ନୂଆଦିଲ୍ଲୀ, ୬।୮: ଅଗଷ୍ଟ ୨୦୨୫ରେ ତାରକା, ଗ୍ରହ ଏବଂ ଉଲକାପିଣ୍ଡର ଆଶ୍ଚର୍ଯ୍ୟଜନକ ଦୃଶ୍ୟ ଦେଖିବାକୁ ମିଳିବ । ମହାକାଶ ଗବେଷଣା ସଂସ୍ଥା ନାସା ଅନୁଯାୟୀ, ଏହି ମାସରେ ଭାରତ ସମେତ ବିଶ୍ୱର ଅନେକ ସ୍ଥାନରେ ଆକାଶରେ ଆଶ୍ଚର୍ଯ୍ୟଜନକ ଦୃଶ୍ୟ ଦେଖିବାକୁ ମିଳିବ । ପର୍ସିଡ୍ସ ଉଲକାପିଣ୍ଡର ବର୍ଷା ହୋଇପାରେ କିମ୍ୱା ଶୁକ୍ର ଏବଂ ବୃହସ୍ପତି, ଚନ୍ଦ୍ରର ନିକଟତର କିମ୍ବା ଅଗଷ୍ଟ ୨୬ ସନ୍ଧ୍ୟାରେ ମଙ୍ଗଳ ପାଖରେ ଏକ ସୂକ୍ଷ୍ମ ଅର୍ଦ୍ଧଚନ୍ଦ୍ର ଝୁଲି ରହିବା ଅବସ୍ଥାରେ ଦେଖିବାକୁ ମିଳିପାରେ ।
ଅଗଷ୍ଟ ମାସର ସବୁଠାରୁ ପ୍ରତୀକ୍ଷିତ ଖଗୋଳୀୟ ଘଟଣା ପର୍ସିଡ୍ସ ଉଲକାବର୍ଷା ଘଟିବ । ଯାହା ଏବେଠାରୁ ଅଗଷ୍ଟ ୨୪ ପର୍ଯ୍ୟନ୍ତ ଆକାଶରେ ଝଲସିବ । ପର୍ସିଡ୍ସକୁ 'ଉଲକାରାଣୀ' ବୋଲି କୁହାଯାଏ । ଯଦିଓ ଚଳିତ ବର୍ଷ ଅଗଷ୍ଟ ୧୨, ୧୩ ତାରିଖ ରାତିରେ ୮୪ ପ୍ରତିଶତ ପୂର୍ଣ୍ଣିମା ଆଲୋକ ହେତୁ ଏହା ଟିକେ କମ୍ ଦୃଶ୍ୟମାନ ହେବ, କିନ୍ତୁ ସୂର୍ଯ୍ୟୋଦୟ ପୂର୍ବରୁ କିଛି ଉଜ୍ଜ୍ୱଳ ଉଲକା ସ୍ପଷ୍ଟ ଭାବରେ ଦେଖାଯାଇପାରିବ । ଭାରତରେ, ଏହି ଉଲକାବର୍ଷାର ସର୍ବୋତ୍ତମ ଦୃଶ୍ୟ ଅଗଷ୍ଟ ୧୩ ମଧ୍ୟରାତ୍ରି ପରେ ସେହିଠାରେ ଦେଖାଦେବ ଯେଉଁଠାରେ କୃତ୍ରିମ ଆଲୋକ କମ୍ ରହିଛି । ଯେପରିକି ଲଦାଖ, ସ୍ପିତି, କଚ୍ଛର ରଣ ଏବଂ କର୍ଣ୍ଣାଟକ କିମ୍ବା ଉତ୍ତରାଖଣ୍ଡର ପାହାଡ଼ିଆ ଅଞ୍ଚଳ ଦୃଶ୍ୟମାନ ହେବ ।
ପ୍ରତି ୨୦-୨୫ ବର୍ଷରେ ଥରେ ଘଟେ ଏହି ଅଦ୍ଭୁତ ସଂଯୋଗ:
