ନୂଆଦିଲ୍ଲୀ: ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶପଥ ଗ୍ରହଣ ଉତ୍ସବରେ ଖଲିସ୍ତାନୀ ଆତଙ୍କବାଦୀ ଗୁରୁପତୱନ୍ତ ସିଂହ ପନ୍ନୁଙ୍କୁ ଦେଖିବାକୁ ମିଳିଛି । ଏହି ଘଟଣାରେ ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ ଆଜି (ଶୁକ୍ରବାର) ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଭାରତ ବିରୋଧୀ ପ୍ରସଙ୍ଗ ଗୁଡିକୁ ଆମେରିକା ସମ୍ମୁଖରେ ଉଠାଯାଉଛି।
ଶପଥ ଗ୍ରହଣ ଉତ୍ସବରେ ଖଲିସ୍ତାନୀ ଆତଙ୍କବାଦୀ ଗୁରୁପତୱନ୍ତ ସିଂହ ପନ୍ନୁଙ୍କ ଦେଖାଯିବାର ଭିଡିଓ ସମ୍ପର୍କରେ ଏକ ପ୍ରଶ୍ନର ଉତ୍ତରରେ ସେ କହିଛନ୍ତି ଯେ, "ଆମେ ଆମେରିକା ସହିତ ସମସ୍ତ ଭାରତ ବିରୋଧୀ ତତ୍ତ୍ୱ ଗୁଡ଼ିକର ପ୍ରସଙ୍ଗ ଉଠାଇବା ଜାରି ରଖିଛୁ।" ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶପଥ ଗ୍ରହଣ ଉତ୍ସବର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି, ଯେଉଁଥିରେ ଗୁରପତୱନ୍ତ ସିଂହ ପନ୍ନୁ ଖଲିସ୍ତାନ ସମର୍ଥନରେ ସ୍ଲୋଗାନ ଦେଉଥିବାର ଦେଖିବାକୁ ମିଳୁଛି।
ସେ କହିଛନ୍ତି କି,"ଆମେ ଅବୈଧ ପ୍ରବାସନ ବିରୋଧରେ ଅଛୁ। ଯଦି କୌଣସି ଭାରତୀୟ ନାଗରିକ କେବଳ ଆମେରିକା ନୁହେଁ, ବିଶ୍ୱର ଯେକୌଣସି ଦେଶରୁ ବେଆଇନ୍ କାଗଜପତ୍ର ବିଦେଶ ଯାଇଛନ୍ତି ଏବଂ ଯଦି ସେ ଜଣେ ଭାରତୀୟ, ତେବେ ଆମେ ତାଙ୍କୁ ଫେରାଇ ନେବାକୁ ସର୍ବଦା ପ୍ରସ୍ତୁତ।" ସେ ଏହା ମଧ୍ୟ କହିଛନ୍ତି, "ଆମେ ଅବୈଧ ପ୍ରବାସନ ବିରୋଧରେ କାରଣ ଏହା ସଂଗଠିତ ଅପରାଧ ସହିତ ଜଡିତ । ଭାରତ ଏବଂ ଆମେରିକା ମଧ୍ୟରେ ଏକ ବହୁତ ଭଲ ବିଶ୍ୱାସ ଭାବନା ରହିଛି। ଉଭୟ ପକ୍ଷ ଏହି ସମ୍ପର୍କକୁ ଆହୁରି ମଜବୁତ କରିବାକୁ ଚାହୁଁଛନ୍ତି।"
