ନୂଆଦିଲ୍ଲୀ: ରାଜସ୍ଥାନର ପୁଷ୍କର ମେଳାରେ ୭୨ ଇଞ୍ଚର ଏକ ଘୋଡା ଆକର୍ଷଣର କେନ୍ଦ୍ର ପାଲଟିଛି । ଏହାକୁ ଦେଶର ସବୁଠାରୁ ଉଚ୍ଚତମ ଘୋଡା ବୋଲି କୁହାଯାଉଛି । ଏହି ଘୋଡାର ନାମ କର୍ମ ଦେବ । ଲୋକ ମାନେ ଏହାକୁ କିଣିବା ପାଇଁ ୧୧ କୋଟି ଟଙ୍କା ଦେବାକୁ ରାଜି ହୋଇଥିବା ବେଳେ, କିନ୍ତୁ ଘୋଡାର ମାଲିକ ଏହାକୁ ଏହି ଦାମ୍ରେ ବିକ୍ରୟ କରିବାକୁ ପ୍ରସ୍ତୁତ ନୁହଁନ୍ତି । ଏହି ଘୋଡା ଅନ୍ତର୍ଜାତୀୟ ପୁଷ୍କର ମେଳା ପାଇଁ ମୋହାଲି (ପଞ୍ଜାବ) ରୁ ଆସିଛି । ଘୋଡାର ମାଲିକ ଗୁରୁ ପ୍ରତାପ ସିଂ ଗିଲ କହିଛନ୍ତି ଯେ ଏଥର ସେ ମୋହାଲିରୁ ପୁଷ୍କର ମେଳା ପାଇଁ ୩୦ଟି ଘୋଡା ଆଣିଛନ୍ତି । ସମସ୍ତ ଘୋଡା ଉନ୍ନତ ପ୍ରଜାତିର ଅଟନ୍ତି ।
ଗୁରୁ ପ୍ରତାପ ସିଂ ଗିଲଙ୍କ ଅନୁଯାୟୀ, ତାଙ୍କ ଘୋଡା 'କର୍ମଦେବ' ଦେଶର ସବୁଠାରୁ ଉଚ୍ଚ ଘୋଡା, ଯାହାର ଉଚ୍ଚତା ୭୨ ଇଞ୍ଚ। ବର୍ତ୍ତମାନ ଏହି ଘୋଡାର ବୟସ ମାତ୍ର ୪ ବର୍ଷ ୬ ମାସ। ବର୍ତ୍ତମାନ ପର୍ଯ୍ୟନ୍ତ ଏହି ଘୋଡାର ମୂଲ୍ୟ ୧୧ କୋଟି ଟଙ୍କା ବୋଲି ଆକଳନ କରାଯାଇଛି, କିନ୍ତୁ ଗୁରୁ ପ୍ରତାପ ସିଂ ଗିଲ ଏହି ମୂଲ୍ୟରେ ଏହାକୁ ବିକ୍ରୟ କରିବାକୁ ପ୍ରସ୍ତୁତ ନୁହଁନ୍ତି।
ଘୋଡା ମାଲିକ ଗୁରୁ ପ୍ରତାପ ସିଂ ଗିଲ କର୍ମଦେବର ଖାଦ୍ୟ ବିଷୟରେ ମଧ୍ୟ କହିଛନ୍ତି। ସେ କହିଛନ୍ତି ଯେ, ତାର ଖାଦ୍ୟ ସନ୍ତୁଳିତ, ଯେଉଁଥିରେ ଚଣା, ସୋୟାବିନ୍, କ୍ୟାଲସିୟମ୍, ଭିଟାମିନ୍, ଜିଙ୍କ, କପର୍ ଇତ୍ୟାଦି ଅନ୍ତର୍ଭୁକ୍ତ। ଏସବୁର ମିଶ୍ରଣକୁ ଫୁଟାଯାଇ କର୍ମଦେବକୁ ଖାଇବାକୁ ଦିଆଯାଏ । ବର୍ତ୍ତମାନ ପର୍ଯ୍ୟନ୍ତ ଏହି କିସମର ୧୦-୧୧ ପିଲା ଆସିଛନ୍ତି ଏବଂ ସେମାନେ ଆଲିସାନ୍ ଲାଇନରେ ଅଛନ୍ତି।