ମହାକାଶରେ ପର୍ସିଡ୍ ଉଲକାପିଣ୍ଡର ବର୍ଷା, ଗ୍ରହମାନଙ୍କର ସଂଯୋଗ ଏବଂ ଚନ୍ଦ୍ର ସହିତ ଗ୍ରହଗୁଡ଼ିକର ନିକଟତର ସ୍ଥିତି ପ୍ରତିବର୍ଷ ଘଟିଥାଏ । କିନ୍ତୁ, ଏହି ସମୟରେ ଯେତେବେଳେ ପର୍ସିଡ୍ସର ଶିଖର, ଶୁକ୍ର-ବୃହସ୍ପତିର ସଂଯୋଗ, ସେମାନଙ୍କ ସହିତ ଚନ୍ଦ୍ରର ଆଗମନ ଏବଂ ମଙ୍ଗଳ ସହିତ ଚନ୍ଦ୍ରଗ୍ରହର ମିଳନ ଏକାଠି ଦେଖାଯାଏ । ଏପରି ଏକ ଜ୍ୟୋତିର୍ବିଜ୍ଞାନ ସଂଯୋଗ ହାରାହାରି ୨୦ରୁ ୨୫ ବର୍ଷରେ କେବଳ ଗୋଟିଏ ଥର ଘଟିଥାଏ । ଏହାର ମୁଖ୍ୟ କାରଣ ହେଉଛି ଗ୍ରହଗୁଡ଼ିକର କକ୍ଷପଥ, ପୃଥିବୀର ସ୍ଥିତି, ଚନ୍ଦ୍ରଚକ୍ର ଏବଂ ଉଲ୍କାପିଣ୍ଡର ବର୍ଷାର ସମୟର ଏପରି ସମନ୍ୱୟ ବହୁତ କମ୍ ଦେଖାଦିଏ ।
୧୧-୧୨ ଅଗଷ୍ଟରେ ପରସ୍ପରର ନିକଟତମ ହେବେ ଶୁକ୍ର-ବୃହସ୍ପତି:
୧୧-୧୨ ଅଗଷ୍ଟରେ ଶୁକ୍ର ଏବଂ ବୃହସ୍ପତି ପରସ୍ପରର ନିକଟତମ ହେବେ, କେବଳ ୧ ଡିଗ୍ରୀ ଦୂରତାରେ । ସୂର୍ଯ୍ୟୋଦୟ ପୂର୍ବରୁ ପୂର୍ବ ଦିଗରେ ଏହି ଦୃଶ୍ୟ ଦେଖାଦେବ । ୧୯-୨୦ ଅଗଷ୍ଟରେ ଶୁକ୍ର ଏବଂ ବୃହସ୍ପତି ମଧ୍ୟରେ ଏକ ପତଳା ଅର୍ଦ୍ଧଚନ୍ଦ୍ର ଆସିବ, ଯାହା ଏକ 'ତ୍ରିଗ୍ରହ ସଂଯୋଗ' ସୃଷ୍ଟି କରିବ ।
୨୬ ଅଗଷ୍ଟରେ ଚନ୍ଦ୍ର ଏବଂ ମଙ୍ଗଳଙ୍କ ମିଳନ:
୨୬ ଅଗଷ୍ଟରେ ସୂର୍ଯ୍ୟାସ୍ତ ପରେ, ପଶ୍ଚିମ ଦିଗରେ ଆକାଶରେ ଏକ ଅର୍ଦ୍ଧଚନ୍ଦ୍ର ଦେଖାଯିବ । ଏହାର ଠିକ୍ ପାଖରେ ମଙ୍ଗଳ ଗ୍ରହର ଏକ ଛୋଟ ଉଜ୍ଜ୍ୱଳ ଲାଲ ବିନ୍ଦୁ ରହିବ । ଏହି ଦୃଶ୍ୟ ରାତି ୮ଟା ୧୫ରୁ ପ୍ରାୟ ୧ ଘଣ୍ଟା ପାଇଁ ଦୃଶ୍ୟମାନ ହେବ । ଏହି ଦୃଶ୍ୟ ଜ୍ୟୋତିର୍ବିଜ୍ଞାନ ଗୁରୁତ୍ୱ ଦୃଷ୍ଟିରୁ ମଧ୍ୟ ବହୁତ ସ୍ୱତନ୍ତ୍ର, କାରଣ ଏହା ଭବିଷ୍ୟତର ମହାଜାଗତିକ ଚକ୍ରର ଏକ ଝଲକ ପ୍ରଦାନ କରେ ।
