ନୂଆଦିଲ୍ଲୀ,୨୧।୧୧: ବିବାହର ପ୍ରଲୋଭନ ଦେଖାଇ ଦୁଷ୍କର୍ମ ଅଭିଯୋଗର ସାମନା କରୁଥିବା ଯୁବକଙ୍କୁ ସୁପ୍ରିମକୋର୍ଟରୁ ଆଶ୍ବସ୍ତି। ସୁପ୍ରିମକୋର୍ଟଙ୍କ କହିବା ଅନୁସାରେ, ସହମତିର ସହ ସମ୍ପର୍କ ରଖୁଥିବା କପଲଙ୍କ ମଧ୍ୟରେ କେବଳ ବ୍ରେକଅପ୍ ହୋଇଯିବା ଆଧାରରେ ପୁରୁଷଙ୍କ ବିରୋଧରେ ଅପରାଧିକ ମୋକଦ୍ଦମା ଚାଲିପାରିବନି। ଅଭିଯୋଗକାରୀ ମହିଳା ଅଭିଯୁକ୍ତ ବିରୋଧରେ ୨୦୧୯ ରେ ଦୁଷ୍କର୍ମ ମାମଲା ରୁଜୁ କରିଥିଲେ। ଏହାପରେ ଅଭିଯୁକ୍ତ ସୁପ୍ରିମକୋର୍ଟଙ୍କ ଦ୍ବାରସ୍ତ ହୋଇଥିଲେ।

ମାମଲାର ଶୁଣାଣି ଜଷ୍ଟିସ୍ ବିଭି ନାଗରତ୍ନ ଓ ଜଷ୍ଟିସ୍ ଏନ୍ କାଟେଶ୍ବର ସିଂହଙ୍କ ଖଣ୍ଡପୀଠ କରିଛନ୍ତି।  ବାର ଆଣ୍ଡ ବେଞ୍ଚର ସୂଚନା ଅନୁସାରେ, କୋର୍ଟ କହିଛନ୍ତି  ସହମତି ଆଧାରରେ ଶାରିରୀକ ସମ୍ପର୍କ ରହୁଥିବା କପଲଙ୍କ ମଧ୍ୟରେ କେବଳ ବ୍ରେକଅପ୍‌ର କାରଣରୁ ଅପରାଧିକ କାର୍ଯ୍ୟାନୁଷ୍ଠାନ ହୋଇପାରିବନି। ଯେତେବେଳେ ସମ୍ପର୍କ ବିବାହ ପର୍ଯ୍ୟନ୍ତ ପହଁଞ୍ଚି ପାରେନି, ସେତେବେଳେ ଦୁହିଁଙ୍କ ପ୍ରାରମ୍ଭିକ ପର୍ଯ୍ୟାୟରେ ସହମତି ଆଧାରରେ ସମ୍ପର୍କକୁ ଅପରାଧିକ ରଙ୍ଗ ଦେଇ ହେବନି।’

କୋର୍ଟ ଏହି କଥା ଉପରେ ମଧ୍ୟ ଆଶ୍ଚର୍ଯ୍ୟ ପ୍ରକାଶ କରିଛନ୍ତି ଯେ, ଅଭିଯୁକ୍ତ ଅଭିଯୋଗକାରୀଙ୍କ ଠିକଣା ମଧ୍ୟ ଜାଣିନେଇଥିଲା ଓ ତାଙ୍କ ସହ ବଳପୂର୍ବକ ସହ ଶାରିରୀକ ସମ୍ପର୍କ ରଖିଥିଲା। ଖଣ୍ଡପୀଠ କହିଛନ୍ତି, ଯଦି ଅଭିଯୋଗକାରୀ ନିଜେ ଠିକଣା ଦେଇନଥାନ୍ତେ ତେବେ ଅଭିଯୁକ୍ତ ତାଙ୍କର ଠିକଣା ଜାଣିପାରି ନଥାନ୍ତା। ରିପୋର୍ଟ ଅନୁସାରେ କୋର୍ଟ କହିଛନ୍ତି, ଏହି କଥା ବୁଝିବା କଷ୍ଟକର ଯେ, ଅଭିଯୋଗକାରୀ ନିଜ ସହମତି ବିନା ଆବେଦନକାରୀଙ୍କୁ ଭେଟିବା ଜାରି ରଖିବେ କିମ୍ବା ଦୀର୍ଘ ସମୟ ପର୍ଯ୍ୟନ୍ତ ଶାରିରୀକ ସମ୍ପର୍କ ରଖିବେ।’

ଉଲ୍ଲେଖନୀୟ ଯେ, ୨୦୧୯ ରେ ଏକ ମାମଲା ରୁଜୁ କରାଯାଇଥିଲା। ଅଭିଯୋଗ ଥିଲା ଯେ, ବିବାହର ପ୍ରଲୋଭନ ଦେଖାଇ ତାଙ୍କର ଯୌନ ଉତ୍ପୀଡନ କରାଯାଇଛି। ମହିଳା ଅଭିଯୋଗକାରୀ ଏହା ମଧ୍ୟ କହିଥିଲେ ଯେ, ଅଭିଯୁକ୍ତ ତାଙ୍କ  ସହ ଯୌନ ସମ୍ପର୍କ ରଖିଥିଲା। ଏଭଳି ନକଲେ ସେ ତାଙ୍କ ପରିବାର ଲୋକଙ୍କ କ୍ଷତି କରିବାର ଧମକ ଦେଇଥିଲା। ମହିଳାଙ୍କ ଅଭିଯୋଗ ପରେ ଅଭିଯୁକ୍ତ ବିରୋଧରେ ଆଇପିସିର ଧାରା ଅନୁସାରେ ମାମଲା ରୁଜୁ କରାଯାଇଛି। 

କୋର୍ଟ ଏହା ମଧ୍ୟ କହିଛନ୍ତି ଯେ, ପାର୍ଟି ଭିତରେ ମଧୁର ଓ ସହମତି ଆଧାରରେ ସମ୍ପର୍କରେ ହୋଇଥିଲା। ଯଦି ଅଭିଯୋଗକାରୀ ପକ୍ଷର କଥା ମାନିବା ତେବେ ଏହାର ଫଳାଫଳ  ବାହାର କରିହେବନି ଯେ, ଅଭିଯୋଗକାରୀ କେବଳ ବିବାହ କିମ୍ବା କୌଣସି ପ୍ରତିଶ୍ରୁତି କାରଣରୁ ଯୌନ ସମ୍ପର୍କରେ ସାମିଲ ଥିଲେ। ଏହା ଦେଖି ଯେ, ଦୁହେଁ ଏବେ ବିବାହିତ ଓ ନିଜ ନିଜ ଜୀବନରେ ଖୁସିରେ ଅଛନ୍ତି, ତେଣୁ କୋର୍ଟ ମାମଲାକୁ ରଦ୍ଦ କରିଦେଇଛନ୍ତି।