ମୁମ୍ବାଇ,୧୩/୦୧: ପ୍ରଥମେ ଅଧିନାୟକ ପଦ ଛାଡିବା ନେଇ ଚର୍ଚ୍ଚା ହେଲା । ଖୁବ୍ ଆଲୋଚନା ବି ହେଲା । ମାତ୍ର ଏ କଥାକୁ ଟାଳି ଥିଲେ । ସାକ୍ଷାତକାରରେ ଟିମ୍ ଛାଡି କେଉଁଆଡେ ଯାଉ ନାହିଁ ବୋଲି କହିଥିଲେ । ଦଳର ଆବଶ୍ୟକତା ପାଇଁ କେବଳ ଗୋଟିଏ ମ୍ୟାଚ ଖେଳୁନାହିଁ ବୋଲି କହିଥିଲେ . ହେଲେ ଏବେ ପୁଣି ୟୁ-ଟର୍ଣ୍ଣ ନେଇଛନ୍ତି ଭାରତୀୟ ଦଳର ଅଧିନାୟକ ରୋହିତ ଶର୍ମା । ଆଉ କିଛି ମାସ ଅଧିନାୟକ ରହିବାକୁ ଇଚ୍ଛା ପ୍ରକାଶ କରିଥିବା କହିବା ସହ ନୂଆ ଅଧିନାୟକ ଖୋଜି ନିଅ ବୋଲି ରୋହିତ କହିଥିବା ରିପୋର୍ଟରୁ ଜଣାପଡିଛି । ଏହାକୁ ନେଇ ଏବେ ପୁଣି ଚର୍ଚ୍ଚା ହେଉଛି ।

ବର୍ଡର-ଗାଭାସ୍କର ଟ୍ରଫି ସିରିଜରେ ଅଷ୍ଟ୍ରେଲିଆ ବିପକ୍ଷରେ ଭାରତର ଦୁର୍ବଳ ପ୍ରଦର୍ଶନକୁ ବିସିସିଆଇ ପକ୍ଷରୁ ସମୀକ୍ଷା କରାଯାଇଛି । ବୈଠକରେ ମୁଖ୍ୟ ଚୟନକର୍ତ୍ତା ଅଜିତ ଅଗରକରଙ୍କ ସହ ବିସିସିଆଇର ବହୁ ବରିଷ୍ଠ ଅଧିକାରୀ ଉପସ୍ଥିତ ଥିଲେ । ଏହି ଅବସରରେ ଭାରତୀୟ ଅଧିନାୟକ ରୋହିତ ଶର୍ମା ମଧ୍ୟ ଟିମର ଭୁଲ, ଦୁର୍ବଳତା ଓ ଆବଶ୍ୟକତା ସହ ବ୍ୟକ୍ତିଗତ ଲକ୍ଷ୍ୟ ନେଇ ଖୋଲାଖୋଲି ଆଲୋଚନା କରିଥିଲେ । ଏହି ବୈଠକରେ ସେ କହିଥିବା କଥାକୁ ନେଇ ଏବେ ଚର୍ଚ୍ଚା ହେଉଛି । ଆଉ କିଛି ମାସ ଦଳର ଅଧିନାୟକ ରହିବାକୁ ଇଚ୍ଛା ପ୍ରକାଶ  କରିଥିବା ରୋହିତ କହିଥିବା ରିପୋର୍ଟରୁ ଜଣାପଡିଛି । ଖାଲି ସେତିକି ନୁହେଁ ନୁଆ ଅଧିନାୟକ ଖୋଜି ନିଅ ବୋଲି କହିଛନ୍ତି । ତେବେ ଯଦି ସତରେ ଆଉ କିଛି ଦିନ ରୋହିତ ଅଧିନାୟକତ୍ବ କରନ୍ତି ତେବେ ତାଙ୍କ ସ୍ଥାନ କିଏ ସମ୍ଭାଳିବ । ଏହାରି ଭିତରେ ଦ୍ରୁତ ବୋଲର ଯଶପ୍ରୀତ ବୁମରାଙ୍କ ନାମ ଆଗରେ ରହିଛି । ଆଗାମୀ ଦିନରେ ବଡ ନିଷ୍ପତ୍ତି ନେଇପାରେ ବିସିସିଆଇ ।

ଏହା ବି ପଢନ୍ତୁ...ସିଡନୀ ଟେଷ୍ଟରୁ ବାଦ ପଡିବା ପରେ ମୁହଁ ଖୋଲିଲେ ରୋହିତ, କହିଲେ ମୁଁ ଅବସର ନେଇ ନାହିଁ

https://prameya.com/rohit-sharma-breaks-his-silence-on-retirement

ୟୁ-ଟର୍ଣ୍ଣ ନେଲେ ରୋହିତ- ଭାରତୀୟ କ୍ରିକେଟର ଦଳର ଅଧିନାୟକ ତାଙ୍କ କ୍ୟାପ୍ଟେନ୍ସିକୁ ନେଇ ୟୁ-ଟର୍ଣ୍ଣ ନେଇଛନ୍ତି । ବର୍ଡର-ଗାଭାସ୍କର ଟ୍ରଫି ଟୁର୍ଣ୍ଣାମେଣ୍ଟରେ ସିଡନୀ ଟେଷ୍ଟରୁ ଅଧିନାୟକ ରୋହିତ ଓହରିଥିଲେ । ଏହାପରେ ରୋହିତ ଅବସର ନେବା ନେଇ ଚର୍ଚ୍ଚା ହେଉଥିଲା । ମାତ୍ର ପରବର୍ତ୍ତୀ ସାକ୍ଷତାକାରରେ ସେ ଦଳର ଆବଶ୍ୟକତା ପାଇଁ ସିଡନୀ ଟେଷ୍ଟରୁ ଓହରି ଥିବା କହିଥିଲେ । ଅବସନ ନେଇନାହିଁ କୁଆଡେ ଯାଉନି ବୋଲି କହିଥିଲେ । ମାତ୍ର ଏବେ ପୁଣି ବିସିସିଆଇ ବୈଠକରେ ସେ ଯେପରି ନୂଆ ଅଧିନାୟକ ଖୋଜି ନିଅ ବୋଲି କହିଛନ୍ତି ତାକୁ ପୁଣି ଚର୍ଚ୍ଚା ଆରମ୍ଭ ହୋଇଛି ।