କଟକ, ୨୪/୦୧ : ରାଜ୍ୟ କଂଗ୍ରେସ ମୁଖିଆ ଘୋଷଣାକୁ ନେଇ ବାରବାଟୀ କଟକ ବିଧାୟିକା ସୋଫିଆ ଫିର୍ଦ୍ଦୋଶଙ୍କ ପ୍ରତିକ୍ରିୟା। ସେ କହିଛନ୍ତି ଯେ, ପିସିସି ସଭାପତି ନାମ ଘୋଷଣାରେ ହେଲାଣି ବିଳମ୍ବ। ଯାହାକୁ ବି ସଭାପତି କରିବାର ଅଛି ଜଲଦି ନାମ ଘୋଷଣା କରାଯାଉ। ନାମକୁ ନେଇ କର୍ମୀଙ୍କ ଠାରୁ ନେତା ଅପେକ୍ଷା କରିଛନ୍ତି। ଯିଏ ବି ପିସିସି ସଭାପତି ହେବେ ତାଙ୍କୁ ମୋର ସମର୍ଥନ ରହିବ। ଖୁବ୍‌ଶୀଘ୍ର ନୂଆ ସଭାପତିଙ୍କ ନାମ ଘୋଷଣା କରାଗଲେ ଦଳ ମଜବୁତ୍ ହେବ। ଏହା ସହ ସରକାରଙ୍କ ଉପରେ ଚାପ ପକାଇ ହେବ ବୋଲି କହିଛନ୍ତି ସୋଫିଆ।

ଏହି ଖବରଟିକୁ ପଢନ୍ତୁ-ବାରବାଟୀ ଷ୍ଟାଡିୟମରେ ସ୍ଥିତି ପରଖିଲେ CP-DCP, ବ୍ୟବସ୍ଥାକୁ ଶୃଙ୍ଖଳିତ କରିବା ଉପରେ ଜୋର୍

ସୂଚନାନୁଯାୟୀ, ୫ ମାସରୁ ଅଧିକ ସମୟ ହେଲାଣି ଖାଲି ପଡିଛି ପିସିସି ପଦ। ଗତ ନିର୍ବାଚନ ପରେ ପରେ ପିସିସି ଭଙ୍ଗ ହୋଇଥିବା ବେଳେ ତାହା ଏପର୍ଯ୍ୟନ୍ତ ପୁନଃଗଠନ ହୋଇପାରିନାହିଁ । ତେବେ ଚଳିତ ମାସରେ ପିସିସି ସଭାପତିଙ୍କ ନାଁ ଘୋଷଣା ହେବ ବୋଲି ଦଳୀୟ ନେତା କହୁଛନ୍ତି। ସେପଟେ ବରିଷ୍ଠ କଂଗ୍ରେସ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀକାନ୍ତ ଜେନା, AICCର ବରିଷ୍ଠ ସଦସ୍ୟ ଭକ୍ତ ଚରଣ ଦାଶ, ଉପକୂଳ ଓଡିଶାର ଟାଣୁଆ ସଂଗଠକ ପୂର୍ବତନ ବିଧାୟକ ମହମ୍ମଦ ମୋକିମଙ୍କ ନାଁ ପିସିସି ସଭାପତି ପଦ ପାଇଁ ରେସରେ ରହିଛି । ନଭେମ୍ବରରେ AICC ପକ୍ଷରୁ ଦୁଇ ଜଣ ବରିଷ୍ଠ ନେତାଙ୍କୁ ଓଡ଼ିଶା ପଠାଇଥିଲା। ସେମାନେ ଭୁବନେଶ୍ୱର ଆସି ପରବର୍ତ୍ତୀ ମୁଖିଆଙ୍କୁ ନେଇ ଦିନତମାମ ମାନସ ମନ୍ଥନ କରି ଚୂଡାନ୍ତ ରିପୋର୍ଟ AICCକୁ ଦେଇସାରିଛନ୍ତି। ଏବେ AICC ଘୋଷଣାକୁ ଅପେକ୍ଷା ରହିଛି।