ନୂଆଦିଲ୍ଲୀ, ୨୪।୧: ଟ୍ରମ୍ଫଙ୍କୁ ବଡ଼ ଝଟକା । ଜନ୍ମଗତ ନାଗରିକତା ଅଧିକାର ଉଚ୍ଛେଦ ଆଦେଶ ଉପରେ ରୋକ୍ ଲଗାଇଲେ କୋର୍ଟ । ଏହାକୁ ଅସାମ୍ବିଧାନିକ ବୋଲି ଘୋଷଣା କଲେ ସିଆଟେଲର ଏକ ସଂଘୀୟ କୋର୍ଟ । ଜୀବନ କାଳ ଭିତରେ ଏଭଳି ରାୟ ଶୁଣିନାହିଁ । ଟ୍ରମ୍ଫଙ୍କର ଏହି ଆଦେଶ ସମ୍ବିଧାନର ସମ୍ପୂର୍ଣ୍ଣ ଉଲଂଘନ ବୋଲି କହିଲେ ବିଚାରପତି ଜନ୍ କଫେନାୱର ।
ଆମେରିକାରେ ଜନ୍ମଗତ ନାଗରିକତା ଅଧିକାରକୁ ଉଚ୍ଛେଦ କରିବାକୁ ଆଦେଶ ଜାରି କରିଥିଲେ ଟ୍ରମ୍ପ । ଶପଥ ଗ୍ରହଣ କରିବାର ମାତ୍ର କିଛି ଦିନ ପରେ ଭାଙ୍ଗିଗଲା ଟ୍ରମ୍ପଙ୍କ ସ୍ୱପ୍ନ । ଟ୍ରମ୍ଫଙ୍କ ଏହି ଆଦେଶ ଉପରେ ରୋକ୍ ଲଗାଇଛନ୍ତି କୋର୍ଟ । ଏହାକୁ ଅସାମ୍ବିଧାନିକ ବୋଲି ଘୋଷଣା କରିଛନ୍ତି ସିଆଟେଲର ଏକ ସଂଘୀୟ କୋର୍ଟ । କହିରଖୁ କି, ଟ୍ରମ୍ପ ପୂର୍ବରୁ ଜାରି କରିଥିବା ଆଇନକୁ ନେଇ ଆମେରିକାର ଏକାଧିକ ହସ୍ପିଟାଲରେ ଲୋକଙ୍କ ଗହଳି ଦେଖିବାକୁ ମିଳିଥିଲା । ଟ୍ରମ୍ପଙ୍କ ବିରୋଧରେ ଆଗତ ପିଟିସନ ଉପରେ ଆମେରିକାର ଜିଲ୍ଲା ଜଜ୍ଙ୍କ କୋର୍ଟରେ ଶୁଣାଣି କରି ଏହି ଆଦେଶ ଉପରେ ରୋକ୍ ଲଗାଇଛନ୍ତି ।
ବିଚାରପତି ଜନ୍ କଫେନାୱରଙ୍କ କହିଛନ୍ତି, ଜୀବନ କାଳ ଭିତରେ ସେ ଏଭଳି ରାୟ ଶୁଣିନାହାନ୍ତି । ଏଭଳି ଆଦେଶ ବା ରାୟକୁ ସେ କେବେ ବି ସାମ୍ନା କରିନାହାନ୍ତି । ଗତ ଜାନୁଆରୀ ୨୦ ତାରିଖରେ ଟ୍ରମ୍ପ ଦାୟିତ୍ୱ ଗ୍ରହଣ କରିବା ପରେ ଏକାଧିକ ଆଦେଶନାମା ଜାରି କରିଥିଲେ । ପୂର୍ବରୁ ବିଦେଶୀ ନାଗରିକଙ୍କ ପିଲା ଆମେରିକାରେ ଜନ୍ମ ହେଲେ ଆମେରିକାର ନାଗରିକତା ପାଇବାର ଅଧିକାର ରହିଥିଲା । କିନ୍ତୁ, ଟ୍ରମ୍ପ ଶପଥ ଗ୍ରହଣ କରିବା ପରେ ନାଗରିକତା ଆଇନ ଉଚ୍ଛେଦ ନେଇ ଘୋଷଣା କରିଛନ୍ତି । ତେବେ ଟ୍ରମ୍ଫଙ୍କ ଆଦେଶ ଉପରେ କୋର୍ଟଙ୍କ ଏଭଳି ନିଷ୍ପତ୍ତିରେ ତାଙ୍କୁ ବଡ଼ ଝଟକା ଲାଗିଛି ।
