ନୂଆଦିଲ୍ଲୀ – ଗୋଧ୍ରା କାଣ୍ଡ ଉପରେ ତିଆରି ଫିଲ୍ମ ‘ଦ ସାବରମତୀ ରିପୋର୍ଟ ’ ଉତ୍ତର ପ୍ରଦେଶରେ ଟ୍ୟାକ୍ସ ଫ୍ରି ହୋଇଛି। ମୁଖ୍ୟମନ୍ତ୍ରୀ ଗୁରୁବାର ଦିନ ମନ୍ତ୍ରିମଣ୍ଡଳର ସହଯୋଗୀଙ୍କ ସହ ଲକ୍ଷ୍ନୌର ପ୍ଲାସିୟୋ ମଲ୍‌ରେ ଫିଲ୍ମ ଦେଖିଛନ୍ତି ଏବଂ ଟ୍ୟାକ୍ସ ଫ୍ରି କରିବାକୁ ଘୋଷଣା କରିଛନ୍ତି। ଏହି ସମୟରେ ଫିଲ୍ମର କଳାକାର ଓ ଏହା ସହ ଜଡ଼ିତ ଲୋକ ମଧ୍ୟ ଉପସ୍ଥିତ ରହିଥିଲେ। ମୁଖ୍ୟମନ୍ତ୍ରୀ ଯୋଗୀ ଏହା ମଧ୍ୟ କହିଛନ୍ତି ଯେ କାହିଁକି ଫିଲ୍ମକୁ ଟ୍ୟାକ୍ସ ଫ୍ରି କରାଯାଇଛି। 

ସିଏମ ଯୋଗୀ କହିଛନ୍ତି କି, ପ୍ରତି ଭାରତୀୟଙ୍କୁ ଏହି ଫିଲ୍ମ ଦେଖିବା ଉଚିତ୍‌ ଏବଂ ଦେଶ ଓ ସମାଜରେ ବିଦ୍ୱେଷ ସୃଷ୍ଟି କରୁଥିବା ଲୋକଙ୍କୁ ଏକ୍ସପୋଜ୍ କରିବା ଉଚିତ୍‌। ଏହି ସତ ପାଖକୁ ଯିବାକୁ ପ୍ରୟାସ କରିବା ଉଚିତ୍‌, ଯେଉଁ ଲୋକ ରାଜନୀତିକ ସ୍ୱାର୍ଥ ପାଇଁ ବିଦ୍ୱେଷ ଓ ହିଂସା ସୃଷ୍ଟି କରୁଛନ୍ତି , ତାଙ୍କୁ ଚିହ୍ନିବା ଉଚିତ୍‌ ଏବଂ ସମସ୍ତଙ୍କ ସାମନାରେ ତାଙ୍କୁ ଏକ୍ସପୋଜ୍‌ କରିବା ଆବଶ୍ୟକ । 

ସିଏମ୍‌ ଯୋଗୀ କହିଛନ୍ତି ଗୋଧ୍ରାର ସତକୁ ଦେଶ ସାମନାକୁ ଆଣିବାର ବିକ୍ରାନ୍ତ ମେସିଙ୍କ ଟିମ୍‌ ନିଜର କଳା ମାଧ୍ୟମରେ ନିଜର ରାଷ୍ଟ୍ରୀୟ କର୍ତ୍ତବ୍ୟର ନିର୍ବାହନ କରି , ପ୍ରଶଂସନୀୟ ପ୍ରୟାସ କରିଛନ୍ତି। ୟୁପି ଓ ଏଠାର ଲୋକଙ୍କ ପକ୍ଷରୁ ତାଙ୍କର ଅଙିନନ୍ଦନ କରୁଛି। ଯେଉଁ ଲୋକ ସର୍ବଦା ସତ୍ୟ ଉପରେ ପରଦା ପକାଇବାକୁ ଚେଷ୍ଟା କରୁଛନ୍ତି , ଦେଶ ଓ ସମାଜ ବିରୋଧରେ ଷଡ଼ଯନ୍ତ୍ର କରନ୍ତି , କିନ୍ତୁ ଫିଲ୍ମ ମାଧ୍ୟମରେ ଦ ସାବରମତୀ ରିପୋର୍ଟ ଏହି ସତକୁ ସାମନାକୁ ଆଣିବାକୁ ପ୍ରୟାସ କରିଛନ୍ତି। 

ଯୋଗୀ କହିଛନ୍ତି , ସମସ୍ତଙ୍କୁ ଜଣା କି , ଦ ସାବରମତୀ ଏକ୍ସପ୍ରେସ୍‌ରେ ଅଯୋଧ୍ୟାରୁ ଗୁଜରାଟ ଫେରୁଥିବା କାରସେବକଙ୍କ ସହ ଗୋଧ୍ରା ଷ୍ଟେସନ ପରେ ଯାହା କିଛି ବି ହୋଇଥିଲା , ଏହି ସତକୁ ମିଛ ସାବ୍ୟସ୍ତ କରିବାକୁ ପ୍ରୟାସ ହେଉଥିଲା। ସେହି ସତ ସାମନାକୁ ଆସିଛି। ଏହି ସତକୁ ବହୁତ ଲୋକ ଆଜି ବି ଅସ୍ୱୀକାର କରନ୍ତି। ତାଙ୍କୁ ଏକ୍ସପୋଜ କରିବାର ଆବଶ୍ୟକତା ରହିଛି। ଏହା ଏକ ସାହସିକତା ପ୍ରୟାସ ଫିଲ୍ମ ମଧ୍ୟମରେ ହୋଇଛି।

କହି ରଖୁଛୁ କି  ‘ଦ ସାବରମତୀ ରିପୋର୍ଟ ’ ଗୁଜରାଟର ଗୋଧ୍ରା ରେଲୱେ ଷ୍ଟସନରେ ସାବରମତୀ ଏକ୍ସପ୍ରେସ ସହ ହୋଇଥିବା ଘଟଣା ସହ ଜଟିତ। ଫିଲ୍ମର ନିର୍ଦ୍ଦେଶନା ରଞ୍ଜନ ଚାଣ୍ଡେଲ  ଦେଇଛନ୍ତି। ଫିଲ୍ମରେ ବିକ୍ରାନ୍ତ ମେସି , ରାଶି ଖାନ୍ନା ଓ ରିଦ୍ଦି ଡୋଗରା ଲିଡ୍‌ ରୋଲରେ ଅଛନ୍ତି। ଏକତା କପୁରଙ୍କର ବାଲା ଜି ଫିଲ୍ମ ଏହାର ପ୍ରଡ୍ୟୁସର ଅଛନ୍ତି । ୧୫ ନଭେମ୍ୱରରେ ରିଲିଜ ହୋଇଥିବା ଏହି ଫିଲ୍ମକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହ ମଧ୍ୟ ପ୍ରଶଂସା କରିଛନ୍ତି।