ନୂଆଦିଲ୍ଲୀ: ଭାରତୀୟ ସେନା ପାକିସ୍ତାନ ଉପରେ ଏକ ବୃହତ୍ ପ୍ରତିଆକ୍ରମଣ ଆରମ୍ଭ କରିଛି। ଏହି ଅଭିଯାନରେ ରୁଷୀ ଏବଂ ଇସ୍ରାଏଲୀ ଅସ୍ତ୍ରଶସ୍ତ୍ର ବ୍ୟବହାର କରାଯାଇଥିବା ଜଣାପଡ଼ିଛି। ପହଲଗାମ ଆତଙ୍କବାଦୀ ଆକ୍ରମଣର ଜବାବରେ ଭାରତ ଏହି ଅଭିଯାନ ‘ଅପରେସନ ସିନ୍ଦୁର’ ନାମରେ ଆରମ୍ଭ କରିଛି। ଗୁରୁବାର ପାକିସ୍ତାନ ଭାରତ ଉପରେ ଆକ୍ରମଣ ଆରମ୍ଭ କରିବା ପରେ ଭାରତ ଋଷ ଓ ଇସ୍ରାଏଲ ଅସ୍ତ୍ରଶସ୍ତ୍ର ବ୍ୟବହାର କରି ସଫଳତା ହାସଲ କରିଛି। 

ସୂଚନା ଅନୁଯାୟୀ, ଭାରତୀୟ ସେନା ରୁଷରୁ ପ୍ରାପ୍ତ ଏସ-୪୦୦ ଆକାଶ ପ୍ରତିରକ୍ଷା ମିସାଇଲ ସିଷ୍ଟମକୁ ବ୍ୟବହାର କରି ପାକିସ୍ତାନର ମିସାଇଲ ଆକ୍ରମଣକୁ ରୋକିଛି। ଏହି ସିଷ୍ଟମ ସମସ୍ତ ପ୍ରକାର ଆକାଶ ଆକ୍ରମଣକୁ ଚିହ୍ନଟ ଏବଂ ନଷ୍ଟ କରିବାରେ ସକ୍ଷମ। ଏହା ସହିତ, ଇସ୍ରାଏଲରୁ ପ୍ରାପ୍ତ ହାରୋପ ଡ୍ରୋନଗୁଡ଼ିକୁ ଲାହୋର, କରାଚୀ ଏବଂ ଅନ୍ୟାନ୍ୟ ପାକିସ୍ତାନୀ ସହରରେ ଆକ୍ରମଣ ପାଇଁ ବ୍ୟବହାର କରାଯାଇଥିବା ପାକିସ୍ତାନ ସେନା ଦାବି କରିଛି।

ମଇ ୭ ତାରିଖରେ ମଧ୍ୟରାତ୍ରରେ ଆରମ୍ଭ ହୋଇଥିବା ଏହି ଅଭିଯାନରେ ଭାରତୀୟ ସେନା ଏବଂ ବାୟୁସେନା ମିଳିତ ଭାବେ ପାକିସ୍ତାନର ନଅଟି ଆତଙ୍କବାଦୀ ଶିବିର ଉପରେ ସଠିକ ମିସାଇଲ ଆକ୍ରମଣ କରିଛନ୍ତି। ଏହି ଶିବିରଗୁଡ଼ିକ ମଧ୍ୟରେ ଜୈଶ-ଏ-ମହମ୍ମଦର ବାହାୱଲପୁର ମୁଖ୍ୟାଳୟ ଏବଂ ଲସ୍କର-ଏ-ତୈବାର ମୁରିଦ୍କେ ଆଧାର ଅନ୍ତର୍ଭୁକ୍ତ। ଏହି ଆକ୍ରମଣ ପହଲଗାମରେ ୨୬ ଜଣ ନାଗରିକଙ୍କ ମୃତ୍ୟୁ ଘଟାଇଥିବା ଆତଙ୍କବାଦୀ ହମଲାର ପ୍ରତିଶୋଧ ଭାବେ କରାଯାଇଥିଲା।

ପାକିସ୍ତାନ ସେନା ଦାବି କରିଛି ଯେ ଭାରତୀୟ ଡ୍ରୋନଗୁଡ଼ିକ ଲାହୋର ଏବଂ କରାଚୀରେ ଆକ୍ରମଣ କରିଥିଲେ। ଯାହା ଫଳରେ କରାଚୀ ଏବଂ ଇସଲାମାବାଦରେ ବିମାନବନ୍ଦର ବନ୍ଦ କରାଯାଇଥିଲା। ତେବେ, ସୋସିଆଲ ମିଡିଆରେ ଭାଇରାଲ ହେଉଥିବା କିଛି ଛବି ଏବଂ ଭିଡିଓରେ ପାକିସ୍ତାନର ଲାହୋରରେ ଥିବା ଚାଇନା ନିର୍ମିତ HQ-9 ଏୟାର ଡିପେନ୍ସ ସିଷ୍ଟମକୁ ନଷ୍ଟ କରିଦେଇଥିବା ଜଣା ପଡିଛି। ଏହା ବାଦେ ଭାରତରେ ନିୟୋଜିତ ଥିବା ଋଷିଆର ଏୟାର ଡିଫେନ୍ସ ସିଷ୍ଟମ S-400 ଆମେରିକା ନିର୍ମିତ ଦୁଇ F-16 ଫାଇଟର ଜେଟ ଓ ଚାଇନା ନିର୍ମିତ J-17 ଫାଇଟର ଜେଟକୁ ମାରି ଖସାଇ ଦେଇଛି। 

