ଜେରୁଜେଲମ: ଇସ୍ରାଏଲର ଅଲଟ୍ରା-ଅର୍ଥୋଡକ୍ସ ୟୁନାଇଟେଡ୍ ଟୋରା ଜୁଡାଇଜିମ (UTJ) ପାର୍ଟି ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁଙ୍କ ଗଠବନ୍ଧନ ସରକାରରୁ ଇସ୍ତଫା ଦେଇଛି। ଏହି ନିଷ୍ପତ୍ତି ଯେଶିଭା (ଧାର୍ମିକ ଶିକ୍ଷାନୁଷ୍ଠାନ) ଛାତ୍ରମାନଙ୍କୁ ବାଧ୍ୟତାମୂଳକ ସୈନ୍ୟ ସେବାରୁ ଛାଡ଼ ଦେବା ପାଇଁ ଏକ ବିଲ ପାସ କରିବାରେ ସରକାରଙ୍କ ବିଫଳତା ହେତୁ ନିଆଯାଇଛି। UTJର ଦୁଇ ଗୋଷ୍ଠୀ ଡେଗେଲ ହାଟୋରା ଓ ଆଗୁଡାଟ ଇସରାଏଲ ଏହି ଘୋଷଣା କରିଛନ୍ତି। ଯାହା ନେତାନ୍ୟାହୁଙ୍କ ୬୪ ସଦସ୍ୟ ବିଶିଷ୍ଟ ଗଠବନ୍ଧନକୁ ଅସ୍ଥିର କରିଦେଇଛି।
UTJର ସାତ ଜଣ କେନସେଟ ସଦସ୍ୟ ଥିବା ଏହି ପାର୍ଟି ଦୀର୍ଘ ସମୟ ଧରି ଅଲଟ୍ରା-ଅର୍ଥୋଡକ୍ସ ଯୁବକମାନଙ୍କ ପାଇଁ ସୈନ୍ୟ ସେବା ଛାଡ଼ର ପକ୍ଷପାତୀ ରହିଛି। ଜୁନ ୨୦୨୪ରେ ଇସ୍ରାଏଲର ସୁପ୍ରିମ କୋର୍ଟ ଏହି ଛାଡ଼କୁ ଅସାମ୍ବିଧାନିକ ଘୋଷଣା କରିବା ପରେ, UTJ ସରକାରଙ୍କୁ ଏକ ନୂତନ ଆଇନ ପାସ କରିବାକୁ ସରକାରଙ୍କ ଉପରେ ଚାପ ପକାଇଥିଲା। କିନ୍ତୁ ଗଠବନ୍ଧନ ଭିତରେ ମତଭେଦ ଓ ବିରୋଧୀ ଦଳମାନଙ୍କ ବିରୋଧ ହେତୁ ଏହି ବିଲ ପାସ ହୋଇପାରିନଥିଲା। ଯାହାଫଳରେ UTJର ନେତା ମୋଶେ ଗାଫନି ଏହାକୁ ଅଗ୍ରାହ୍ୟ ବୋଲି ଅଭିହିତ କରି ଗତ ସୋମବାର ସନ୍ଧ୍ୟାରେ ଗଠବନ୍ଧନ ଛାଡ଼ିବାକୁ ନିଷ୍ପତ୍ତି ନେଇଛନ୍ତି।
UTJର ଇସ୍ତଫା ସତ୍ତ୍ୱେ, ନେତାନ୍ୟାହୁଙ୍କ ଗଠବନ୍ଧନ ଏବେ ମଧ୍ୟ ୫୭ ସଦସ୍ୟଙ୍କ ସହ ସଂଖ୍ୟାଗରିଷ୍ଠତା ବଜାୟ ରଖିଛି। କାରଣ ୧୨୦ ସିଟ ବିଶିଷ୍ଟ ଆସନରେ ସରକାର ଗଢିବା ପାଇଁ ମ୍ୟାଜିକ ନମ୍ୱର ୬୧ ରହିଛି। କିନ୍ତୁ ଇସ୍ରାଏଲରେ ଏକାଧିକ ଛୋଟବଡ ଦଳ ଥିବାରୁ ପ୍ରାୟ ଦଳଙ୍କୁ ସରକାର ଗଢିବା ପାଇଁ ଗଠବନ୍ଧନର ଆବଶ୍ୟକତା ରହିଥାଏ। ତେବେ, ଏହି ନୂଆ ନିଷ୍ପତ୍ତି ଶାସନବାର ସମ୍ଭାଳୁଥିବା ସରକାରଙ୍କୁ ଅଧିକ ଦୁର୍ବଳ କରିଦେଇଛି ଏବଂ ଅନ୍ୟ ଗଠବନ୍ଧନ ଦଳମାନଙ୍କ ଉପରେ ନିର୍ଭରଶୀଳତା ବଢ଼ାଇଛି। ବିରୋଧୀ ଦଳ ନେତା ୟାଇର ଲାପିଡ ଏହି ସଙ୍କଟକୁ ନେତାନ୍ୟାହୁଙ୍କ "ଅପାରଗତା"ର ପ୍ରମାଣ ବୋଲି କହିବା ସହିତ ନୂତନ ନିର୍ବାଚନ ପାଇଁ ଦାବି କରିଛନ୍ତି।
UTJର ଇସ୍ତଫା ନେତାନ୍ୟାହୁଙ୍କୁ ଅନ୍ୟ ଦଳମାନଙ୍କ ସହ ନୂତନ ମେଣ୍ଟ ଗଠନ କରିବାକୁ ବାଧ୍ୟ କରିପାରେ କିମ୍ବା ଦେଶରେ ପୁଣିଥରେ ନିର୍ବାଚନ କରେଇକୁ ବାଧ୍ୟ କରିପାରେ ବୋଲି ବିଶେଷଜ୍ଞମାନେ ମତ୍ତ ପ୍ରକାଶ କରିଛନ୍ତି। ତେବେ ଏହି ନିଷ୍ପତ୍ତି ଇସ୍ରାଏଲର ରାଜନୈତିକ ପରିସ୍ଥିତିକୁ ଆହୁରି ଜଟିଳ କରିଛି, ଯେଉଁଠାରେ ଧାର୍ମିକ ଓ ଧର୍ମନିରପେକ୍ଷ ଗୋଷ୍ଠୀ ମନୋଭାବ ମଧ୍ୟରେ ଦୀର୍ଘ ଦିନ ଧରି ସଂଘର୍ଷ ଚାଲିଆସୁଛି।
ଦେଖିବାକୁ ଗଲେ ନେତାନ୍ୟାହୁ ବର୍ତ୍ତମାନ ମଧ୍ୟ ସଂଖ୍ୟା ଗରିଷ୍ଠତା ସହ ସରକାରର ମଙ୍ଗ ସମ୍ଭାଳୁଛନ୍ତି। ତେବେ UTJର ଇସ୍ତପା ପରେ ସେ ନିଜ ସଂଖ୍ୟାଗରିଷ୍ଠତା ହରାଇଦେଇଛନ୍ତି। ଏହାର ମାନେ ତତ୍କାଳିନ ପ୍ରଭାବରେ ଆଉଥରେ ନିର୍ବାଚନ ହେବାର କୌଣସି ସମ୍ଭାବନା ନାହିଁ। ତେବେ ଆଗକୁ ଯଦି ପରିସ୍ଥିତି ଆହୁରି ବିଗିଡେ ତେବେ ପୁଣିଥରେ ନିର୍ବାଚନ ହେବାର ସମ୍ଭାବନା ରହିଛି। ଏଭଳି ପରିସ୍ଥିତି ଆଗାମୀ ନିର୍ବାଚନରେ ନେତାନ୍ୟାହୁହ୍କ ଉପରେ କିଭଳି ପ୍ରଭାବ ପକାଇବ ତାହା ଦେଖିବା ବାକି ରହିଲା ବୋଲି ବିଶେଷଜ୍ଞମାନେ ମତ୍ତପ୍ରକାଶ କରିଛନ୍ତି।
