ହିନ୍ଦୁ ଧର୍ମରେ ଏକାଦଶୀ ତିଥିର ବିଶେଷ ମହତ୍ତ୍ୱ ରହିଛି। ପ୍ରତି ମାସର କୃଷ୍ଣ ପକ୍ଷ ଏବଂ ଶୁକ୍ଳ ପକ୍ଷରେ ଏକାଦଶୀ ତିଥି ପଡ଼ିଥାଏ ଏବଂ ଏହି ଦିନ ଉପବାସ ମଧ୍ୟ ପାଳନ କରାଯାଏ । ଚୈତ୍ର ମାସର କୃଷ୍ଣ ପକ୍ଷର ଏକାଦଶୀକୁ ହିନ୍ଦୁ ଧର୍ମରେ ପାପମୋଚନ ଏକାଦଶୀ କୁହାଯାଏ । ଶାସ୍ତ୍ରରେ ବର୍ଣ୍ଣିତ ଅଛି ଯେ,ଏହି ଦିନ ଭଗବାନ ବିଷ୍ଣୁଙ୍କୁ ପୂଜାର୍ଚ୍ଚନା କରି ଉପବାସ କରିବା ଦ୍ୱାରା ଜୀବନରେ ଜାଣତରେ କିମ୍ବା ଅଜାଣତରେ ହୋଇଥିବା ସମସ୍ତ ପାପ ନଷ୍ଟ ହୋଇଥାଏ । ଏହା ସହିତ ବିଷ୍ଣୁଙ୍କ କୃପା ମଧ୍ୟ ଆପଣଙ୍କ ଉପରେ ସବୁବେଳେ ରହିଥାଏ। ଜ୍ୟୋତିର୍ବିଦ୍ଙ୍କ ଅନୁଯାୟୀ, ପାପମୋଚନ ଏକାଦଶୀ ମାର୍ଚ୍ଚ ୨୫ ତାରିଖରେ ପଡ଼ିବ । ଏହି ଦିନ ମାଆ ବୃନ୍ଦାବତୀଙ୍କ ସହିତ ଭଗବାନ ବିଷ୍ଣୁଙ୍କ ପୂଜା କରିବା ଦ୍ୱାରା ଆପଣଙ୍କୁ ଆର୍ଥିକ ସମସ୍ୟାରୁ ମୁକ୍ତି ମିଳିବ।
କଦଳୀ ଗଛ ମୂଳକୁ ପୂଜା କରନ୍ତୁ-
ଏହି ଦିନ ଉପବାସ କରି କଦଳୀ ଗଛର ମୂଳକୁ ପୂଜା କରିବା କରନ୍ତୁ । ଏକ ପିତ୍ତଳ ପାତ୍ରରେ ହଳଦୀ ଏବଂ ଗୁଡ଼ ରଖି ସେଠାରେ ଅର୍ପଣ କରନ୍ତୁ । ଏପରି କରିବା ଦ୍ୱାରା ଭଗବାନ ବିଷ୍ଣୁଙ୍କ ସହିତ ମାଆ ଲକ୍ଷ୍ମୀଙ୍କ ଆଶୀର୍ବାଦ ପ୍ରାପ୍ତ ହୋଇଥାଏ ।
ଭାତ ଖାଆନ୍ତୁ ନାହିଁ-
ପାପମୋଚନ ଏକାଦଶୀ ଦିନ ଭୁଲରେ ବି ଭାତ ଖାଆନ୍ତୁ ନାହିଁ । ଏହା ବ୍ୟତୀତ ଚାଉଳ ଦାନ କରିବା ମଧ୍ୟ ଉଚିତ୍ ନୁହେଁ। ଏପରି କରିଲେ ଆପଣ ଭଗବାନଙ୍କ କୃପାରୁ ବଞ୍ଚିତ ହେବେ ।
ବିବାହ ସମ୍ବନ୍ଧୀୟ ସମସ୍ୟାର ଅନ୍ତ ହେବ-
ଯଦି ଆପଣ ନିଜ ଜୀବନରେ ବିବାହ ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହେଉଛନ୍ତି, ତେବେ ଏହି ଦିନ ତୁଳସୀଙ୍କୁ ଷୋହଳଟି ଶୃଙ୍ଗାର ସାମଗ୍ରୀ ଅର୍ପଣ କରନ୍ତୁ । ଏହା ସହ ମାଆ ବୃନ୍ଦାବତୀଙ୍କୁ ଶ୍ରଦ୍ଧାର ସହ ପୂଜାର୍ଚ୍ଚନା କରନ୍ତୁ ଏବଂ ସନ୍ଧ୍ୟାରେ ତୁଳସୀ ଗଛ ତଳେ ଘିଅ ଦୀପ ଜଳାନ୍ତୁ । ଏପରି କରିବା ଦ୍ୱାରା ବିବାହ ସମ୍ବନ୍ଧୀୟ ସମସ୍ତ ସମସ୍ୟାର ଅନ୍ତ ହେବ ।
