ନୂଆଦିଲ୍ଲୀ,୨୪।୧: ଆମେରିକା ରାଷ୍ଟ୍ରପତି ଡୋନାଲ୍ଡୋ ଟ୍ରମ୍ପ ନିକଟରେ ଶପଥ ନେଇଛନ୍ତି। ହେଲେ ତାଙ୍କ ଶପଥପାଠ ଉତ୍ସବରେ ଖଲିସ୍ତାନୀ ଆତଙ୍କବାଦୀ ପନ୍ନୁର ଉପସ୍ଥିତିକୁ ନେଇ ଆରମ୍ଭ ହୋଇଛି ବିବାଦ। ଏହାକୁ ନେଇ କଡା ବିରୋଧ କରିଛି ଭାରତ। ବୈଦେଶିକ ମନ୍ତ୍ରଣାଳୟ ମୁଖପାତ୍ର ରଣଧିର ଜସଓ୍ବାଲ କହିଛନ୍ତି, ଭାରତ ଏହି ପ୍ରସଙ୍ଗକୁ ଆମେରିକା ଆଗରେ ଉଠାଇ। ସେ ଶୁକ୍ରବାର କହିଛନ୍ତି, ଭାରତ ଦେଶର ରାଷ୍ଟ୍ରୀୟ ସୁରକ୍ଷା ପ୍ରସଙ୍ଗିତ ମାମଲାକୁ ଆମେରିକା ନିକଟରେ ଉଠାଇଥାଏ। ତାଙ୍କର ଏହି ପ୍ରତିକ୍ରିୟା ଖଲିସ୍ତାନୀ ଆତଙ୍କବାଦୀ ଗୁରପତଓ୍ବନ୍ତ ସିଂହ ପନ୍ନୁଙ୍କ ଡୋନାଲ୍ଡୋ ଟ୍ରମ୍ପଙ୍କ ଶପଥ ଗ୍ରହଣ ସମାରୋହରେ କଥିତ ଭାବରେ ଦେଖାଯିବା ପରେ ଆସିଛି।
ଜସଓ୍ବାଲ ସପ୍ତାହିକ ପ୍ରେସ୍ ବାର୍ତ୍ତାରେ କହିଛନ୍ତି, ଯେତେବେଳେ କୌଣସି ଭାରତ ବିରୋଧି ଗତିବିଧି ଦେଖିବାକୁ ମିଳେ ତେବେ ଆମେ ଆମେରିକା ସରକାରଙ୍କ ନିକଟରେ ଏହି ମାମଲାକୁ ଉଠାଇବୁ। ଆମେ ଆମେରିକା ସରକାରଙ୍କ ନିକଟରେ ଏଭଳି ମାମଲା ଉଠାଉଛୁ, ଯାହାକି ଆମର ରାଷ୍ଟ୍ରୀୟ ସୁରକ୍ଷା ଉପରେ ପ୍ରଭାବ ପକାଇଥାଏ। ଏହା ମଧ୍ୟ ଭାରତ ବିରୋଧି ଏଜେଣ୍ଡା।’
ଉଲ୍ଲେଖନୀୟ ଯେ, ୨୦ ଜାନୁଆରୀରେ ଟ୍ରମ୍ପ ଶପଥ ଗ୍ରହଣ ସମାରୋହରେ ଖଲିସ୍ତାନୀ ଆତଙ୍କୀ ପନ୍ନୁ, ଯାହା ପାଖରେ କାନାଡାର ନାଗରିକତା ରହିଛି ତାଙ୍କୁ ଦେଖିବାକୁ ମିଳିଥିଲା। କିଛି ମିଡିଆ ରିପୋର୍ଟ ଅନୁସାରେ, ଖଲିସ୍ତାନୀ ଆତଙ୍କବାଦୀଙ୍କୁ ଏହି କାର୍ଯ୍ୟକ୍ରମରେ ନିମନ୍ତ୍ରଣ କରାଯାଇନଥିଲା। ସେମାନେ ଅନ୍ୟ କାହା ମାଧ୍ୟରେ ଟିକେଟ କିଣିଥିଲେ। ଶପଥ ପାଠ ସମୟରେ ଲୋକ ୟୁଏସ୍ଏ ୟୁଏସ୍ଏ.. ନାରାବାଜି କରୁଥିବା ବେଳେ ପନ୍ନୁ ଖଲିସ୍ତାନର ସମର୍ଥନରେ ସ୍ଲୋଗାନ ଦେଉଥିଲା। ଏହାର ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
