ବରଗଡ, ୨୫।୫ : ବରଗଡ ଜ଼ିଲ୍ଲା ସମାଜସେବୀ ସଂଘ ତରଫରୁ ବରଗଡ ପୁରୁଣା ଡାକ୍ତରଖାନାକୁ ଆସୁଥିବା ରୋଗୀଙ୍କ ସମ୍ପର୍କୀୟମାନଙ୍କ ପାଇଁ କରାଯାଉଥିବା ରନ୍ଧlଖାଦ୍ୟ ବ୍ୟବସ୍ଥାର ଏକ ବର୍ଷ ପୂର୍ତ୍ତି ପାଳିତ ହୋଇଯାଇଛି l ଏ ଅବସରରେ ପୁରୁଣା ଡାକ୍ତରଖାନା ପରିସରରେ ଏକ ବାର୍ଷିକ ଉତ୍ସବ କାର୍ଯ୍ୟକ୍ରମ ମହାସମାରୋହରେ ପାଳିତ ହୋଇଯାଇଛି l 

ସଂଘର ସଭାପତି ବଳିଷ୍ଠ ଦୁର୍ଗାଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବରଗଡ ସାଂସଦ ପ୍ରଦୀପ ପୁରୋହିତ ଯୋଗ ଦେଇଥିଲେ। ବିଜେପି ନେତା ଅକ୍ରୁର ମଲ୍ଲିକ, ସର୍ଦାର ପ୍ରିତମ ସିଂ, ଯଶବୀର ସିଂ ସୈନି, ମିନାକ୍ଷୀ ମିଶ୍ର, ଅଞ୍ଜନା ଦାଶ ପ୍ରମୁଖ ମଂଚାସୀନ ଥିଲେ l ସଂଘର କାର୍ଯ୍ୟକ୍ରମକୁ ସ୍ୱାଗତ କରି ନେତୃ ମଣ୍ଡଳୀ ସ୍ବେଛାସେବୀମାନଙ୍କୁ ଉତ୍ସାହିତ କରିଥିଲେ l ଏ ଅବସରରେ ବହୁ ସ୍ବେଛାସେବୀ, ସଚେତନ ନାଗରିକ ଓ ସହଯୋଗୀଙ୍କୁ ସମ୍ମାନିତ କରାଯାଇଥିଲା l