୱର, ୦୩/୦୪: ଶେଷ ହେଲା ସପ୍ତଦଶ ବିଧାନସଭାର ତୃତୀୟ ଅଧିବେଶନ । ଅନିର୍ଦ୍ଦିଷ୍ଟ କାଳ ପାଇଁ ଗୃହକୁ ମୁଲତବୀ ଘୋଷଣା କଲେ ବାଚସ୍ପତି ସୁରମା ପାଢୀ । ଦୀର୍ଘ ଦଶନ୍ଧିର ରେକଡ୍ ଭାଙ୍ଗିଥିଲା ଏହି ଅଧିବେଶନ । ସାରାରାତି ଚାଲିଥିଲା ଗୃହ କାର୍ଯ୍ୟ । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଣିଥିଲେ ୨୦୨୫-୨୬ ଆର୍ଥିକ ବର୍ଷର ପୂର୍ଣ୍ଣାଙ୍ଗ ବଜେଟ୍ । ରାଜ୍ୟପାଳ ଗୃହକୁ ସମ୍ବୋଧନ କରିଥିଲେ।
ଦୁଇଟି ବିଭାଗର ଆଇନ ପ୍ରଣୟନ ବିଲ୍ ଗୃହରେ ପାରିତ ହୋଇଛି । ବିଶ୍ଵ ବିଦ୍ୟାଳୟ ସଂଶୋଧନ ବିଲ୍ ୨୦୨୪ ଓ ଓଡ଼ିଶା ରାଜ୍ୟ ରାଜପଥ ପ୍ରାଧିକରଣ ୨୦୨୫ ବିଲ୍ ପାରିତ ହୋଇଛି। ବିଧାନସଭାର ତୃତୀୟ ଅଧିବେଶନରେ ୨୫ ଟି କାର୍ଯ୍ୟ ଦିବସ ଅନୁଷ୍ଠିତ ହୋଇଛି । ରୋଚକ ଥିଲା ଏହି ଅଧିବେଶନ। ଗୃହରେ ଜୋରଦାର ପ୍ରତିବାଦ ପାଇଁ ଗୃହରୁ ନିଲମ୍ବନ ହୋଇଥିଲେ ସମସ୍ତ କଂଗ୍ରେସ ବିଧାୟକ।
