ନୂଆଦିଲ୍ଲୀ: ରିପବ୍ଲିକାନ୍ ପାର୍ଟି ଅଫ୍ ଇଣ୍ଡିଆ (ଏ) ନେତା ତଥା ରାଜ୍ୟସଭା ସାଂସଦ ରାମଦାସ ଅଠୱାଲେ ଆଜି (ଶୁକ୍ରବାର) ଏନଡିଏ ସଂସଦୀୟ ଦଳ ବୈଠକରେ ଭାଗ ନେଇଥିଲେ । ବୈଠକ ପରେ ଅଠୱାଲେ ଗଣମାଧ୍ୟମକୁ କହିଛନ୍ତି ଯେ, ମୁଁ ପିଏମ ମୋଦୀଙ୍କୁ କହିଥିଲି ଯେ ଆପଣଙ୍କର ଶକ୍ତି ଅଛି, ସେଥିପାଇଁ ଆମେ ଆପଣଙ୍କ ସହ ଅଛୁ। ସେଥିପାଇଁ ଆମେ ବିଶ୍ୱାସ କରୁ ଯେ ମୋଦୀ ଆମର ନିକଟତର । ଆମେ ସାରା ଦେଶରେ ଲୋକସଭା ନିର୍ବାଚନରେ କାର୍ଯ୍ୟ କରିଛୁ । ଏନଡିଏର ଗଠନକାରୀ ଦଳ ବୃଦ୍ଧି ପାଇଛି ।
ନୂତନ ସରକାରରେ ତାଙ୍କୁ ମନ୍ତ୍ରୀ କରିବା ପ୍ରଶ୍ନରେ ରାମଦାସ ଅଠୱାଲେ କହିଛନ୍ତି ଯେ, ମୁଁ ଦଳିତ ଓ ଆଦିବାସୀଙ୍କ ନେତୃତ୍ୱ ନେଉଛି, ତେଣୁ ମୋ ଉପରେ କୌଣସି ଅନ୍ୟାୟ ହେବ ନାହିଁ । ଯଦି ବି ମୋତେ ମନ୍ତ୍ରୀ ପଦ ଦିଆନଯାଏ, ତେବେ ମଧ୍ୟ ଆମେ ଏନଡିଏ ସହିତ କାମ କରିବୁ । ଆମେ ମୋଦୀଙ୍କ ସହ ରହିବୁ। ସୂଚନାଥାଉକି, ରାମଦାସ ଅଠୱାଲେ ପୂର୍ବ ସରକାରରେ ସାମାଜିକ ନ୍ୟାୟ ଏବଂ ସଶକ୍ତିକରଣ ମନ୍ତ୍ରୀ ରହିଥିଲେ ।
ଅନ୍ୟପକ୍ଷରେ ଏନଡିଏ ଗଠିତ ଦଳରେ କାହାକୁ କେଉଁ ମନ୍ତ୍ରଣାଳୟ ଦିଆଯିବ ସେନେଇ ଅନେକ କଳ୍ପନାଜଳ୍ପନା ଚାଲିଛି । ଏହା ଉପରେ ଏଲଜେପି ନେତା ଚିରାଗ ପାସୱାନ କହିଛନ୍ତି ଯେ ମନ୍ତ୍ରଣାଳୟ ସମ୍ପର୍କରେ କୌଣସି ଆଲୋଚନା ହୋଇନାହିଁ ଏବଂ କେବଳ ଗୁଜବ ପ୍ରଚାର କରାଯାଉଛି । ଏଥି ସହିତ ଆଜି ସଂସଦ ଗୃହରେ ଏନଡିଏ ବୈଠକ ଅନୁଷ୍ଠିତ ହୋଇଥିବାବେଳେ ପ୍ରଧାନମନ୍ତ୍ରୀ ମୋଦୀ ନିଜେ କହିଛନ୍ତି ଯେ, ଆଜିକାଲି ଅନେକ ଲୋକ ସରକାର ଗଠନରେ ବ୍ୟସ୍ତ ଅଛନ୍ତି । ମନ୍ତ୍ରୀ ପଦ ବଣ୍ଟନ କରୁଛନ୍ତି। କିନ୍ତୁ ମୋଦୀଙ୍କୁ ଜାଣିଥିବା ସାଂସଦଙ୍କ ପାଇଁ ଏହି ପ୍ରୟାସ ବ୍ୟର୍ଥ ଅଟେ ।