ଏହି ଅସ୍ତ୍ରଶସ୍ତ୍ର ଗୁଡିକୁ ଭାରତୀୟ ତୃତୀୟ ପକ୍ଷ ଦେଶ ଭାବେ ବ୍ୟବହାର କରୁଛି। ତେବେ ଏହି ଋଷିୟ ଓ ଇସ୍ରାଏଲି ଦେଶ ନିର୍ମିତ ଅସ୍ତ୍ରଶସ୍ତ୍ର ଗୁଡିକର ସଫଳତା କେବେ ଏକପାକ୍ଷିଆ ମତ୍ତ ନୁହେଁ ବୋଲି ସାଧାରଣରେ ଚର୍ଚ୍ଚା ଜୋର ଧରିଛି। ତେବେ ଆମେରିକାର ପଞ୍ଚମ ପିଢିର ଧୁଦର୍ଷ ଫାଇଟର ଜେଟ କିପରି ଏହି ଅସ୍ତ୍ରଶସ୍ତ୍ରର ସାମ୍ନା କରିପାରିଲା ନାହିଁ ତାହା ସମସ୍ତଙ୍କ ମନରେ ପ୍ରଶ୍ନବାଚି ସୃଷ୍ଟି କରିଛି। ସବୁଠୁ ବଡ କଥା ହେଉଛି ଆରମ୍ଭରୁ ଚାଇନା ନିର୍ମିତ ଅସ୍ତ୍ରଶସ୍ତ୍ର ଗୁଡିକ ଉପରେ ଥିବା ସନ୍ଦେହକୁ ଏହି ଆକ୍ରମଣ ଦୁର କରି ଦେଇଛି। ଚାଇନା ନିର୍ମିତ ଅସ୍ତ୍ରଶସ୍ତ୍ର ଗୁଡିକ କେତେ ବିଶ୍ୱସ୍ତରିୟ ତାହା ଏହି ଆକ୍ରମଣ ପରେ ସାମ୍ନାକୁ ଆସିଛି। 

ଇସ୍ରାଏଲର ରାଷ୍ଟ୍ରଦୂତ ରେଉଭେନ ଆଜାର ଭାରତର ଆତ୍ମରକ୍ଷା ଅଧିକାରକୁ ଦୃଢ଼ ସମର୍ଥନ କରିଛନ୍ତି। ସେ ଏକ୍ସରେ ପୋଷ୍ଟ କରି କହିଛନ୍ତି, “ଆତଙ୍କବାଦୀମାନେ ଜାଣିବା ଉଚିତ ଯେ ନିରୀହଙ୍କ ବିରୋଧରେ କରାଯାଇଥିବା ଅପରାଧରୁ ସେମାନେ ରକ୍ଷା ପାଇବେ ନାହିଁ।” ରୁଷ ମଧ୍ୟ ଆତଙ୍କବାଦର ନିନ୍ଦା କରିଛି ଏବଂ ଭାରତ ଓ ପାକିସ୍ତାନ ମଧ୍ୟରେ ରାଜନୈତିକ ଏବଂ କୂଟନୈତିକ ସମାଧାନର ଆହ୍ୱାନ ଦେଇଛି।

ଏହି ଅଭିଯାନ ଭାରତର ରୁଷ ଏବଂ ଇସ୍ରାଏଲ ସହିତ ଦୀର୍ଘଦିନୀଆ ପ୍ରତିରକ୍ଷା ସହଯୋଗକୁ ପ୍ରଦର୍ଶନ କରୁଛି। ଭାରତର ଅଧିକାଂଶ ସାମରିକ ଉପକରଣ ରୁଷୀୟ ନିର୍ମିତ। ଯେପରିକି S-400 ଏବଂ ବ୍ରହ୍ମୋସ ମିସାଇଲ। ସେହିପରି ଇସ୍ରାଏଲୀ ଡ୍ରୋନ ଏବଂ ଅନ୍ୟାନ୍ୟ ଭାରତୀୟ ନିର୍ମିତ ଅସ୍ତ୍ରଶସ୍ତ୍ର ଭାରତୀୟ ସେନାର ଆଧୁନିକୀକରଣରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି।

ଏହି ଘଟଣା ଦୁଇ ଦେଶ ମଧ୍ୟରେ ଉତ୍ତେଜନାକୁ ଆହୁରି ବଢ଼ାଇଛି। ପାକିସ୍ତାନ ସେନା ନିଜର ପ୍ରତିରକ୍ଷା ପାଇଁ ଚୀନୀ ହାଉଇଜର ଏବଂ ଅନ୍ୟାନ୍ୟ ଅସ୍ତ୍ରଶସ୍ତ୍ର ମୁତୟନ କରିଛି। ଆନ୍ତର୍ଜାତୀୟ ସମୁଦାୟ ଏହି ପରିସ୍ଥିତି ଉପରେ ନଜର ରଖିଛି ଏବଂ ଉଭୟ ଦେଶକୁ ସଂଯମ ଅବଲମ୍ବନ କରିବାକୁ ଆହ୍ୱାନ ଦେଇଛି।